Esdras 3:1 - Bible in Tzeltal de Oxchuc y Tenejapa

¹ C'alal la sta te sjuquebal u te israeletic ayiquix ta pamalpam slumalic a. Ta spisil te lume la stsob sbaic ta Jerusalén.

Bible in Tzeltal Bachajón

¹ C'alal la sta te shuquebal u, ayiquix ta jujuntic pueblo yu'unic a te snich'nab Israel, junax la stsob sbahic ta Jerusalén.

Esdras 3:1 Referans Kwoze

1 Corintios 1:10

Quermanotac, ya calbeyex wocol ta swenta sbiil te Cajwaltic Jesucristoe, pajaluc me ac'opic ta apisilic, soc ma me ayuc xatomba awu'unic. Jun nax me xawac' abaic, soc junuc nax me te bila ya anopique, soc pajaluc nax me awilelic.

Hechos 4:32

Te jich yipal xch'uunejiquix te Jesuse, jun nax yo'tanic soc jun nax xch'ulelic ta spisilic. Ma'yuc mach'a la yal te stuquel yu'un te sbiluque. Comon tuun yu'unic te bila ay yu'unique.

Levítico 23:24

—C'opona te israeletic, jich xawalbey yaiyic: “Ta sbabial c'aal sjajch'el te sjuquebal u, ya me apasic q'uin swenta cux-o'tan. Ay me ch'ul tsoblej soc ya yich' oq'uesinel oq'uesetic. Jich me ya quich' na'el a.

Hechos 2:46

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic.

Sofonías 3:9

“C'alal ya xc'ot ta pasel, ya jlecubtesbey sc'op te lumetique, swenta yu'un spisilic me ya sc'opononic, swenta yu'un ta spisilic ya me yac' sbaic ta abatinel cu'un.

Nehemías 8:14

Tey ts'ibubil la staic a, te ay mandal yaloj Cajwaltic ta swenta Moisés: Ja' ta yorail te q'uin swenta xch'uunel Dios ya yich' pasel ta sjuquebal u, te israeletic ya me sc'an te ya xnainic ta nailwamal.

Nehemías 7:73

“Te sacerdoteetic, te levitaetic, te jcanan-ti'nailetic, te jc'ayojetic, te yajwal te lume, soc te abatetic yu'un templo soc ta spisil te israeletique nainic ta slumalic.” Ta xjajch'ibal te sjuquebal u, te israeletic ayiquix ta yawilic a.

Jueces 20:1

Ta spisil te israeletic ta Dan c'alal ta Beerseba soc ta Galaad, la stsob sbaic ta Mizpa ta stojol te Cajwaltic, jun nax la yac' sbaic, jich c'otic te bit'il jtul nax winic.

Levítico 16:29

“Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Nehemías 8:1

Ta spisil te lume, comon la stsob sbaic ta plaza te snujp'usitayej sba soc te yochibal lum Ja' sbiil. La yalbeyic te maestro Esdras: —Ich'a tel te slibroil te mandaliletic yu'un Moisés te la yalbotic te Cajwaltic te jo'otic te israelotique —la yutic.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

Nehemías 7:72

te yantic yajwal lume la yaq'uic waxacwinic (160) kilo oro, soc jmil soc jo'winic (1,100) kilo plata, soc juqueb xchanwinic (67) ta jlijc' snajt'il c'u' sacerdoteetic.