Esdras 10:5 - Bible in Tzeltal de Oxchuc y Tenejapa

⁵ Te Esdras jich ora la stejc'an sba. La yalbey te yacuc yalic ta jamal ta stojol Dios te jwolwanej-sacerdoteetic soc te levitaetic soc ta spisilic te israeletique te ya me yaq'uic c'otuc ta pasel te bila yalojique. Jich la yalic ta jamal te ya me yaq'uic c'otuc ta pasele.

Bible in Tzeltal Bachajón

⁵ Ha yu'un hahch te Esdras, la yalbe te ac'a yalic ta jamal ta stojol Dios te príncipaletic yu'un te sacerdotehetic soc te levitahetic soc spisil Israel te hich me ya spasic. Hich la yalic ta jamal.

Esdras 10:5 Referans Kwoze

Nehemías 13:25

La cut yu'un, soc la calbey te buen amenique. Ay la jmaj, soc la jbulbey stsotsil sjolic. La cac' puersa te jc'axel ya yalic ta jamal ta stojol Dios te ma'yuc bi ora ya yaq'uiquix permiso te ya xnujbin xan soc jyanlumetic te yantsil-nich'nabic; soc ma ba ya yiq'uic uuc te jyanlum-antsetique. Soc jich la calbey xan:

Nehemías 5:12

Jich la yalic: —Ya me jsutbeytic spisil, ma ba ya jtabeytiquix ta alel. Mero jich me ya jpastic te bit'il la awalixe —xiic. Ja' yu'un la quic'tic tel te sacerdoteetique. La cac'bey yalic ta jamal ta stojol te sacerdoteetic te bila ya spasique.

San Mateo 26:63

Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

Proverbios 27:9

Te bila ya xbujts'naj co'tantic jtebuc yu'un, ja' te t'ujbil perfume; te bila ya xbujts'naj co'tantic yu'un ta mero melel, ja' te tojtesel yu'un te jpat-jxujc'tique.

Proverbios 15:23

Bin nax co'tantic yu'un teme ya jtabeytic sujt'ib te c'op te mero snujp'e, soc c'axem to xan bin nax co'tantic yu'un teme ta yorail ya jtatique.

Proverbios 9:9

Albeya te mach'a p'ije, ya me xp'ijub xan yu'un; p'ijubtesa te lequil winique, ya me x'esmaj xan sp'ijil yu'un.

Proverbios 1:5

Te mach'a ay sp'ijile, ya me xc'ot ta yo'tan. Jich me ya yich' xan sp'ijil yo'tan soc ay me bi ya sna' xan yu'un:

Nehemías 10:29

spisilic ja' la sjoinic ta xchapel sc'opic te yermanotac soc te jtsobawanejetic yu'unique. Jc'axel la yalic ta jamal te ja' ya st'unic te bila ya yal te mandaliletic yu'un te Diose, te la yac'bey ta swenta Moisés, ja' te yabate. La yalic te jun me yo'tanic ya yaq'uic c'otuc ta pasel ta spisil ta jchajp te mandaliletic yu'un te Cajwaltique.

Esdras 10:3

Ya me cal jbajtic te ya me jticuntic bael ta spisil te jyanlum-antsetic cu'untique, soc nix te yalataquique. Ac'a cac'tic c'otuc ta pasel te mandaliletique, jich te bit'il awo'tan te ja'ate soc te mach'atic ya yich'ic ta muc' te smandal te Cajwaltic te ya stojtesotique.