Esdras 3:8 - Bible in Tzeltal de Oxchuc y Tenejapa

⁸ Ja' yu'un ta xchebal u sjajch'el xchebal ja'wil sjulelic ta Jerusalén a, te Zorobabel snich'an Salatiel, soc Josué snich'an Josadac, te sjo'tac sacerdoteetic, te levitaetic, soc ta spisil te namey ic'otic loq'uel ta slumalic te sujt'ic xan tel ta Jerusalén, jajch'ic xan ta xcha'pasel te templo yu'un Dios. Ja' la yac'beyic swentain at'el te levitaetic c'axemix ta jtab ya'wilalique.

Bible in Tzeltal Bachajón

⁸ Ta schebal u ta schebal ha'bil shulelic ta Jerusalén a, te Zorobabel snich'an Salatiel, Jesúa snich'an Josadac, soc te yantic yermanotac, ha te sacerdotehetic, levitahetic soc spisil te mach'atic bahemic ta chuquel te ayiquix ta Jerusalén, hahchic ta a'tel; la ya'beyic ya'tel te levitahetic te c'axemix jtahb (20) ya'bilal te ya scuentahinic te a'tel ta sna Jehová.

Esdras 3:8 Referans Kwoze

Esdras 4:3

Pero te Zorobabel, te Josué soc te yantic jwentainwanejetic yu'un juju-jchajp na yu'un israeletic, jich la yalbeyic: —Ma xju' teme ya jointiquex ta xcha'pasel te templo yu'un te Diose. Ta jtuqueltic ya jcha'pastic te templo yu'un Cajwaltic, te Dios yu'un Israel, melel jich la spasotic ta mandal te Ciro te muc' ajwalil yu'un Persia —la yutic.

1 Crónicas 23:4

Ay me chaneb xcha'winic ta jmil (24,000) te la yac'bey swentain te at'el ta templo, soc wacmil (6,000) la yac' ta jtsobwanej soc ta juecil,

Números 4:3

te ayic ta lajuneb xcha'winic (30) ya'wilalic c'alal ta lajuneb yoxwinic (50), te ya xju' yu'unic at'el ta abatinel ta Nailpac' te bay ya quich' c'oponele.

Esdras 3:2

Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Esdras 5:16

Ja' yu'un, te c'alal c'ot te Sesbasar, la yac'bey jajch'el te xjajch'ibal yiptajib te templo yu'un Dios ta Jerusalene. Jich ora jajch' ta cha'pasel xan, pero ma to ba ju'em ta pasel.

Zacarías 4:9

—Te Zorobabel la yac'beyix te yiptajib templo, soc ja' ni me ay ta swenta sju'tesel ta pasel. Jich me ya sna'ic a te jo'on te Ajwalilon te la jticunat tele.

Zacarías 6:12

Jich me xawalbey: “Te Cajwaltic te Spisil ya xju' yu'une, ya yal ta jamal te ay jtul winic te Spul sbiil te ya xpulin loq'uel tel ta atojol, te ya xcha'pas xan te templo yu'un te Cajwaltique.

1 Crónicas 3:17

Te sts'umbal Jeconías te la yich' yantesel slumale, ja' te Salatiel te sba snich'ane,

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

Esdras 4:24

Jich quejch'aj ta cha'pasel xan te templo yu'un Dios ta Jerusalén, ja' to ta xchebal ja'wil yat'el ta muc' ajwalil Darío ta Persia.

Esdras 5:2

Ja' yu'un te Zorobabel snich'an Salatiel soc Josué snich'an Josadac, jajch'ic xan ta at'el ta xcha'pasel xan te templo yu'un Dios ta Jerusalén. Te j'alwanejetic yu'un Dios, tey ayic soc a, yacalic ta coltayel yu'un.

Esdras 10:18

Ja' slistaul te sacerdoteetic nujbinemic soc jyanlum-antsetic: te sts'umbal te Josué te snich'an Josadac, soc te xchapomale ja'ic te Maasías, te Eliezer, te Jarib soc te Gedalías.

Hageo 1:1

Ta xchebal ja'wil yochel ta muc' ajwalil a te Darío, ta sbabial c'aal sjajch'el swenta swaquebal u a, tal sc'op Cajwaltic ta swenta te j'alwanej Hageo ta stojol te jwentainwanej ta Judá, ja' te Zorobabel snich'an Salatiel, soc ta stojol te muc'ul sacerdote te swentainej te sacerdoteetic, ja' te Josué te snich'an Josadac.