Esdras 3:10 - Bible in Tzeltal de Oxchuc y Tenejapa

¹⁰ Te c'alal la yaq'uic ochel te yiptajib te templo yu'un Cajwaltic te albañiletique, te sacerdoteetic la stejc'an sbaic, slapojic sc'u'-spaq'uic swenta sacerdote, soc ay oq'uesetic. Te levitaetic te sts'umbal Asaf, yich'ojic platillos swenta sc'ajintayel te Cajwaltique, jich te bit'il la yal mandal te David te muc' ajwalil yu'un te Israele.

Bible in Tzeltal Bachajón

¹⁰ Te c'alal hahch yotsesic te yich'o-ip te templo yu'un Jehová te albañiletic, tal stehc'an sbahic te sacerdotehetic, slapojic c'u'ul scuenta sacerdotehil soc yich'ojic cornetahetic a, soc te levitahetic te sts'umbal Asaf, yich'ojic platillohetic scuenta sc'ayojtaybeyel yutsilal te Jehová, hich te bin ut'il la yal mandar te David ajwalil yu'un Israel.

Esdras 3:10 Referans Kwoze

Zacarías 4:10

Ja' te mach'atic ma ba la yich'ic ta wenta te xch'in jajch'ibal te yat'ele, yo'tic bin nax me yo'tanic yu'un te ya yilic te Zorobabel te ya sju'tes te at'ele —xi'. Ta patil te ch'ul abat jich la yal xan: —Te juqueb yawil c'ajq'ue, ja' seña te sit te Cajwaltic, te yacal ta yilel ta spamal a te balumilale —xi'.

2 Crónicas 35:15

Te mach'atic ochemic ta c'ayoj, ja' te sts'umbalic te Asaf, ja' nix chapal ta yawilic ta spasel te yat'elique, jich bit'il xchajbanej namey te David, te Asaf, te Hemán soc te Jedutún te j'alwanej yu'un te muc' ajwalile. Te jcanan-ti'nailetic ayic ta ochibaletic yu'un te templo; ma'yuc jtuluc la spijt'esic te yat'elic, melel te sjo'tac ta at'el, ja' te levitaetic, la xchajbanbeyic te milbil majt'anil ya xc'ot ta swentaic.

1 Crónicas 23:5

soc xan te chanmil (4,000) la yac'bey ta swentaic jcanan-ti'nail, soc te chanmil (4,000) xan la yac'bey ta swentaic te ya yalbeyic yutsilal ta c'ayoj te Cajwaltic, te c'alal ya yich' tijel te instrumentoetic te la sticun ta pasel te David.

1 Crónicas 16:42

Ja'ic la yoq'uesinic oq'uesetic soc la stijic te platilloetic soc te yantic at'ejibal yu'un música, te la sjoinic te c'ayojetic yu'un te Diose. Te snich'nab Jedutún ay ta swentaic scanantayel te yochibal.

1 Crónicas 16:37

Jich te David tey la yac' jilel a te scajonil trato yu'un Cajwaltic ta stojol te Asaf soc te yermanotac, ta swenta abatinel spisil ora, chican te jayeb ay ta pasel jujun c'aale.

1 Crónicas 15:27

Te David slapoj bael snajt'il c'u' te pasbil ta lino fino. Jich slapoj spisilic te levitaetic te sq'uechojic bael te cajón, te jc'ayojetic soc te Quenanías te ya xtojteswan yu'un te sq'uechele. Te David ay yan bi slapoj bael, ja' jun efod te pasbil ta lino.

1 Crónicas 15:24

Te sacerdoteetic: ja' te Sebanías, Josafat, Natanael, Amasai, Zacarías, Benaía soc Eliezer, ja'ic te yacalic ta yoq'uesinel bael te oq'uesetic ta stojol te cajón yu'un te Diose. Te Obed-edom soc Jehías, ja'ic nix te ya sq'uechic te cajone.

1 Samuel 22:18

Ja' yu'un te muc' ajwalil la spas ta mandal te Doeg te edom-winic: —Mila ja'at —la yut. Te Doeg spisil yip och ta smilel te sacerdoteetique. Laj ta milel yu'un jo'eb yo'winic (85) winiquetic te slapojic efod pasbil ta lino-pac'.

Esdras 5:16

Ja' yu'un, te c'alal c'ot te Sesbasar, la yac'bey jajch'el te xjajch'ibal yiptajib te templo yu'un Dios ta Jerusalene. Jich ora jajch' ta cha'pasel xan, pero ma to ba ju'em ta pasel.

Salmos 150:5

albeyaic yutsilal ta swenta platilloetic te mero tulan ya xc'opojique.

Hageo 2:15

Yo'tic soc ta patil bael, ya me sc'an ya ana'ic ta lec in to. Te c'alal ma to ba jajch'em ta pasel a te templo,

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Zacarías 4:7

“Ja'at muc'ul wits, ¿Mach'a ya acuy aba a? Ya me xc'atp'ujat ta spamlej ta stojol Zorobabel. Ja' me ya yac' te ton bayal sc'oplal te c'alal yacalic ta aw a te ants-winiquetique: “¡Mero t'ujbil! ¡Mero t'ujbil!” xiic ta aw —xi' te ch'ul abate.

Zacarías 6:12

Jich me xawalbey: “Te Cajwaltic te Spisil ya xju' yu'une, ya yal ta jamal te ay jtul winic te Spul sbiil te ya xpulin loq'uel tel ta atojol, te ya xcha'pas xan te templo yu'un te Cajwaltique.

Zacarías 7:3

soc ay bila tal sjojc'obeyic te j'alwanejetic soc sacerdoteetic te ayic ta templo yu'un Cajwaltic te Spisil ya xju' yu'une. Jich jul yalbeyic: —¿Spisil bal ora ya jcom jwe'eltic swenta seña mel-o'tan ta yo'ebal u sjajch'el te jujun ja'wile, jich te bit'il yacalotic ta spasel c'alal ora? —xiic julel.

2 Crónicas 5:12

Spisil te levitaetic te ya xc'ajinic, ja' te Asaf, Hemán soc Jedutún soc sjoinejic te snich'nabic soc te yantic yermanotac, tec'ajtic spisilic ta stojol sloq'uib c'aal yu'un te scajtijib ta chiq'uel majt'anile. Slapojic lino-pac', soc yich'ojic te platilloetic, salterioetic soc arpaetic, soc sjoinejic wacwinic (120) ta jtul sacerdoteetic te la yoq'uesinic te oq'uesetique.

2 Crónicas 35:14

Ta patil te levitaetic la smilic te chambalametic te ya xc'ot ta swentaic soc te sacerdoteetic, melel te sacerdoteetic te sts'umbal Aarón, buen tarea la spasic, ja' to ta ajc'ubal laj yo'tanic ta xchiq'uel te milbil majt'aniletic soc te xepuile. Ja' swentail te levitaetic la xchajbanbeyic te chambalametic ya xc'ot ta swentaic soc te sacerdoteetic te sts'umbal Aarón.

Esdras 2:41

Te jc'ayojetic: ja' sts'umbal te Asaf, waxaqueb sjucwinic (128).