Esdras 3:12 - Bible in Tzeltal de Oxchuc y Tenejapa

¹² Soc ay tsobolic te sacerdoteetic, levitaetic soc jwolwanejetic yu'un juju-jchajp na te mamaliquix a te la yilic te sbabial templo, mero tulan oq'uic yu'un te la yilic te yac ta jajch'el ta pasel te yach'il templo. Tsobol xan yantic yacalic ta aw ta swenta sbujts' yo'tanic.

Bible in Tzeltal Bachajón

¹² Tsobol te sacerdotehetic, levitahetic soc jtsobawetic yu'un jujuchahp sna sme'stat, soc te mamaletic te la yilic te Templo te ay ta nahilal, tulan oq'uic te c'alal la yilic te yac ta ochel te yich'o-ip te Templo ini; pero tsobol yantic yacalic ta aw ta scuenta yutsil yo'tanic.

Esdras 3:12 Referans Kwoze

Hageo 2:3

—Te jayebex te la awilic te yan templo te bi yilel st'ujbilale, ala caiytic bi yilel ya awilic te templo cu'untic ta ora in to. ¿Ma bal jichuc ya awilic te ma'yuc banti spajojbey yutsilal jxujt'uc te yane?

Zacarías 4:10

Ja' te mach'atic ma ba la yich'ic ta wenta te xch'in jajch'ibal te yat'ele, yo'tic bin nax me yo'tanic yu'un te ya yilic te Zorobabel te ya sju'tes te at'ele —xi'. Ta patil te ch'ul abat jich la yal xan: —Te juqueb yawil c'ajq'ue, ja' seña te sit te Cajwaltic, te yacal ta yilel ta spamal a te balumilale —xi'.

Isaías 60:22

Te ch'in jojpe ya me x'esmaj ta jmil; ja' te ch'in xujt' yajtalul ya me xc'atp'uj ta jpam nación te mero muq'ue. Jo'on Ajwalilon, ya me jpas spisil ta ora nax, te bi ora ya sta te sc'aalelale —xi'.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Salmos 126:6

Manchuc me ya x'oq'uic te c'alal scuchojic te sts'unubique, pero yacalic meix ta c'ayoj swenta yutsil q'uinal ya sujt'ic tel, te yich'ojic tel ta sc'abic tombil trigo.

Job 8:7

Te ac'ulejale xujt' ma'yuc sc'oplal, mero peq'uel me ya xjil stuquel; mero bayal me ya xc'ot te ya xchicnaj ta patil awu'une.

Esdras 3:13

Ma'yuc mach'a ya xju' yu'un sna'el te awetic swenta sbujts' yo'tanique, soc te yoq'uelique, yu'un mero tulan te yawique, c'ubul chican ta aiyel stojol.

Jeremías 50:4

Te Cajwaltic jich ya yal: —Te bi c'aalil ya xc'ot ta pasele, te ants-winiquetic yu'un Israel soc yu'un Judá yacalic me ta oq'uel ya xtal sleonic jo'on te Yajwalon te Dioson yu'unique.

Salmos 147:1

¡Bin nax yutsil te Cajwaltique! Buen lec ta c'ajintayel te Dios cu'untique; ya sc'an te stuquel ay ta alel yutsilal ta c'ayojetic.