Esdras 3:13 - Bible in Tzeltal de Oxchuc y Tenejapa

¹³ Ma'yuc mach'a ya xju' yu'un sna'el te awetic swenta sbujts' yo'tanique, soc te yoq'uelique, yu'un mero tulan te yawique, c'ubul chican ta aiyel stojol.

Bible in Tzeltal Bachajón

¹³ Ma ba a'iybaj q'uinal te pueblo yu'un tulan aw yu'un yutsil q'uinal soc te aw yu'un oq'uel, como yaquic ta aw te pueblo, namal chican ta a'iyel.

Esdras 3:13 Referans Kwoze

1 Samuel 4:5

Te c'alal c'ot yu'unic ta campamento te scajonil trato yu'un Cajwaltic, xch'inlajanic jajch'el ta aw swenta yutsil yo'tanic, asta la stij sba te lumq'uinal yu'un yawique.

Zacarías 4:7

“Ja'at muc'ul wits, ¿Mach'a ya acuy aba a? Ya me xc'atp'ujat ta spamlej ta stojol Zorobabel. Ja' me ya yac' te ton bayal sc'oplal te c'alal yacalic ta aw a te ants-winiquetique: “¡Mero t'ujbil! ¡Mero t'ujbil!” xiic ta aw —xi' te ch'ul abate.

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Salmos 5:11

Binuc nax yo'tanic te mach'atic ya sleic te canantayel awu'une; ac'a c'ajinuc soc sbujts' yo'tanic ta spisil ora, melel ja'at ya acanantay. Te mach'atic c'uxat ta yo'tan bin nax yo'tanic ta awenta.

Nehemías 12:43

Ta c'aal in to, la yich' aq'uel bayal milbil majt'aniletic ta stojol Dios. Te winiquetic mero bayal yutsil yo'tanic, melel Dios nojesbotic ta yo'tanic yutsil q'uinal yaiyic yu'un. Te antsetic soc te alaletic mero bayal yutsil yo'tanic uuc. Te yutsil q'uinal la yaiyic ta Jerusalén, chicnaj ta aiyel ta sc'ubulil te lume.

1 Reyes 1:45

Soc xan te sacerdote Sadoc soc te j'alwanej yu'un Dios Natán la yac'beyiquix yich' yat'el ta muc' ajwalil ta Gihón. Bin nax yo'tanic sujt'ic soc tey a. Ja' swentail te xch'inch'unic ta yut lum ya awaiyique; ja' swentail te toyem sc'op ya awaiyique.

1 Reyes 1:40

Spisilic la st'unic bael, yacalic ta yoq'uesinel bael amay. Mero bayal te yutsil yo'tanique, jich yaiyel te bit'il ya xjatix ta olil te lumq'uinal yu'un te yawique.

Jueces 2:5

Ja' swentail te Boquim c'ot sbiil yu'unic ta bay c'opoje. Tey la yac'beyic milbil smajt'an a te Cajwaltique.

Esdras 3:12

Soc ay tsobolic te sacerdoteetic, levitaetic soc jwolwanejetic yu'un juju-jchajp na te mamaliquix a te la yilic te sbabial templo, mero tulan oq'uic yu'un te la yilic te yac ta jajch'el ta pasel te yach'il templo. Tsobol xan yantic yacalic ta aw ta swenta sbujts' yo'tanic.

Esdras 4:1

Te c'alal bi ora la yaiyic te controetic yu'un te lum Judá soc te lum Benjamín te yacaliquix ta xcha'pasel te templo yu'un Cajwaltic Dios yu'un Israel te mach'atic sujt'emiquix tel te ac'bot yijq'uitay slumalique,

Jeremías 50:4

Te Cajwaltic jich ya yal: —Te bi c'aalil ya xc'ot ta pasele, te ants-winiquetic yu'un Israel soc yu'un Judá yacalic me ta oq'uel ya xtal sleonic jo'on te Yajwalon te Dioson yu'unique.