Esdras 4:2 - Bible in Tzeltal de Oxchuc y Tenejapa

² jich ba yilic te Zorobabel, te Josué soc te jwentainwanejetic ta juju-jchajp na. Jich c'o yalbeyic: —Ac'botic permiso uuc ta spasel te nae, yu'un ya jcoltaytiquex, melel te jo'otique, ja' nix jichotic te bit'il ja'exe, melel ja' nix ya quich'tic ta muc' te Dios awu'unique. Ya cac'beytic milbil smajt'an ja' to nix te c'alal yorail Esar-hadón muc' ajwalil ta Asiria, te la yic'otic tel li' c'alale —xiic c'oel te controetique.

Bible in Tzeltal Bachajón

² talic ta stojol te Zorobabel soc te jtsobawetic yu'un jujuchahp sna sme'static, hich la yalic: Ya jcoltayexcotic ta spasel, como yac jlehbelcotic te Dios awu'unic, hich te bin ut'il te ha'exe, soc ha yac ca'bebelcotic milbil mahtaniletic c'alal ta yorahil Esarhadón ajwalil yu'un Asiria te la yic'otcotic tal li'i, xchihic.

Esdras 4:2 Referans Kwoze

2 Reyes 19:37

Ay jun c'aal c'alal yac ta xch'uunel sdios Nisroc ta stemplo a, c'ot ta milel yu'un snich'nab nix, Adramelec soc Sarezer. Loq'uic ta anel, bajt'ic ta witstiquil Ararat. Patil ja' och ta sjelol te Esar-hadón, te ja' nix snich'ane.

2 Reyes 17:24

Te muc' ajwalil yu'un Asiria la yic' bael ants-winiquetic ta Babilonia, Cuta, Ava, Hamat soc Sefarvaim, c'o yac' ta nainel ta lumetic yu'un Samaria, swenta sjelol c'ot yu'un te israeletique. Jich la yu'uninic te Samaria soc nainic tey ta lumetic yu'unique.

2 Timoteo 3:8

Jich bit'il la scontroin Moisés ta Egipto te Janese te Jambrese, ja' nix jich te ants-winiquetic ta ora to, c'ax boloben te yo'tanique, scontroinejic te smelelil c'ope, soc xujt' ma ba c'oem ta yo'tanic te bit'il ay te xch'uunjel-o'tanile.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Oseas 14:3

Asiria ma xju' ya scoltayotic; soc ma xju' xcolotic yu'un te caballoetique. “Dios cu'untic”, ma me xoocotic ta stojol te bila jpasojtic ta jc'abtique. Melel ja'at nax atuquel, Cajwal, te ya ana'bon yo'bolil jba te me'ba alalone —xaat me ta stojol te Diose.

Isaías 37:37

Jich yu'un te Senaquerib, te muc' ajwalil yu'un Asiria, la sjach sbiluc ta scampamento soc sujt' bael ta Nínive.

Salmos 73:8

ay labanwanej, ay toyba-o'tanil, soc ma xq'uexawic, Jich ya xchajban sbaic yu'un spasel te bila amen soc swenta uts'inwanej.

Esdras 3:12

Soc ay tsobolic te sacerdoteetic, levitaetic soc jwolwanejetic yu'un juju-jchajp na te mamaliquix a te la yilic te sbabial templo, mero tulan oq'uic yu'un te la yilic te yac ta jajch'el ta pasel te yach'il templo. Tsobol xan yantic yacalic ta aw ta swenta sbujts' yo'tanic.

Esdras 3:2

Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

Esdras 1:5

Te jwentainwanejetic yu'un jujun na ta Judá soc ta Benjamín soc te sacerdoteetic, soc te levitaetique, ja'ic ta spisil te tijbot yo'tanic yu'un te Diose, la xchajban sbaic yu'un te bael ta Jerusalén, soc ta xcha'pasel xan te templo yu'un te Cajwaltique.

Génesis 10:11

Loc' bael tey a te Asur, c'o spas te muc'ul lum Nínive, te Rehobot-Ir soc te Cala,

Nehemías 9:32

“Ja' yu'un yo'tic, Dios cu'untic, muc' Dios te spisil ya xju' awu'une, soc te ayat ta xi'ele, te cuxul awu'un te c'op chapal awu'un ta jtojoltique, soc te smuc'ul xc'uxul awo'tane, ayuc me sc'oplal ta awo'tan spisil te woclajel c'otix ta pasel ta stojol te muc' ajwaliletic cu'untic, te jwolwanejetic, sacerdoteetic, j'alwanejetic, soc te antiguo jme'-jtatic, soc ta spisil te yajwal lume, ja' to ta yorail te muc' ajwalil ta Asiria, c'alal ta ora in to.

Isaías 37:38

Ay jun c'aalil c'alal yac ta yalel wocol ta templo yu'un Nisroc te dios yu'une, c'ot ta milel yu'un snich'nab nix, ja' te Adramelec soc Sarézer. Loq'uic ta anel, bajt'ic ta sq'uinal Ararat. Ta patil ja' la sjelolin ta ajwalil te Esarhadón, ja' nix te snich'ane.