Esdras 10:4 - Bible in Tzeltal de Oxchuc y Tenejapa

⁴ Jajch'an, melel ja'at ay ta awenta spasel, te jo'otique ya me jt'unticat. Ac'a puersa, ac'a jajch'uc te at'ele —xi' te Secanías.

Bible in Tzeltal Bachajón

⁴ Hahchan, como ha'at ay ta acuenta spasel, te ho'otcotic ya jcoltayatcotic. ¡Ac'a fuersa, pasa te a'tele! xchi.

Esdras 10:4 Referans Kwoze

1 Crónicas 28:10

Ma me xach'ay ta awo'tan te ja' stsaojat te Cajwaltic, te ja'at ya apasbey te ch'ul templo yu'une. Binuc nax me awo'tan te ya awac' ac'ab yu'un te at'ele —xi' te David.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Hebreos 10:24

Ya sc'an te talel c'axel ya jech jtijbey jba co'tantic te c'uxuc ya caiy jbajtic ta jpisiltique soc te yacuc jpastic spisil te lequil at'elile.

1 Crónicas 22:19

Jich yu'un pasaic yo'tic te jun awo'tanic ta sna'ulayel te Cajwaltic Dios awu'unique. Ac'a abaic ta spasel te ch'ul templo yu'un te Cajwaltic, swenta yu'un ya me yich' c'asesel ta templo te scajonil trato yu'un, soc te bitic ch'ultesbil yu'un te Diose —xi' te David.

San Marcos 13:34

Jich me c'oem te bit'il jtul winic te bajt' ta c'ubul q'uinale. C'alal ma to xloc' bael ta sna, la spas jilel ta mandal te abatetic yu'une. Juju-jtul la yac'bey jilel yat'el, soc la yalbey jilel mandal te mach'a scanantayej te sti' snae te ma me xwaye.

1 Crónicas 28:21

Tey me ay a te sacerdoteetic soc te levitaetic te ya sjel sbaic ta abatinel ta templo, toyol me yo'tanic yu'un. Ta spisil te at'el ay me mach'atic ya scoltayat ta spasel, mach'aticuc nax a te spasemal yo'tanic, te ya sna'ic spisil bitic ay ta pasele. Te jtsobwanejetic soc spisil te lume, ya me xch'uunbat te amandale —xi' te David.

Esdras 10:5

Te Esdras jich ora la stejc'an sba. La yalbey te yacuc yalic ta jamal ta stojol Dios te jwolwanej-sacerdoteetic soc te levitaetic soc ta spisilic te israeletique te ya me yaq'uic c'otuc ta pasel te bila yalojique. Jich la yalic ta jamal te ya me yaq'uic c'otuc ta pasele.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.