Esdras 1:8 - Bible in Tzeltal de Oxchuc y Tenejapa

⁸ Te Ciro la sujt'es te biluquetic ta swenta te Mitrídates te ja' tesorero yu'une. C'alal laj yo'tan ta yajtayel, la yac'bey ta sc'ab te Sesbasar te mach'a muc' sc'oplal yu'un Judá.

Bible in Tzeltal Bachajón

⁸ Te Ciro ajwalil yu'un Persia la suhtes ta scuenta te Mitrídates te tesorero, te la yahtaylan soc la ya'be te Sesbasar te príncipal yu'un Judá.

Esdras 1:8 Referans Kwoze

Esdras 5:14

“Soc la yalbotic xan, te ja' muc' ajwalil Ciro te la sloq'ues ta templo ta Babilonia te biluquetic pasbil ta oro soc ta plata, soc ja' la yac'bey ta sc'ab te jtul winic Sesbasar sbiile, te ja' nix te la yac'bey yat'el ta ajwalile. Melel te muc' ajwalil Nabucodonosor la yich' loq'uel ta templo ta Jerusalén ta namey, la yich' bael ta templo ta Babilonia.

Hageo 1:14

Te Cajwaltic jich la yac'bey xan jajch'el yip yo'tanic te Zorobabel, ja' te jwentainwanej yu'un Judá, soc te Josué, te ja' muc'ul sacerdote te swentainej te sacerdoteetique, soc te jayeb xan te ants-winiquetique. Chaneb xcha'winic (24) c'aal sjajch'el swaquebal u swenta xchebal ja'wil yich'bel yat'el ta muc' ajwalil a te Darío, jajch' spasic xan te templo yu'un te Dios cu'untique, ja' te Cajwaltic te Spisil ya xju' yu'une.

Hageo 1:1

Ta xchebal ja'wil yochel ta muc' ajwalil a te Darío, ta sbabial c'aal sjajch'el swenta swaquebal u a, tal sc'op Cajwaltic ta swenta te j'alwanej Hageo ta stojol te jwentainwanej ta Judá, ja' te Zorobabel snich'an Salatiel, soc ta stojol te muc'ul sacerdote te swentainej te sacerdoteetic, ja' te Josué te snich'an Josadac.

Esdras 5:16

Ja' yu'un, te c'alal c'ot te Sesbasar, la yac'bey jajch'el te xjajch'ibal yiptajib te templo yu'un Dios ta Jerusalene. Jich ora jajch' ta cha'pasel xan, pero ma to ba ju'em ta pasel.

Esdras 1:11

Ta spisil te biluquetic pasbil ta oro soc ta plata loc' jo'mil soc bajc' (5,400). Spisil in to, la yich' bael Sesbasar yan buelta ta Jerusalén te c'alal jajch' bael ta Babilonia soc te mach'atic ic'otic loq'uel ta slumalique.

Jeremías 51:44

Te Cajwaltic jich ya yal: —Ya me cac'bey castigo te lotil dios Bel ta Babilonia, ya cac'bey xejtay loq'uel te bila sbic'oj c'oeme. Te nacionetic ma xju' ya xbajt'iquix ta stojol; jiniquix ta sjoyobal sts'ajc'ul te Babilonia.

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

Esdras 5:2

Ja' yu'un te Zorobabel snich'an Salatiel soc Josué snich'an Josadac, jajch'ic xan ta at'el ta xcha'pasel xan te templo yu'un Dios ta Jerusalén. Te j'alwanejetic yu'un Dios, tey ayic soc a, yacalic ta coltayel yu'un.