Esdras 10:6 - Bible in Tzeltal de Oxchuc y Tenejapa

⁶ Te Esdras jajch' bael tey ta templo yu'un te Diose, soc bajt' ta scuarto Johanán snich'an Eliasib. Tey c'ax ajc'ubal yu'un a, ma ba we' soc ma'yuc bila la yuch', yu'un ja' mero smeloj yo'tan yu'un, te ma junuc yo'tanic ta stojol Dios te mach'atic sujt'emic tel te ac'bot yijq'uitay slumalique.

Bible in Tzeltal Bachajón

⁶ Te Esdras loc' bahel ta sna Dios, baht ta scuarto te Johanán snich'an Eliasib. C'alal tey ay a ma ba la swe' pan soc ma ba la yuch' ha', como la smel yo'tan yu'un te ma junuc yo'tanic ta stojol Dios te mach'atic suhtemic tal ta chuquel.

Esdras 10:6 Referans Kwoze

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

Nehemías 12:22

Ta yorail Eliasib, Joiada, Johanán soc Jadúa, ja' to ta yorail yat'el ta muc' ajwalil te Darío te persia-winique, te levitaetic ochic ta jun te sbiilic te jwolwanejetic yu'un juju-jchajp, soc nix te sacerdoteetique.

Nehemías 3:1

Te muc' sacerdote Eliasib soc te sjo'tac ta sacerdoteile la xcha'pasic xan te yochibal lum Chijetic sbiile. La yac'beyic ste'el, soc la yac'beyic sti'. Soc la xcha'pasic xan te joyob ts'ajq'ue, jajch' tel ta toyol ts'ajc' te Jo'winic sbiile, c'ot c'alal ta toyol ts'ajc' te Hananeel sbiile.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Job 23:12

Spisil ora ja' ya jch'uunbey te sc'ope, ma ja'uc ya jpas te bila ya sc'an co'tan ta jtuquel naxe.

Nehemías 13:28

Jtul te snich'nab Joiada, te snich'an muc' sacerdote Eliasib, ja' nix snial te Sanbalat te horonita-winique, la cac' loc'uc ta anel ta jtojol.

Nehemías 13:5

Ja' yu'un la yac'bey ta swenta jun muc'ul cuarto, ja' te banti la yich' q'uejel smajt'an Dios ta neelal toe, ja'ic te pom, spisil bitic ya xtuun ta templo, soc te diezmoetic yu'un trigo, vino soc aceite te albil mandal ya yich' aq'uel te levitaetic soc te jc'ayojetic soc te jcanan-ti'nailetic. Soc la yich' q'uejel ta neelal to tey a te patanetic yu'un ya yich'ic te sacerdoteetique.

Nehemías 12:10

Ja' snich'an Josué te Joiacim, ja' snich'an Joiacim te Eliasib, ja' snich'an Eliasib te Joiada,

Nehemías 3:20

Te yan jmajc' ja' la spas te Baruc snich'an Zabai, jajch' ta xujc', c'ot yu'un c'alal ta sti' sna Eliasib, ja' te muc' sacerdote.

Esdras 10:1

Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

Esdras 9:4

Tal sjoinonic spisil te mach'atic la xi'ic te castigo ya yac' te Dios yu'un Israel, ta scaj smulic te jayeb sujt'emic tel te ac'bot yijq'uitay slumalique. Pero te jo'one, tey nacalon a, soc ayon ta mel-o'tan yu'un, ja' to c'alal la sta yorail te ya yich' aq'uel milbil smajt'an Dios ta smalel c'aal.

Éxodo 34:28

Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

Esdras 10:7

Patil la yich'ic iq'uel ta spisilic ta sq'uinal Judá soc ta Jerusalén, swenta yu'un ya stsob sbaic spisilic ta Jerusalén te mach'atic sujt'emic tel te ac'bot yijq'uitay slumalique.

Salmos 102:4

te co'tan ma'yuquix yip ta jyalel, yac ta bacubel jichuc ac. Ma'yuquix bi ya sc'an co'tan; ma xmalix te jwe'ele.