Esdras 2:1 - Bible in Tzeltal de Oxchuc y Tenejapa

¹ Ja' lista yu'un te israeletic te ayinemiquix ta Jerusalén soc ta yantic lumetic ta sq'uinal Judá, te cha'sujt'ic xan loq'uel tel ta Babilonia. Ja'ic nix te ac'bot yijq'uitay slumal soc sme'-static, te c'alal ic'otic bael ta namey yu'un Nabucodonosor, te muc' ajwalil ta Babilonia.

Bible in Tzeltal Bachajón

¹ Ha sbihilic ini te mach'atic hahchemic ta sq'uinal Judá te suhtic tal ta chuquel, ha te mach'atic chucotic bahel ta Babilonia yu'un te Nabucodonosor ajwalil yu'un Babilonia, te suhtic tal ta Jerusalén soc Judá, jujutuhl ta pueblo yu'un.

Esdras 2:1 Referans Kwoze

2 Reyes 25:11

Patil te Nabuzaradán la yic' bael ta chuquel ta Babilonia te mach'atic jilemic ta lume, soc te mach'atic yac'oj sbaic soc muc' ajwalil yu'un Babilonia, soc te jteb xan mach'atic ay bitic ya sna'ic spasele.

Hechos 23:34

C'alal la yil te carta te ajwalile, la sjojc'obey te Pablo te banti lumiluc taleme. C'alal la yaiy stojol te talem ta smaquen-q'uinal Cilicia,

Sofonías 2:7

Te mach'atic cuxulic xan ta Judá, ya me x'och ta sc'abic te lumq'uinale, te c'alal ya xtal te Cajwaltic Dios te ya yac'bey coltayel soc te ya slecubtes te bit'il ayique. Tey me ya xbajt'ic soc a te xchijique, soc ta ajc'ubal ya me xcux yo'tanic ta bay nanatic yu'un Ascalón.

Lamentaciones 4:22

Lajix castigo ta atojol, ja'at lum Sión; te Cajwaltic ma ba ya yac'at xan bael ta mosoil. Ja'uc me to, ja'at nación Edom, ya yac'bat castigo yu'un te bitic apasoje, soc ya yac' chicnajuc ta comonsitil spisil te amule.

Lamentaciones 1:5

Te scontrotac ya xmandaltesot yu'un, ya xmuc'ubic stuquelic. Ja' te Cajwaltic la yac'beyix swocol yu'un te bayal sleoj smule. Te snich'nabe ic'otic bael ta mosoil yu'un te scontroe.

Lamentaciones 1:3

Manchuc me c'axix swocol ta tulan at'el ta mosoinel te Judá, yo'tic c'axem to xan ay ta woclajel yu'un te ma'yuc ta slumale. Ainem ta yolil jyanlumetic, ta ora yo'tic ma staix te bay ya xcux yo'tane. Te mach'atic nutswanique taot yu'unic, la steniquix ta uts'inel.

Ester 8:9

Te secretarioetic yu'un te muc' ajwalil ora la yich' iq'uel tel, ta oxeb xcha'winic (23) c'aal a te yoxebal u, o ja' nix te u Siván. Spisil te bila la yal te Mardoqueo, la yich' ts'ibuyel bael ta stojol te judioetique, te ajwaliletic ta juju-jpam q'uinal soc ta juju-jsejp q'uinal, soc te yantic mach'atic yich'oj yat'elic te ayic ta juqueb sjucwinic (127) ta jpam q'uinal te jajch'em tel ta India, c'oem to c'alal ta Etiopía. La yich'ic ts'ibuyel ta sc'opic nix soc ta sletraic nix.

Ester 1:11

yu'un bajt' ta iq'uel tel ta stojol te yiname, ja' te Vasti sbiile. Te c'alal ya xtale, ay me ta sjol te scorona swenta yinam muc' ajwalile, swenta yu'un ya me smulanbeyic te st'ujbilal ta spisilic te lum soc te mach'atic muc' sc'oplalique. Melel yu'unix mero t'ujbil a te yinam te muc' ajwalile.

Ester 1:8

Pero te muc' ajwalil, la yalbey mandal te jc'asesej-we'el-uch'baliletic te ma me ayuc mach'a ya yich' sujel ta yuch'el te bila ma smulan yuch'ele, te ja' me lec te chican yo'tanic te bila ya smulanic yuch'el ta juju-jtul te mach'atic ic'bilique.

Ester 1:3

Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Ester 1:1

Ja' te c'op in to, ja' c'ot ta pasel te c'alal ay ta muc' ajwalil a te Asuero, ja' te la swentain juqueb sjucwinic (127) ta jpam q'uinal te jajch' ta India c'alal ta Etiopía.

Esdras 6:2

Ta spalacio te ajwalil ay ta lum Ecbatana te ay ta sq'uinal Media, la staic jun libro te banti chican ts'ibubil jilel te c'opetic te jich ya yale:

Esdras 1:11

Ta spisil te biluquetic pasbil ta oro soc ta plata loc' jo'mil soc bajc' (5,400). Spisil in to, la yich' bael Sesbasar yan buelta ta Jerusalén te c'alal jajch' bael ta Babilonia soc te mach'atic ic'otic loq'uel ta slumalique.

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

Esdras 8:35

C'alal sujt'otic tel jo'otic te namey la quijq'uitay jlumaltique, ay bitic la cac'tic yu'un chic'bil smajt'an te Dios cu'untic ta jpisiltic te israelotique. La cac'tic lajchaycojt' ch'in wacaxetic, waclajuneb yo'winic (96) ta jcojt' chijetic, juclajuneb xchanwinic (77) ta jcojt' ch'in alal chijetic soc lajchayeb tentsunetic yu'un smajt'an Dios swenta te jmultique. Spisil la yich' chiq'uel ta templo swenta yich'el ta muc' te Cajwaltique.

Nehemías 12:1

Ja'ic te sacerdoteetic soc levitaetic te sujt'ic tel soc Zorobabel te snich'an Salatiel, soc Josué: Te sacerdoteetic: ja'ic te Seraías, Jeremías, Esdras,

1 Crónicas 9:1

Jich ts'ibubil jilel ta jun spisil Israel ta bay libro yu'un te ajwaliletic ta Israel. Ja'uc me to, te ants-winiquetic ta Judá chucotic bael ta Babilonia, ta scaj te la stoy sbaic ta stojol Dios.

1 Crónicas 9:2

Te mach'atic neel cha'talic ta najc'ajel ta sq'uinalic soc ta lumetic yu'une, ja'ic te sts'umbal Israel, te sacerdoteetic, te sts'umbal Leví, soc te abatetic ta templo.

Esdras 2:70

Te sacerdoteetic, te levitaetic, soc jtebuc te yajwal lume jilic ta nainel ta Jerusalén. Te jc'ayojetic, jcanan-ti'nailetic, abatetic yu'un templo, soc te yantic israeletique, jilic ta slumal stuquelic.

Isaías 48:20

Loc'anic ta Babilonia, ananic bael ta stojol te caldeoetique. Pucbeyaic sc'oplal ta aw soc yutsil awo'tanic te c'ope, soc ac'aic ta na'el stojol c'alal ta sti'il te q'uinale. Jich me ya awalic: “Te Cajwaltic la yaq'uix ta libre te Jacob te yabate”, xaex me.

Jeremías 50:19

Ya me cac' ya sujt' bael ta slum-sq'uinalic te israeletique, jich bit'il chijetic ya me sta bayal swe'elic ta Carmelo, ta Basán, ta witstiquil yu'un Efraín soc ta Galaad.