Esdras 1:6 - Bible in Tzeltal de Oxchuc y Tenejapa

⁶ Ta spisil te spat-xujq'uique coltayotic yu'un ta plata, oro, soc spisil biluquetic, chambalametic, soc biluquetic te bayalic stojole, soc xan yantic bayal ta jchajp biluquetic te spasemal yo'tanic la yaq'uique.

Bible in Tzeltal Bachajón

⁶ Spisil te spat-xuhquic la scoltayic ta plata, oro soc spisil biluc, chambahlametic soc biluquetic te t'ujbilic te bayel stojol, soc yantic mahtaniletic te la yaq'uic scuenta sc'anojel yo'tanic.

Esdras 1:6 Referans Kwoze

2 Corintios 9:7

Juju-jtul ac'a yac' te jich yipal snopoj ta yo'tane. Ma me socuc mel-o'tan te ya yaq'ue, soc ma me sujbiluc te ya yaq'ue, melel ja' c'ux ta o'tanil yu'un Dios te mach'a bin nax yo'tan ya yaq'ue.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

Esdras 8:33

Ta xchanebal c'aal la yich' p'isel yalal ta templo yu'un te Dios cu'untic te plata, te oro soc te biluquetique. La yich' aq'uel spisil te sacerdote Meremot snich'an Urías. Tey nix sjoinej a te Eleazar snich'an Finees, soc te levitaetic, Josabad snich'an Josué soc Noadías snich'an Binuy.

Esdras 1:4

Spisil te judioetic ta bayuc nainemique ya me xcoltayotic yu'un te spat-xujq'ue. Ac'a yac'beyex plata, oro, soc spisil biluc yu'un, soc wacax, soc xan yan majt'anil te spasemal yo'tanic ya yaq'uic yu'un te templo yu'un Dios ta Jerusalén”, xi' te smandale.

Nehemías 6:9

Melel yo'tanicuc ya xiwtesotic ta sc'opic. Scuyojic te ya xpejc'aj co'tantique, soc te ma ba ya ju'testic ta pasel te at'ele. Pero te jo'one, mero la cac' xan puersa ta spasel te at'ele.

Isaías 35:3

Tulantesaic te mach'atic ma'yuc yipique; ac'beya yich' stulanilic te mach'atic lubenique.

Éxodo 12:35

La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés.

Éxodo 12:36

Te Cajwaltic la yac'bey ta yo'tanic te egipcioetic te spasemal yo'tanic ya yac'beyic bael israeletic te bila ya sc'anbeyic baele. Jich ay bayal te bila la spojbeyic loq'uel te egipcioetique.

1 Crónicas 29:9

Te lume bin nax yo'tanic yu'un ta c'axem to xan, yu'un ay bayal la yaq'uic swenta spasel te templo. Melel ja' la yac'beyic te Cajwaltic ta swenta mero yutsil te yo'tanique. Jich te muc' ajwalil David mero bin nax yo'tan yu'un.

Salmos 106:46

Asta te jtsalawetic yu'unic, la yac'bey yilic yutsil yo'tanic ta stojolic.