Esdras 3:7 - Bible in Tzeltal de Oxchuc y Tenejapa

⁷ Jajch' yac'beyic taq'uin te albañiletic, soc te carpinteroetic. Soc te winiquetic ta Tiro soc ta Sidón la yac'beyic swe'el yuch'elic soc aceite, swenta yu'un ya me yich'ic jajch'el cedroetic ta Líbano, ya me yich'ic bael ta mar c'alal ta Jope, jich te bit'il ac'botic permiso yu'un Ciro te muc' ajwalil ta Persia.

Bible in Tzeltal Bachajón

⁷ La ya'beyic taq'uin te albañiletic soc te carpinterohetic, soc la ya'beyic we'el-uch'elil soc aceite te mach'atic yu'un Sidón soc Tiro scuenta yu'un ya yich'ic tal cedrohetic ta mar c'alal Líbano c'alal ta Jope, hich te bin ut'il la yal ta mandar te Ciro ajwalil yu'un Persia.

Esdras 3:7 Referans Kwoze

1 Reyes 5:6

Ja' yu'un albeya mandal jiche te abatetic awu'une: ac'a sts'etbonic cedro ta switsul Líbano. Te abatetic cu'un ya me scoltaybat te abatetic awu'une. Jo'on me ya jtojbat te jayeb stojol sc'ab ya xc'ot te abatetic awu'une. Melel ana'oj ta lec te ma'yuc ya jna'tic sts'etel te'; ja'ex nax atuquelic te sidonil winiquex te ya ana'ic sts'etel te'”, xi'.

Hechos 12:20

Te muc' ajwalil Herodese ilinem yo'tan yu'un te lum Tiro soc te lum Sidone. Jich te lume tal xchap sc'opic soc te Herodese. Ja' neel la sc'anbeyic te Blasto te swentainejbey sna te muc' ajwalil, te yacuc xcoltayotic ta c'op yu'une. La yalbeyic wocol te muc' ajwalil te yacuc xjunaj yo'tan sbaique, melel ta bay smaquen-q'uinal te ajwalile tey ya sta swe'elic ta spisilic a te slumalique.

Hechos 9:36

Ta lum Jope ay jtul jnopojel tey a te Tabita sbiil te Dorcas sbiil ta griego-c'ope. Yat'elinej spasel lequil at'elil soc la sq'uebanbey me'baetic te sbiluque.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Ezequiel 27:17

Ja' nix jich la awaiy manbajel chonbajel soc Judá soc nix Israel. Te bila la awac'beye, la stojbat ta trigo yu'un Minit, soc pastel, chab, aceite yu'un sit olivo soc bálsamo.

Hechos 9:38

Te lum Jope nopol yiloj sba soc te Lida. Te jch'uunjeletique, yaiyojiquix stojol te tey ay a te Pedroe. Jich la sticunic bael cheb winiquetic ta yalel wocol: —Wocoluc, ya me xtalat ta ora te banti ayotique —xiic.

Hechos 9:43

Te Pedro bayal c'aal jalaj ta lum Jope ta bay sna te Simón te jc'a'tesej-nujc'ule.

2 Samuel 5:11

Ja' yu'un te Hiram te muc' ajwalil yu'un lum Tiro la sticun abatetic te muc' yat'el yu'un ta stojol te David, soc la sticun carpinteroetic soc albañiletic. La yich'ic bael cedro, och spasbeyic te smuc'ul na te David.

Esdras 3:6

C'alal ta sbabial c'aal sjajch'el a te sjuquebal u, jajch' xchic'beyic smajt'an te Cajwaltique, manchuc teme ma to ba jajch'em ta cha'pasel xan a te templo yu'un te Cajwaltique.

2 Reyes 12:10

C'alal la yilic te ayix bayal taq'uin ta cajón, ya xc'otic te cronista yu'un muc' ajwalile soc te muc' sacerdote, ya x'och yajtayic te taq'uin ya staic ta templo yu'un te Cajwaltique. Patil la yaq'uic ta bolsa-paq'uetic te taq'uine.

2 Reyes 12:13

Pero te taq'uin ya yich' ich'el bael ta templo, ma ba ya xtuun yu'un ya yich' pasel vasoetic ta plata a, soc ma yu'unuc la yich' pasel stup'jibal te smechail c'ajq'ue, muc'ul tazaetic, oq'uesetic, soc yantic bitic ya xtuun tey a te pasbil ta oro soc ta plata.

2 Crónicas 34:10

Ora la yich' ac'beyel te mach'atic swentainejic te at'el ta templo yu'un Cajwaltic, swenta yu'un ya me stojic a te mach'atic ya x'at'ejic ta xchajbanel xan te templo.