Esdras 1:7 - Bible in Tzeltal de Oxchuc y Tenejapa

⁷ Te muc' ajwalil Ciro, ta stuquel-o'tan la yac' te biluquetic ya xtuun ta templo yu'un te Cajwaltique. Ja' te la yich' loq'uel ta Jerusalén te Nabucodonosor te la yac' ta templo yu'un te diosetic yu'une.

Bible in Tzeltal Bachajón

⁷ Te ajwalil Ciro la sloq'ues te biluquetic te ya xtuhun ta sna Jehová, te yich'oj ta Jerusalén te Nabucodonosor te la yac'ticlan ta sna te diosetic yu'une.

Esdras 1:7 Referans Kwoze

2 Crónicas 36:7

Te Nabucodonosor la yich' bael ta Babilonia oliluc sbiluquil te templo yu'un Cajwaltic, c'o yac' ta templo ta Babilonia.

Esdras 6:5

Ja' nix jich te biluquetic pasbil ta oro soc ta plata te ja' yu'un te templo yu'un te Diose, (ja' te Nabucodonosor la yich' loq'uel ta templo ta Jerusalén, soc la yich' tel ta Babiloniae) ac'a yich' sujt'el soc ac'a yich' ich'el bael ta Jerusalén, soc ac'a yich' aq'uel ta templo yu'un Dios, te bit'il ja' nix yawil ae”, xi' te smandal Ciro.

Esdras 5:14

“Soc la yalbotic xan, te ja' muc' ajwalil Ciro te la sloq'ues ta templo ta Babilonia te biluquetic pasbil ta oro soc ta plata, soc ja' la yac'bey ta sc'ab te jtul winic Sesbasar sbiile, te ja' nix te la yac'bey yat'el ta ajwalile. Melel te muc' ajwalil Nabucodonosor la yich' loq'uel ta templo ta Jerusalén ta namey, la yich' bael ta templo ta Babilonia.

2 Reyes 24:13

Patil te Nabucodonosor la sloq'ues spisil tey a te c'ulejalil ta templo yu'un Cajwaltic, soc te ay ta sna te muc' ajwalile. Jich nix te bit'il la yal te Cajwaltic, la stop' spisil te biluquetic pasbilic ta oro yu'un te Salomón muc' ajwalil yu'un Israel ta namey, te la spas te tuun yu'un ta templo.

2 Crónicas 36:10

Ta yorail ya xjajch' ta najt'ubel te c'aal yu'un a te ja'wile, te muc' ajwalil Nabucodonosor la sticun ta iq'uel bael ta Babilonia, soc te biluquetic te mero bayal sc'oplalic ta templo yu'un Cajwaltic, soc la yac' sjelolin xan jilel ta muc' ajwalil ta Judá soc ta Jerusalén te Sedequías, ja' stajun te Joaquín.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 1:2

Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

2 Crónicas 36:18

Spisil te sbiluquil te templo yu'un Dios, te bitic muq'uique soc te bitic tsailique, soc te sc'ulejal te templo, te sc'ulejal te muc' ajwalil soc te sjo'tac ta ajwalile, spisil la yich' bael te muc' ajwalil yu'un te caldeoetic ta Babilonia.

Jeremías 51:44

Te Cajwaltic jich ya yal: —Ya me cac'bey castigo te lotil dios Bel ta Babilonia, ya cac'bey xejtay loq'uel te bila sbic'oj c'oeme. Te nacionetic ma xju' ya xbajt'iquix ta stojol; jiniquix ta sjoyobal sts'ajc'ul te Babilonia.