Esdras 3:11 - Bible in Tzeltal de Oxchuc y Tenejapa

¹¹ Yan mach'atic yacal ta sc'ajintayel yutsilal te Cajwaltique, yacal sjac'belic te yantique: “Albeyaic wocol te Cajwaltique, melel mero lec yo'tan, melel sbajt'el q'uinal c'ux ta yo'tan te Israele”, xiic. Spisil te yajwal te lume, awunic ta swenta sbujts' yo'tanic, soc yacalic ta yalel yutsil sc'oplal te Cajwaltic ta swenta te bit'il jajch'ix ta cha'pasel te templo yu'une.

Bible in Tzeltal Bachajón

¹¹ C'ayojinic, la yalbeyic yutsil soc la yalbeyic wocol te Jehová, hich la yalic: Como ha lec yo'tan, sbahtel q'uinal c'ux ta yo'tan te Israel, xchihic. Spisil te pueblo awonic ta scuenta yutsil yo'tanic, la yalbeyic yutsil sc'oblal te Jehová como yac ta otsesel te yich'o-ip te sna Jehová.

Esdras 3:11 Referans Kwoze

1 Crónicas 16:34

“Albeyaic wocol te Cajwaltic, te melel lec yo'tan. Te xc'uxul yo'tan sbajt'el q'uinal ay stuquel.

Salmos 106:1

¡Bin nax yutsil te Cajwaltique! Albeyaic wocol te Cajwaltic, melel lec yo'tan stuquel; te xc'uxul yo'tane sbajt'el q'uinal ay.

Salmos 107:1

Albeyaic wocol te Cajwaltique, melel lec yo'tan stuquel; te xc'uxul yo'tane sbajt'el q'uinal ay.

Salmos 103:17

Yan te xc'uxul yo'tan Cajwaltic, sbajt'el q'uinal ay ta stojol te mach'atic ya yich'ic ta muq'ue; te stojil yo'tan ma'yuc slajibal ta stojol spisil ta cajalcaj te alnich'anetic,

Jeremías 33:11

c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Salmos 135:3

Albeyaic yutsilal te Cajwaltique, melel buen lec yo'tan stuquel; c'ajintayaic sbiil Cajwaltic ta c'ayojetic, melel ya sna' yo'bolil jbatic stuquel.

Salmos 118:1

Albeyaic wocol te Cajwaltic. Albeyaic wocol te Cajwaltique, melel lec yo'tan stuquel, soc te xc'uxul yo'tan sbajt'el q'uinal ay.

2 Crónicas 7:3

C'alal la yilic ta spisilic te israeletic te c'ajq'ue, soc te yutsil xojobil te Cajwaltic te jul ta templo, la squejan sbaic. La stinan sbaic coel c'alal ta lum, jich la yich'ic ta muc' soc la yalbeyic wocol te Cajwaltique, jich la yalulayic: “Mero lec yo'tan stuquel, melel te xc'uxul yo'tane sbajt'el q'uinal ay”, xiic.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Nehemías 12:24

Te jwolwanejetic yu'un te levitaetic, ja'ic in to: Hasabías, Serabías, Josué, Binuy soc Cadmiel, soc te sjo'tac te sitinej sbaic soc swenta yu'un ya yalbey yutsilal soc ya yalbey wocol te Cajwaltic, te c'alal ya xc'ot yorail ta chajbalchajp te abatinel yu'unique, jich te bit'il yaloj mandal David, te swinic te Diose.

Isaías 44:23

Ja'at ch'ulchan, awunan, binuc nax awo'tan yu'un te bila spasoj te Cajwaltique. Toyesaic ta alel, “Bin nax yutsil”, xaanic me, ja'ex te ayex ta yet'al balumilale. Ja'ex witstiquil soc ja'maletic ta apisilic soc te te'etic awu'unique, binuc nax me awo'tanic ta aw. Melel te Cajwaltic la yac' ta ilel te yutsilale; libre la yac' te Israel, te lum yu'un Jacob.

Éxodo 15:21

Jich yac ta yalel ta c'ayoj te María: “C'ajintayaic ta yich'el ta muc' te Cajwaltique, te jchajp nax la yaiy tsalawe, mul coel ta mar te caballoetic soc te yajwale”, xi' ta c'ayoj.

