Esdras 10:3 - Bible in Tzeltal de Oxchuc y Tenejapa

³ Ya me cal jbajtic te ya me jticuntic bael ta spisil te jyanlum-antsetic cu'untique, soc nix te yalataquique. Ac'a cac'tic c'otuc ta pasel te mandaliletique, jich te bit'il awo'tan te ja'ate soc te mach'atic ya yich'ic ta muc' te smandal te Cajwaltic te ya stojtesotique.

Bible in Tzeltal Bachajón

³ Yo'tic, ya jchahp jc'optic soc te Dios cu'untic, ya jticontic suhtel spisil te jyanlum-antsetic cu'uncotic soc te yalatac, ha chican bin ya yal stuquel te cajwal soc te mach'atic ya yich'ic ta muc' te smandar te Dios cu'untique. ¡Ac'a yich' pasel hich te bin ut'il ya yal te Ley!

Esdras 10:3 Referans Kwoze

Esdras 9:4

Tal sjoinonic spisil te mach'atic la xi'ic te castigo ya yac' te Dios yu'un Israel, ta scaj smulic te jayeb sujt'emic tel te ac'bot yijq'uitay slumalique. Pero te jo'one, tey nacalon a, soc ayon ta mel-o'tan yu'un, ja' to c'alal la sta yorail te ya yich' aq'uel milbil smajt'an Dios ta smalel c'aal.

Salmos 119:120

Te jbaq'uetal ya xnijc' yu'un xiwel ta atojol; ya quich' ta muc' te bila chapal awu'une.

Salmos 119:59

Tal ta co'tan te bi yilel te cat'ele, jich la jch'uunbat xan spasel te mandaliletic awu'une.

Nehemías 9:38

Ta scaj spisil in to, te jo'otic la jchaptic ta jamal ta mero spisil co'tantic, soc la yich' ts'ibuyel ta jun. Te jun la yich' pasel soc te la yich' aq'uel selloile, la yac' sfirmaic a te jwolwanejetic cu'untic, levitaetic soc sacerdoteetic.

2 Crónicas 34:21

—Baanic ta stojol te Cajwaltic ta sjojc'oyel te bi xi' yo'tan cu'un te jo'one, soc te mach'atic ay xan ta lum Israel, soc ta Judá, te bit'il ay swentail te libro te la yich' taele. Te ya cale, ay me bayal sc'ajc'al yo'tan ta jtojoltic te Cajwaltique, melel te antiguo jme'-jtatic ma la sc'an yaiyic stojol te bila la yal Cajwaltic, ni ma la spasic spisil te bila ts'ibubil ta libro —xi'.

Deuteronomio 29:12

swenta yu'un jc'axel me ya awal abaic ta jamal ta xch'uunel spasel te bila trato la spasbeyex te Cajwaltic Dios ta ora in to.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

Nehemías 8:14

Tey ts'ibubil la staic a, te ay mandal yaloj Cajwaltic ta swenta Moisés: Ja' ta yorail te q'uin swenta xch'uunel Dios ya yich' pasel ta sjuquebal u, te israeletic ya me sc'an te ya xnainic ta nailwamal.

Esdras 10:44

Ta spisilic in to, ja'ic te nujbinemic soc jyanlum-antsetic, te la sticunic sujt'el te antsetique, soc nix te yalataquique.

2 Crónicas 34:27

te la stijbat awo'tan soc te jun awo'tan la awaiy stojol te bila ya sc'an co'tan jpasbey te lume; ja'uc me to, te bit'il la apejc'an aba ta jtojole, te la ach'i' ac'u', soc te oc'at ta jtojole, jo'on la caiybat stojol. Jo'on Awajwalon ya me calbat.

2 Crónicas 30:12

Ja' nix te Dios te la stijbey yo'tanic te ants-winiquetic ta Judá, swenta yu'un jun yo'tanic ya xch'uun te mandal yu'un te muc' ajwalil soc te sjo'tac ta ajwalile, jich bit'il yaloj mandal te Cajwaltique.

2 Crónicas 29:10

Ja' yu'un ta ora to jnopoj te ya jpas trato soc te Cajwaltic Dios yu'un Israel, swenta yu'un ya me sq'uejbotic bael te yilimba ta jtojoltique.

2 Reyes 11:17

Patil te Joiada la yal te ya me xchap sc'opic soc Cajwaltic te muc' ajwalil soc te lume, ja' te bit'il ja'ic me te lum yu'un te Cajwaltique. Soc la xchap sc'opic te muc' ajwalil soc te lume.

Josué 9:6

C'alal c'otic ta Gilgal ta scampamento te israeletique, jich c'o yalbeyic te Josué soc te israeletique: —Talotic ta c'ubul q'uinal. Te jo'otic ya jc'antic ta atojolic te yacuc jchap jc'optic —xiic c'oel.

Esdras 10:9

Ja' yu'un spisilic te winiquetic ta sq'uinal Judá soc ta sq'uinal Benjamín la stsob sbaic ta Jerusalén jtab c'aal sjajch'el a te sbalunebal ue, ja' te c'alal ts'acaj te oxeb c'aale. Ta spisilic la snajc'an sbaic ta yamaq'uil templo yu'un Dios, yacalic ta nijq'uel yu'un te bila c'opil albile, soc te bit'il yacal ja'ale.

Esdras 10:11

Ja' yu'un yo'tic, li' ta stojol Cajwaltic te Dios yu'un te jme'-jtatique, na'aic me ta lec te ataoj amulic ta stojol te Cajwaltique, soc ja' me xapasbeyic te sc'anjel yo'tan stuquele. Pita abaic ta stojol te mach'atic ma ba xch'uunejic te Diose, soc ta stojol te jyanlum-antsetic in to —xi' te Esdras.

Nehemías 10:1

Te jayebotic te la cac' jfirmatic ta june, jo'otic in to: Jo'on Nehemías snich'anon Hacalías, te ayon ta ajwalil; Sedequías,