Esdras 10:10 - Bible in Tzeltal de Oxchuc y Tenejapa

¹⁰ Te sacerdote Esdras la stejc'an sba, jich albotic yu'un: —Te ja'exe ataoj amulic ta scaj te nujbinemex soc te jyanlum-antsetique, jich la atoyesbeyic xan smul Israel.

Bible in Tzeltal Bachajón

¹⁰ Te sacerdote Esdras la stehc'an sba, hich la yalbe: Te ha'exe atahoj amulic ta scaj te la awic' awihnaminic jyanlum-antsetic, hich la atohytesbeyic xan smul a te Israel.

Esdras 10:10 Referans Kwoze

San Mateo 23:32

Jich yu'un lajinaic sju'tesel ta pasel te yat'el te namey q'uinal ame'-atatic te jajch'em ta spasel yu'unique.

Esdras 9:6

jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

2 Crónicas 28:13

jich la yalbey: —Ma x'awiq'uic ochel tel te jchuqueletic, yu'un ja' me ya jmulintic ta stojol te Cajwaltique. Te bila ya apasique, ja' nax ya awac' xtoy xan jmultic yu'un a, soc te yantic faltaetic cu'untique. Te bit'il ya xjelawex ta jyalele, bayal me ya x'ilin yu'un te Cajwaltic ta jtojoltic jo'otic te israelotique —xiic.

Números 32:14

Yo'tic te ja'exe te ja' atatic te la sle smulique, ja' ya ac'an ya anopbeyic te yat'ele, swenta yu'un ta yan buelta ya ajajch'esbeyic yilimba Cajwaltic ta stojol te lum Israel.

Esdras 10:9

Ja' yu'un spisilic te winiquetic ta sq'uinal Judá soc ta sq'uinal Benjamín la stsob sbaic ta Jerusalén jtab c'aal sjajch'el a te sbalunebal ue, ja' te c'alal ts'acaj te oxeb c'aale. Ta spisilic la snajc'an sbaic ta yamaq'uil templo yu'un Dios, yacalic ta nijq'uel yu'un te bila c'opil albile, soc te bit'il yacal ja'ale.

Esdras 10:11

Ja' yu'un yo'tic, li' ta stojol Cajwaltic te Dios yu'un te jme'-jtatique, na'aic me ta lec te ataoj amulic ta stojol te Cajwaltique, soc ja' me xapasbeyic te sc'anjel yo'tan stuquele. Pita abaic ta stojol te mach'atic ma ba xch'uunejic te Diose, soc ta stojol te jyanlum-antsetic in to —xi' te Esdras.

Esdras 9:14

¿Yu'un bal ya to xju' ya jcha'c'axintaytic te mandaliletic awu'une, ya bal xju' te ya quic' jbajtic xan soc te yantic te mero ilaybil sba scostumbreique? ¿Yu'un bal ma ba x'ilinat ta jtojoltic soc ma ba ya alajinotic, asta ja' to teme ma'yuc cuxul ya xjilotic, ni jtuluque?