San Lucas 1:50

Te Diose ya me xc'uxtay ta lamalam spisil ants-winiquetic teme ya yich'ic ta muq'ue.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 6:3

Jich yacalic ta yalel juju-jtul: —Ch'ul Dios, Ch'ul Dios, Ch'ul Dios, ja' te Cajwaltic te Spisil ya xju' yu'une; nojel ta spamal balumilal te yutsilale —xiic.

Salmos 47:1

¡Pac'a ac'abic apisilic, lumetic! ¡Albeyaic yutsil sc'oplal Dios ta tulan soc yutsil awo'tanic!

1 Crónicas 16:41

Tey la yijq'uitaybey a te Hemán soc te Jedutún soc te yantic te la yich'ic tsael, te loc' sbiilic ta swenta yalel c'ayoj, te jich ya yale: “Albeyaic wocol te Cajwaltic, melel te xc'uxul yo'tan sbajt'el q'uinal ay”, te xie.

Nehemías 12:40

Te cheb coroetic bajt'ic ta yawilic ta templo yu'un Dios. Ja' nix jichon soc te olil xan te jwentainwanejetic te joineje, boon soc ta cawil.

Salmos 47:5

Te Cajwaltic Diose moix ta smuc'ul nactijib, joytaybil ta aw swenta yutsil q'uinal soc bayal yacal ta oq'uesinel oq'uesetic.

Josué 6:5

Te c'alal ya awaiybeyic stojol sc'op te xulubil yu'unic te ya xjalaj ta oq'uesinel yu'unique, tulan me ya x'awunex. Jich me ya xjin coel a te sts'ajc'ul te lum Jericó. Jich yu'un juju-jtul toj me ya x'animajex ochel ta yutil te lume —xi' te Diose.

Josué 6:16

Te c'alal la yoq'uesinic xulubilic ta sjuquebal buelta te sacerdoteetic, te Josué la yalbey mandal te israeletique: —¡Awunanic! Te Cajwaltic yac'ojbotiquix ta jc'abtic te lume.

Josué 6:10

Te Josué la yalbey mandal ta spisil te winiquetic, te ch'abaluc nax q'uinal te ya xbeenique, ja' to te c'alal ya yal mandal te ya x'awunic soc spisil te yipique.

2 Crónicas 5:13

Ta spisilic jun nax la yac' sbaic ta yoq'uesinel te oq'uesetique, soc ta c'ayoj ta yalel yutsil sc'oplal soc ta yalel wocol ta stojol te Cajwaltique. Yacalic ta yoq'uesinel te oq'uesetic, soc yacalic ta stijel te platilloetic soc te yantic at'ejibaletic yu'un música te c'alal yacalic ta c'ayoj a: “Albeyaic yutsil sc'oplalte Cajwaltic, melel mero lec yo'tan,melel te xc'uxul yo'tanesbajt'el q'uinal ay”, xiic ta c'ayoj. Te c'alal jich yacal ta pasel a, noj ta tocal te templo yu'un te Cajwaltique.

Salmos 100:5

Melel te Cajwaltic mero lec yo'tan stuquel. Te xc'uxul yo'tane sbajt'el q'uinal ay; soc te bit'il jun yo'tan ta jtojoltic, ma'yuc slajibal yu'un.

Salmos 131:1

Cajwal, ma ba ya stoy sba co'tan; soc ma ba toyol ya yac' sba te jsite. Ma ja'uc ay co'tan a te bila muq'uic; soc ma ja'uc ya jc'an te bitic toyol sc'oplal te ma jnujp'in yu'un te smuc'ule.

Zacarías 4:7

“Ja'at muc'ul wits, ¿Mach'a ya acuy aba a? Ya me xc'atp'ujat ta spamlej ta stojol Zorobabel. Ja' me ya yac' te ton bayal sc'oplal te c'alal yacalic ta aw a te ants-winiquetique: “¡Mero t'ujbil! ¡Mero t'ujbil!” xiic ta aw —xi' te ch'ul abate.

Hageo 2:3

—Te jayebex te la awilic te yan templo te bi yilel st'ujbilale, ala caiytic bi yilel ya awilic te templo cu'untic ta ora in to. ¿Ma bal jichuc ya awilic te ma'yuc banti spajojbey yutsilal jxujt'uc te yane?