Efesios 6:8 - Bible in Tzeltal de Oxchuc y Tenejapa

⁸ Na'aic me te juju-jtulotic, teme lec te bila ya jpastique, ya me x'ac'bototic stojol jc'abtic yu'un te Cajwaltique, manchuc teme ayotic ta abatinel o teme ayotic ta libre.

Nuevo Testamento Tzeltal de Amatenango

⁸ Yuꞌun ya anaꞌikix ta juju-tul, me ay ta moso o libre ay, ya me yichꞌ stojol yuꞌun te Kajwaltike, yuꞌun te tutꞌi lek spasoje.

Bible in Tzeltal Bachajón

⁸ como ana'ojic te tuhlutuhl ya x'a'bot stojol sc'ab yu'un te Cajwaltic, ha chican te bin lec spasoj, teme ay ta mosohil o teme ay ta libre.

Efesios 6:8 Referans Kwoze

Colosenses 3:24

Yu'un ya ana'ic te ya yac'beyex amajt'anic juju-jtulex ta patilal te Diose. Melel ayex ta abatinel yu'un te Cristoe te ja' mero Awajwalique.

San Lucas 14:14

Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 6:4

Ja' lec te muquen ya awaq'uique. Jich me ya x'ac'botex amajt'anic ta comonsitil yu'un a te Jtatic te ya yil te bila muquen ya apasique.

Proverbios 11:18

Te mach'a amen ya x'at'ej, ya slo'laybey staq'uin yajwal; yan te mach'a toj ya x'at'eje, jun yo'tan ya yich' stojol stuquel.

Hebreos 10:35

Ma me xch'ay awu'unic te bit'il jun awo'tanic ta stojol te Diose, melel ya me x'ac'botex muc' amajt'anic yu'un.

Proverbios 23:18

Jich me buen lec ya xc'oat yu'un; ma me ayuc bi ora ya xlaj sc'oplal te bila ya amaliye.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

San Mateo 6:1

“Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

San Mateo 5:12

Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

Isaías 3:11

¡Obol sba te mach'a c'ax amen yat'ele, melel amen ya xc'ot ta loq'uel! Dios me ya yac'bey stoj, ja' chican te bit'il ay te yat'ele.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

1 Corintios 12:13

Yu'un te c'alal la quich'tic ja' ta swenta te Espiritue, jich jun nax jbaq'uetaltic c'ootic ta jpisiltic. Manchuc teme judioetic o teme jyanlumetic o ayic ta mosoil o teme libre ayique, jun nax te Ch'ul Espíritu te la quich'tic ta jpisiltique.

Colosenses 3:25

Yan te mach'a amen te bila la spase, jich nix amen te stojol te ya x'ac'bot ta swentae. Soc ma'yuc mach'a tsabil nax yu'un te Diose.

San Mateo 20:7

La yalic: “Yu'un ma'yuc mach'a la yic'otic ta at'el”, xiic. Jich a albotic yu'un: “Baanic ta at'el ta bay ts'usubiltic cu'un”, la yut.