Esdras 4:12 - Bible in Tzeltal de Oxchuc y Tenejapa

¹² “Ya caltic ta atojol te ja'at te muc' ajwalilate: Yu'un te judioetic jajch'ic tel ta atojol te julic tel ta jtojoltique, c'otic ta Jerusalén. Yacalic ta xcha'pasel xan te lum, mero bayal stoybail soc mero amen. La sjachic spasel xan te xjajch'ibal yiptajib soc te sjoyob ts'ajc'ule.

Bible in Tzeltal Bachajón

¹² Ac'a sna te ajwalil te bin ut'il te judiohetic te loq'uic tal te atojol, te hulic tal ta jtojolcotic, c'ohtic ta Jerusalén soc yac scha'pasbelic xan te pueblo te stoyoj sba soc te chopole. Yac shachbelic te ts'ahquetic soc yac scha'pasbelic te yich'o-ip.

Esdras 4:12 Referans Kwoze

Esdras 5:9

La jac'beytic te jwentainwanej-judioetic te mach'a ac'botic mandal yu'un te yacalic ta xcha'pasel xan te temploe, soc te yacalic ta smojt'esel ste'ele,

Esdras 5:3

Pero te Tatnai te ja' ajwalil yu'un te jpam q'uinal te ay ta smalib c'aal yu'un muc'ja' Eufrates, te Setar-boznai soc te sjo'taque ba yalbeyic: —¿Mach'a la yalbeyex mandal te ochex ta xcha'pasel xan te templo in to soc te ya awac'beyic xan ste'ele? ¿Bitic sbiilic te mach'atic yacal yac'belic ta cha'pasel xan te na in to? —xiic c'oel.

2 Crónicas 36:13

Soc la stoy sba ta stojol Nabucodonosor te la yac'bey yal ta jamal ta stojol Dios te ya sjoin sba soque, soc mero tulan la yac' sba ta jyalel te ma la sc'an la sujt'es yo'tan ta stojol te Cajwaltic te Dios yu'un te Israele.

1 Tesalonicenses 5:22

Ijq'uitayaic me jilel spisil te bila amene.

Hechos 24:5

Yu'un in winic to, chican ta jamal te mero jbolteswaneje. Ja' yac ta xjajch'esel c'op ta bayuc te banti pujq'uemic te judioetique, soc ja' jolol yu'un te mach'atic jowejemic te st'unojic Jesús te Nazarete,

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

Daniel 9:25

Ya sc'an te ya ana'bey swentail in to soc te ya xc'ot ta awo'tan ta mero melel: Te bi ora ya yich' alel mandal ta jachel xan te Jerusalén soc te ya me yich' cha'pasel xan, ja' to teme jul tel te ch'ul jwentainwanej, ya me xc'ax juqueb semana. Te calleetic soc joyob ts'ajc' te ya yich'ix xan pasel ta Jerusalén, ya me xjalajic cheb xchanwinic (62) semana, pero ta spisil in c'aal to, ay me bayal wocol a.

Jeremías 52:3

Jich yu'un te Cajwaltic ilin yu'un te Jerusalén soc Judá, la xch'oj loq'uel ta stojol. Patil te Sedequías jelaw ta stojol te muc' ajwalil ta Babilonia.

Nehemías 1:3

Jich la yalbonic: —Te mach'atic sujt'emic loq'uel tel ta sq'uinal Babilonia, mero wocol ayic soc mero ayic ta q'uexlal. Jich nix te Jerusalén, jinbil te sjoyob ts'ajc'ule, soc chic'bil ta c'ajc' te spuertail te muc'ul ts'ajq'ue —xi'.

Esdras 4:19

la cal mandal te ya yich' leel te poco' junetique. La yich' tael te melel nix a te la stoy sba ta stojol muc' ajwaliletic ta namey te lum in to. La xchap sbaic ta sjachel c'op, soc la stoy sbaic tey a.

Esdras 4:15

swenta yu'un ya me yich' leel ta bay sq'uejibal junetic yu'unic te mach'atic neel c'axemic awu'une. Te bi ya yal tey ae, tey me ya ana' a te lum te mero toyba soc xiweltic sba ta stojol muc' ajwaliletic soc ta stojol yantic q'uinaletic. Ay jich c'oemiquix ta pasel yu'unic te la xchajban sbaic swenta yu'un ma x'ich'awanic ta muc' tey a. Ja' swentail te la yich' lajinel te lume.

2 Reyes 24:1

Te c'alal ay ta muc' ajwalil a te Joacim, te Nabucodonosor muc' ajwalil yu'un Babilonia la yochintay te nacione. Te Joacim la yac' sba ta abatinel yu'un oxeb ja'wil. Patil yanaj yo'tan, la stoy sba ta stojol.

2 Reyes 18:20

¿Yu'un bal ya acuy te ya xju' yu'un tsalaw te t'ujbil c'opetique? ¿Yu'un bal ma ba ana'ojic te ja' ya yaiyic tsalaw a te yip te soldadoetic te ya sna'ic guerra ta leque? ¿Mach'a smuc'ulinej awo'tan ta ac'op te la atoy aba ta jtojole?

Ester 3:8

Ja' yu'un te Amán jich la yalbey te muc' ajwalil Asuero: —Ta spisil te lumetic te smacoj te juju-jpam q'uinal awu'uninej ta mandalteswanej, ja'at te muc' ajwalilate, ay jtsob te parte yac'oj sba ta stojol te yantique. Ay leyetic yu'un te ma pajaluc soc te yu'un te yantic lumetique, soc ma sc'an spas te bila mandal awaloj te ja'at te muc' ajwalilate. Ma lecuc te ya x'ainic xan ta atojol tey ta banti ya spasawanat ta mandale.

Daniel 3:8

Pero ay caldeoetic tey ayic a. La slebeyic smul ta stojol muc' ajwalil Nabucodonosor te judioetique,

Nehemías 6:6

Jich la yal ta jun: “Yacalic ta yalel te winiquetic, soc jich nix ya yal te Gesem, te ja'at soc te judioetic te yacalex ta xchapel te ya atoy abaique. Ja' laj yu'un yacal ta cha'pasel xan te joyob ts'ajq'ue. Soc jich chican ta alel te ja'at laj ya x'ochat ta muc' ajwalil yu'unic.