Esdras 3:2 - Bible in Tzeltal de Oxchuc y Tenejapa

² Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Bible in Tzeltal Bachajón

² Te Jesúa snich'an Josadac soc te yermanotac sacerdotehetic, soc Zorobabel snich'an Salatiel soc te yermanotac, hahch spasic te scajtajib ta chiq'uel mahtanil yu'un te Dios yu'un Israel scuenta yu'un ya yich' aq'uel scohtol chic'bil mahtanil tey a hich te bin ut'il ts'ihbabil hilel ta ley yu'un Moisés te winic yu'un Dios.

Esdras 3:2 Referans Kwoze

San Lucas 3:27

Joana, Resa, Zorobabel, Salatiel, Neri,

Hageo 1:1

Ta xchebal ja'wil yochel ta muc' ajwalil a te Darío, ta sbabial c'aal sjajch'el swenta swaquebal u a, tal sc'op Cajwaltic ta swenta te j'alwanej Hageo ta stojol te jwentainwanej ta Judá, ja' te Zorobabel snich'an Salatiel, soc ta stojol te muc'ul sacerdote te swentainej te sacerdoteetic, ja' te Josué te snich'an Josadac.

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

1 Crónicas 3:17

Te sts'umbal Jeconías te la yich' yantesel slumale, ja' te Salatiel te sba snich'ane,

Zacarías 6:11

Te plata soc te oro ju' awu'un stsobel, pasa coronaetic a. Ac'beya junuc ta sjol te muc'ul sacerdote Josué te snich'an Josadac.

Zacarías 3:8

aiya me awaiy ta lec, soc ac'a me yaiyic te ajo'tac ta sacerdoteile. Ta apisilic te ja'exe, señaex te bila ya xc'ot ta pasel ta patil. Ya me quic' tel te cabat, te ja' te spul c'oeme.

Zacarías 3:1

Patil te Cajwaltic la yac'bon quil yilel te Josué, ja' te muc'ul sacerdote, teq'uel ta sit te ch'ul abat yu'un te Cajwaltique. Ta swa'el te Josué, teq'uel te Satanás chapalix yu'un ya x'och ta alel te smule.

Hageo 2:23

Zorobabel, abat cu'un, te bi ora ya xc'ot ta pasel, ya me jcanantayat. Jich me ya jcanantayat te bit'il jch'ocow-sello, melel jo'on jtsaojat. Jo'on Ajwalilon te Spisil ya xju' cu'une ya cal ta jamal —xi' me te Cajwaltic ta stojol Zorobabel.

Hageo 2:21

La spas ta mandal te ya yalbey yaiy te Zorobabel, ja' te jwentainwanej yu'un Judá: —Jo'on ya cac' nijc'uc te ch'ulchan soc te balumilale.

Hageo 1:14

Te Cajwaltic jich la yac'bey xan jajch'el yip yo'tanic te Zorobabel, ja' te jwentainwanej yu'un Judá, soc te Josué, te ja' muc'ul sacerdote te swentainej te sacerdoteetique, soc te jayeb xan te ants-winiquetique. Chaneb xcha'winic (24) c'aal sjajch'el swaquebal u swenta xchebal ja'wil yich'bel yat'el ta muc' ajwalil a te Darío, jajch' spasic xan te templo yu'un te Dios cu'untique, ja' te Cajwaltic te Spisil ya xju' yu'une.

Hageo 1:12

Te Zorobabel, te Josué soc te jayeb xan ants-winiquetic, tal xiwel ta yo'tanic yu'un te c'alal la yaiyic te bila albotic yu'un Cajwaltic ta swenta te j'alwanej Hageo.

Salmos 78:68

Ja' la stsabey stuquel te sts'umbal Judá soc nix te buen mulanbil wits yu'un, ja' te Sión.

Nehemías 12:8

Te levitaetic ja'ic te Josué, Binuy, Cadmiel, Serebías, Judá soc Matanías, ja' te swentainejic soc sjo'tac te c'ayojetic swenta sc'ajintayel yutsilal te Diose.

Nehemías 12:1

Ja'ic te sacerdoteetic soc levitaetic te sujt'ic tel soc Zorobabel te snich'an Salatiel, soc Josué: Te sacerdoteetic: ja'ic te Seraías, Jeremías, Esdras,

2 Crónicas 6:6

Ja'uc me to, ja' la jtsa te Jerusalén, swenta yu'un tey me ya xnainon ta ich'el ta muc' a. Soc ja' la jtsa te David swenta yu'un ya xmandalaj ta stojol te lum Israel cu'une”, xi' te Cajwaltique.

1 Crónicas 3:19

Te snich'nab Pedaías, ja'ic te Zorobabel soc Simei. Te snich'nab Zorobabel, ja'ic te Mesulam soc te Hananías, soc te Selomit te yijts'inic-ach'ixe.

Éxodo 27:1

“Pasbon scajtijib ta chiq'uel milbil jmajt'an ta acacia. Pajal me sp'isol ta xchanxujc'ul, cheb metro soc jo'eb xcha'winic centímetro (2.25) te jujun xujc', jun metro soc jo'eb xcha'winic centímetro (1.25) te stoylejale.

Esdras 3:8

Ja' yu'un ta xchebal u sjajch'el xchebal ja'wil sjulelic ta Jerusalén a, te Zorobabel snich'an Salatiel, soc Josué snich'an Josadac, te sjo'tac sacerdoteetic, te levitaetic, soc ta spisil te namey ic'otic loq'uel ta slumalic te sujt'ic xan tel ta Jerusalén, jajch'ic xan ta xcha'pasel te templo yu'un Dios. Ja' la yac'beyic swentain at'el te levitaetic c'axemix ta jtab ya'wilalique.

Esdras 5:2

Ja' yu'un te Zorobabel snich'an Salatiel soc Josué snich'an Josadac, jajch'ic xan ta at'el ta xcha'pasel xan te templo yu'un Dios ta Jerusalén. Te j'alwanejetic yu'un Dios, tey ayic soc a, yacalic ta coltayel yu'un.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Números 28:2

—Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.

1 Crónicas 23:14

Te Moisés, te swinic Dios soc te sts'umbale, la sjoin ta ajtayel te sts'umbal Leví.

Esdras 10:18

Ja' slistaul te sacerdoteetic nujbinemic soc jyanlum-antsetic: te sts'umbal te Josué te snich'an Josadac, soc te xchapomale ja'ic te Maasías, te Eliezer, te Jarib soc te Gedalías.

Esdras 10:20

Te sts'umbal te Imer, ja'ic te Hanani soc Zebadías.

Esdras 10:21

Te sts'umbal te Harim, ja'ic te Maasías, Elías, Semaías, Jehiel soc Uzías.

Esdras 10:22

Te sts'umbal te Pasur, ja'ic te Elioenai, Maasías, Ismael, Natanael, Jozabad soc Elasa.