Efesios 6:9 - Bible in Tzeltal de Oxchuc y Tenejapa

⁹ Soc ja'ex te yajwalex te abatetique, jich nix ya sc'an ya apasic ta stojol uuc te abatetic awu'une. Ijq'uitayaic te ya axiwtesic ta tulan c'ope. Na'aic me te pajal ay Awajwalic ta ch'ulchan soque, soc ma'yuc mach'a tsabil nax yu'un te Diose.

Nuevo Testamento Tzeltal de Amatenango

⁹ Y te jaꞌexe te ay amosoik, toj me xꞌawabatin te awaj-aꞌtelike. Ma me asitꞌes ta tulan kꞌop. Naꞌaik me te jaꞌexe sok te awaj-aꞌteletik pajal ayex me ta skuenta te Kajwaltik te ay ta chꞌulchane. Y te Diose maꞌyuk yan ta yoꞌtan, pajal akꞌoplalik yuꞌun.

Bible in Tzeltal Bachajón

⁹ Soc ha'ex ajwalilex, hichuc nix xapasbeyic, hiluc me awu'unic xiwtesel ta c'op, como ana'ojic te pajal ay Awajwalic soc ta ch'ulchan, te ma tsahbiluc nax mach'a ay ta cuenta yu'un.

Efesios 6:9 Referans Kwoze

Colosenses 3:25

Yan te mach'a amen te bila la spase, jich nix amen te stojol te ya x'ac'bot ta swentae. Soc ma'yuc mach'a tsabil nax yu'un te Diose.

Hechos 10:34

Jich te Pedro jajch' ta c'op. Jich la yal: —C'otix ta co'tan, te ma'yuc mach'a tsabil nax yu'un te Diose.

Romanos 2:11

Melel te Diose, ma'yuc mach'a stsaoj nax ta yo'tan jtuluc.

San Lucas 6:31

Te bi ya sc'an awo'tanic te ya spasbotex yu'un te yane, jich me xapasbeyic uuc.

San Mateo 7:12

“Jich yu'un spisil te bila ya sc'an awo'tanic ya spasbotex yu'un te yane, jich me xapasbeyic uuc. Yu'un jich ya yal te mandalile soc te j'alwanejetic yu'un te Diose.

Deuteronomio 10:17

Melel te Cajwaltic te Dios cu'untique ja' toyol yu'un yantic bitic cuybilic ta Dios, soc ja' Ajwalil toyol yu'un yantic ajwaliletic. Ja' Dios stuquel te ma'yuc mach'a wentainbil yu'une. Spisil ya xju' yu'un, ay ta xi'el stuquel. Pajal sc'oplal yu'un spisil te ants-winiquetic, soc ma xchon sba ta swenta majt'aniletic.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Santiago 2:8

Ja' to lec ya xc'oex ta stojol Dios teme ya ach'uunic spasel te smandal Dios te cajal sc'oplale, jich te bit'il ts'ibubil ta Sjun Diose: “C'ux me x'awaiy te apat-axujq'ue, jich te bit'il c'ux ya awaiy aba atuquel te ja'ate”, te xie.

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

San Juan 13:13

Te bit'il “Maestro” soc “Cajwal”, ya awutonic, melel xawalic, yu'unix jo'on a.

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

1 Corintios 7:22

Melel te mach'a ay ta mosoil a te ic'ot yu'un te Cajwaltique, yu'un nanix moso ay ta balumilal a, ja'uc me to, ac'bilix ta libre yu'un te Cajwaltique. Ja' nanix jich te mach'a ma'yuc ta mosoil a te c'alal ic'ote, ja' mosoinbilix yu'un te Cristoe.

San Mateo 24:51

Ya me yac'bey stoj ta lajel. Tey me ya xbajt' a te banti ya xbajt' te mach'atic cha'lam yo'tanique. Tey me ya xc'o yoq'uetay sba a soc tey me ya xc'o sjets'ulay ye a —xi' te Jesuse.

San Mateo 24:48

“Yan teme amen yo'tan te abate, jich ya xcaj yal ta yo'tan te ma xtal ta ora te yajwale.

San Mateo 22:10

Jich a bajt'ic ta bebetic te abatetique. La stsobic tel spisil te mach'atic la sta sbaic soque. Capal talic soc te mach'atic lequique soc te mach'atic amenique. Jich noj ta ula' te snae.

San Mateo 22:8

“Te muc' ajwalile la yalbey ts'iin te abatetic yu'une: “Chapalix spisil te q'uine, ja'uc me to, te mach'atic ic'bilique chican te ma nix ja'uc yu'unic a.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Daniel 3:6

Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

Isaías 47:6

C'alal ilinon ta stojol te lum cu'une, la cac' ta q'uexlal, la cac' ochuc ta ac'ab. Te ja'ate ma la ana'bey yo'bolil sbaic, soc la awac'bey ta stojol mamaletic te yalal yugo-te' awu'une.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Salmos 140:12

Jna'oj stojil te bila ya spasbey ta stojol me'ba te Cajwaltic, soc ya scoltay te mach'a c'ux obol sbae.

Nehemías 5:5

—Te jo'otique pajal israelotic soc te jlumalique. Te cal-jnich'antique, pajal yilelic soc te yal-snich'anique. Pero te jo'otique puersa ya cac'tic ta mozoil te queremetic soc te ach'ixetic cu'untique. Ay baemiquix ta criadail te cantsil-nich'nabtique. Ma'yuc bi ya xju' ya jcoltaytic a, melel te jq'uinaltique soc te jts'usubiltique yan mach'atic yich'ojiquix —xiic.

1 Samuel 15:17

Jich la yal jajch'el te Samuel: —¿Ma bal mero peq'ueluc la awaiy aba jiche te ja'ate? Pero ochat ta jwentainwanej yu'un spisil ta jchajp te sts'umbal israeletic, te Cajwaltic la stsaat yu'un ochat ta muc' ajwalil yu'un te israeletique.

Levítico 19:13

“Ma me xawuts'in te alumale, ma me xawelc'anbey te bila ay yu'une. “Ma me xchebaluc to c'aal a ya atojbey yat'el te mach'a ya awic' ta at'ele.

Job 34:19

Te Dios ma yanuc sc'oplal yu'un a te mach'atic ochemic ta ajwalil, ma ja'uc toyol sc'oplal yu'un te mach'atic ay sc'ulejalique, soc ma ja'uc peq'uel sc'oplal yu'un te mach'atic ma'yuc sc'ulejalique, melel ja' la spas ta spisilic stuquel.

Colosenses 4:1

Soc ja'ex uuc te yajwalexe, ya sc'an te toj awo'tanic ta stojol te abatetic awu'unique. Sbelaluc me te bila ya achapic soque. Na'aic me uuc te ay Awajwalic ta ch'ulchane.