Esdras 10:8 - Bible in Tzeltal de Oxchuc y Tenejapa

⁸ Ta spisil te mach'atic ma ba ya xc'otic te ya yich'ic maliyel oxeb c'aale, la xchapic te jwolwanejetic soc te jtojteswanejetique te ya me yich'ic ich'el te q'uinal yu'unique soc ya me yich'ic loq'uesel bael ta stojolic te mach'atic sujt'emic tel te ac'bot yijq'uitay slumalique.

Bible in Tzeltal Bachajón

⁸ Te mach'a ma ba ya xc'oht ta oxeb c'ahc'al, hich te bin ut'il schapojic te príncipaletic soc te mamaletic, ya sch'ay spisil sq'uinal soc ya yich' loq'uesel ta stojol te mach'atic suhtemic tal ta chuquel.

Esdras 10:8 Referans Kwoze

Esdras 7:26

Ta spisil te mach'a ma ba ya yac' c'otuc ta pasel te mandalil yu'un te Dios awu'une, soc te mandaliletic cu'un jo'on te muc' ajwalilone, ora ac'a yich' ticunel ta milel, o ya yich' tenel loq'uel, ya yac' multa, o ya x'och ta chuquel”, xi' ta scarta te muc' ajwalile.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Juan 9:34

La yalbeyic: —Mero jmulawilat ja' to c'alal ayinate. ¿Ja' bal c'an ap'ijubtesotic? —la yutic. Jich la sloq'uesic ta sinagoga.

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

San Mateo 18:17

Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.

Nehemías 13:3

Ja' yu'un te c'alal la yaiyic te israeletic te bila la yal te mandaliletic, la sloq'uesic ta stojol spisilic te mach'atic scapojix sbaic soc jyanlumetique.

1 Samuel 11:7

Jich la stsac cheb wacaxetic, la sesen. La yac'bey ta sc'ab jpuc-c'opetic, jich pujc' yu'un ta spamal sq'uinal israel te sesenbil wacaxetic. Soc jich la yalic te jpuc-c'opetique: —Jich me ya yich' pasel swacaxic te mach'atic ma ba ya yac' sbaic ta stojol Saúl soc Samuel, soc teme ma ba ya st'unique —xiic ta yalel. Och xiwel ta yo'tanic ta spisil te israeletic, la syom sbaic ta jun nax, ta spisilic bajt'ic ta stojol te Saúl soc te Samuele.

Jueces 21:5

La sjojc'obey sbaic: —¿Ta jpisiltic mach'atic a te ma ba c'otic ta tsoblej ta Mizpa? —xiic. Yu'un yalojic ta jamal te ya yich' milel te mach'atic ma ba c'otic ta tsobleje.

Josué 6:19

Yan te oro soc plata soc spisil te bitic pasbil ta bronce soc ta hierro, ya me yich' aq'uel ta stojol Cajwaltic, ya me yich' q'uejel —xi' te Josué.

Levítico 27:28

“Teme ay mach'a jc'axel ya yac'bon jtebuc te bila ay yu'une: winic, ants, chambalam, q'uinal te ac'bot yu'unin yu'un te state; te bila jc'axel ya yich' aq'uel ta jtojole, ma xju' ya yich' chonel, soc ma xju' ya xcha'manot xan sujt'el. Spisil te jc'axel ac'bil ta jtojol, mero ch'ultesbil me, ja' me cu'un.

Esdras 10:7

Patil la yich'ic iq'uel ta spisilic ta sq'uinal Judá soc ta Jerusalén, swenta yu'un ya stsob sbaic spisilic ta Jerusalén te mach'atic sujt'emic tel te ac'bot yijq'uitay slumalique.

Esdras 10:9

Ja' yu'un spisilic te winiquetic ta sq'uinal Judá soc ta sq'uinal Benjamín la stsob sbaic ta Jerusalén jtab c'aal sjajch'el a te sbalunebal ue, ja' te c'alal ts'acaj te oxeb c'aale. Ta spisilic la snajc'an sbaic ta yamaq'uil templo yu'un Dios, yacalic ta nijq'uel yu'un te bila c'opil albile, soc te bit'il yacal ja'ale.

Nehemías 13:28

Jtul te snich'nab Joiada, te snich'an muc' sacerdote Eliasib, ja' nix snial te Sanbalat te horonita-winique, la cac' loc'uc ta anel ta jtojol.