Esdras 10:11 - Bible in Tzeltal de Oxchuc y Tenejapa

¹¹ Ja' yu'un yo'tic, li' ta stojol Cajwaltic te Dios yu'un te jme'-jtatique, na'aic me ta lec te ataoj amulic ta stojol te Cajwaltique, soc ja' me xapasbeyic te sc'anjel yo'tan stuquele. Pita abaic ta stojol te mach'atic ma ba xch'uunejic te Diose, soc ta stojol te jyanlum-antsetic in to —xi' te Esdras.

Bible in Tzeltal Bachajón

¹¹ Ha yu'un yo'tic halbeya amulic te Jehová te Dios yu'un te ame'atatic, soc pasahic te bin ya sc'an yo'tan. Loc'anic ta stojol te jyanlumetic soc ta stojol te jyanlum-antsetic, xchi.

Esdras 10:11 Referans Kwoze

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Esdras 10:3

Ya me cal jbajtic te ya me jticuntic bael ta spisil te jyanlum-antsetic cu'untique, soc nix te yalataquique. Ac'a cac'tic c'otuc ta pasel te mandaliletique, jich te bit'il awo'tan te ja'ate soc te mach'atic ya yich'ic ta muc' te smandal te Cajwaltic te ya stojtesotique.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Isaías 56:4

Melel te Cajwaltic, jich ya yal: —Te eunucoetic, teme ya yich'bonic ta muc' te bi c'aalil yu'un te cux-o'tanile, teme ya xch'uunic spasel te sc'anjel co'tane, soc teme jun yo'tan ay ta sna'el te trato cu'une,

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

Nehemías 13:3

Ja' yu'un te c'alal la yaiyic te israeletic te bila la yal te mandaliletic, la sloq'uesic ta stojol spisilic te mach'atic scapojix sbaic soc jyanlumetique.

Esdras 9:1

C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

2 Crónicas 30:22

Te muc' ajwalil Ezequías la yalbey wocol spisil te levitaetic te la yaq'uic ta ilel te lec yo'tanic ta abatinel yu'un te Cajwaltique. Laj yo'tanic ta we'el yu'un te q'uin c'alal ta juqueb c'aal, ja' te la yac'bey milbil majt'anil ta swenta seña lamal-o'tanil soc te Diose, soc la yalbeyic yutsil sc'oplal te Dios yu'un te antiguo sme'-statique.

Esdras 10:10

Te sacerdote Esdras la stejc'an sba, jich albotic yu'un: —Te ja'exe ataoj amulic ta scaj te nujbinemex soc te jyanlum-antsetique, jich la atoyesbeyic xan smul Israel.

Esdras 10:12

Ta spisil te ants-winiquetic la sjaq'uic ta aw: —Jichuc, ya jpastic te bila ya awale.

Nehemías 9:2

Parte la yac' sbaic ta stojolic te mach'atic sts'umbal jyanlumetique. Jich la stejc'an sbaic ta yalel ta jamal te smulique, soc te smul te antiguo sts'umbalic tele.

Jeremías 7:3

Jo'on te Spisil ya xju' cu'une, te Dioson awu'unic, jich ya calbeyex ja'ex te Israelexe: Lectesaic te acuxlejalic soc te awat'elique, jich me ya cac' ya xcuxinex bael ta bay in q'uinal to.

Ezequiel 18:30

Ja' yu'un, israeletic, jo'on me ya calbeyex amulic ta juju-jtul, chican te bila amulinejique. Jo'on Ajwalilon te jich caloje. Ijq'uitaya jilel spisil ta jc'axel te amen awat'elique, swenta yu'un ma ja'uc ta amulic te ya awich'ic jinele.