Esdras 10:1 - Bible in Tzeltal de Oxchuc y Tenejapa

¹ Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

Bible in Tzeltal Bachajón

¹ C'alal yac sc'opombel Dios a te Esdras soc ta yalel te mulil, ta oq'uel soc ta squejanel sba ta stojol te Templo yu'un Dios, bayel israeletic c'oht sjoy sbahic ta stojol, ha winiquetic, antsetic soc alaletic; yaquic ta tulan oq'uel.

Esdras 10:1 Referans Kwoze

Daniel 9:20

Yacon to ta sc'oponel Dios a, yacon ta yalel ta jamal te jmul, soc smul te jlumal Israel, soc yacon ta yalel wocol ta stojol te Cajwaltic te Dios cu'untic yu'un te ch'ul wits yu'une.

Salmos 119:136

Pajalix soc yocja' te ya'lel jsit yac ta loq'uel, yu'un ma x'ich'ot ta muc' te p'ijubtesel awu'une.

Romanos 9:2

Bayal ayon ta mel-o'tan soc spisil ora toyol xc'uxul ya caiy ta co'tan.

1 Reyes 8:30

Aiybon te ya xc'opojon ta atojol, soc aiybeya sc'op te lum Israel awu'une, te c'alal ya jc'oponat ta templo in to. Aiybon awaiy jc'op c'alal ta ch'ulchan te banti nainemate, pasbotic me te perdone.

San Lucas 19:41

Te c'alal nopol ayiquix bael ta Jerusalene, te Jesús la yil spamal te lume. Jajch' yoq'uetay.

Nehemías 8:9

Melel spisil te lum yacalic ta oq'uel yu'un te bi xi' la yaiyic te mandaliletique. Ja' yu'un te ajwalil Nehemías soc te maestro-sacerdote Esdras, soc nix te levitaetic te la yalbeyic yaiy sc'oplal te bila la yal te mandaliletique, la spasic ta mandal te lume. La yalbey yaiyic te ma ba ya smel yo'tanic yu'un, soc te manchuc ya x'oq'uique. Melel in c'aal to, ch'ultesbil yu'un te Cajwaltique ja' te Dios yu'unique.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Nehemías 10:28

Ja' te yantic yajwal lum, ja' te sacerdoteetic, levitaetic, jcanan-ti'nailetic, jc'ayojetic, abatetic ta templo, soc spisil te mach'atic ma ba la scapix sbaic soc te yantic yajwal te lumq'uinale, swenta yu'un jich ya me yich' ch'uunel a te mandaliletic yu'un te Diose, ta spisil soc yinamic, squerem-nich'nabic, yantsil-nich'nabic te ya sna'iquix q'uinale,

2 Crónicas 20:9

“Teme ay bi ma lecuc ya xtal ta jtojoltic swenta castigo, teme guerra, tulan chamel, soc teme wi'nal, tey me ya xtal jtejc'an jbajtic ta templo, melel tey ay a te Cajwaltique. Te woclajel te ya xtal ta jtojoltic ya jc'antic coltayel ta atojol yu'un. Jich me ya yaiybotic stojol jc'optic soc ya me scoltayotic”, te xiique.

Oseas 14:2

Sujt'esa awo'tanic ta stojol te Cajwaltique, jich me ya awalic ta sc'oponel te Diose: —Pasbotic perdón yu'un spisil te jmultique; tsacbotic soc yutsil awo'tan te amajt'an te ya caltic loq'uel ta quetique.

Jeremías 13:17

Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

1 Reyes 9:3

Jich albot: —La caiyix te ac'op soc te la awalbon wocole. La jch'ultesix te templo, te la apasbon swenta yu'un ya x'ainon spisil ora tey a. Ya me jcanantay soc ay me ta wenta cu'un spisil ora.

Hechos 21:5

C'axix a te juqueb c'aale, jich bootic. Jich la sjoinotic bael spisil te jnopojeletique soc yinamic yal-snich'anic c'alal ta patlum. Ta bay te ti'mare, la jquejan jbatic ta sc'oponel Dios,

Hechos 10:30

Jich jajch' yal te Cornelioe: —Ayix ta xchanebal c'aal, jich ora bit'il to, jpasoj ayuno soc yacon ta sc'oponel Dios li' ta bay jna to, jich bit'il te ay ta pasel ta swenta oxeb ora xmalel te c'aale. Te c'alal yacon ta sc'oponel Dios a, chicnaj ta jtojol jtul winic te xlemet nax xojobil te sc'u'-spaq'ue

2 Crónicas 20:13

Spisilic te Judá tec'ajtic ta stojol Cajwaltic, tey ayic a te yinamic soc te snich'nabic, asta tey ayic a te alaletique.

Deuteronomio 31:12

Ta spisil me ya stsobic te winiquetic, antsetic, alaletic soc te jyanlumetic te nainemic ta alumalique, swenta yu'un ya me yaiyic te ya yich' ilel te mandaliletique, soc ya me snopic yich'el ta muc' te Cajwaltic Dios, soc ya me spasic bael te bila ya yal te mandaliletique.

San Mateo 3:6

Te mach'atic la yalic ta jamal te smulique, jich ac'bot yich'ic ja' ta bay muc'ja' Jordán yu'un te Juane.

Esdras 10:6

Te Esdras jajch' bael tey ta templo yu'un te Diose, soc bajt' ta scuarto Johanán snich'an Eliasib. Tey c'ax ajc'ubal yu'un a, ma ba we' soc ma'yuc bila la yuch', yu'un ja' mero smeloj yo'tan yu'un, te ma junuc yo'tanic ta stojol Dios te mach'atic sujt'emic tel te ac'bot yijq'uitay slumalique.

Nehemías 1:4

C'alal la caiy te c'opetic in to, la jnajc'an jba, ochon ta oq'uel yu'un. Che'oxeb c'aal la jmel co'tan yu'un. La jcom jwe'el soc la jc'opon te Dios ta ch'ulchane.

Nehemías 1:6

yo'tic ya calbat wocol te yacuc awich'bon ta wenta te jc'op te yacon ta yalel ta atojol ta c'aal ta ajc'ubal, ta swenta sna'beyel yo'bolil sbaic te abatetic awu'une, ja' te israeletique. Ya jna' ta lec te jtaoj jmultic ta atojol te jo'otic te israelotique. Asta te mach'atic ay cu'un soc te jo'one, jtaoj jmultic ta atojol.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Josué 8:35

Te Josué ma'yuc bay jil ta alel jp'aluc yu'un ta spisil te mandal yaloj Moisés ta stojol stsojbol te lum Israel, soc te antsetic, alaletic, soc te jyanlum winiquetic te jun ayic soque.