Efesios 6:4 - Bible in Tzeltal de Oxchuc y Tenejapa

⁴ Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Nuevo Testamento Tzeltal de Amatenango

⁴ Y te jaꞌexe, meꞌil-tatiletik, ma me wakꞌ ilinuk te awuntikilike. Sinoke tsꞌijtesaik ta lek, sok komaik, sok sluwaril xꞌawalbeyik ta skuenta te Kajwaltike.

Bible in Tzeltal Bachajón

⁴ Ha'ex te sme'statex, ma me xawac' bohlobuc yo'tan te awal-anich'nabique; coltesahic ta scuenta te tojobtesel soc te tsitsel yu'un te Cajwaltique.

Efesios 6:4 Referans Kwoze

Colosenses 3:21

Me'il-tatiletic, ma me xawac' ilinuc yo'tanic te awal-anich'anique, swenta yu'un ma xchebaj yo'tanic ta awentaic.

Proverbios 22:6

Ac'beya lequil p'ijubtesel te alal te c'alal ch'in to ae, te c'alal ya xmamalub, ma'yuc bi ora ya xch'ay ta yo'tan.

Proverbios 29:15

Ta swenta majel soc ta swenta comel, ay bila ya yich' nopel; yan te nich'anil te ma'yuc comel ta stojole, ya yac' ta q'uexlal te sme'e.

Proverbios 19:18

Ac'beya castigo te anich'an te c'alal ya to xju' ta tojtesele; ja'uc me to, ma me xamil ta jyalel yu'un.

Deuteronomio 6:7

Spisil me ora xawac'bey snop te awal-anich'nabe. Ac'beya snopic ta ana soc ta be, te c'alal ya xwayat soc te c'alal ya xjajch'at ta wayele.

Proverbios 29:17

Tojtesa te anich'an, jich me lamal q'uinal ya awaiy yu'un, soc jich me ya yac'bat bayal yutsil awo'tan.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

2 Timoteo 1:5

Melel ya xjul ta co'tan te ay xch'uunjel awo'tan ta melele, jich bit'il ay xch'uunjel yo'tan te Loida, te sme' te ame'e, soc te ame' Eunice. Jna'oj ta lec te bit'il jich nix ay xch'uunjel awo'tan uuc te ja'ate.

Proverbios 22:15

Te bol-o'tanil, ja' ay to ta yo'tanic te alaletique; pero ya xjil yu'un te c'alal ya yich' tulan tojtesel ta majel.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

Isaías 38:19

Ja' nax mach'atic cuxajtic ya xju' ya yalbat lec ac'oplal, jich bit'il jo'on ya jpas ta ora to. Te me'il-tatiletic ya yalbeyic snich'nabic te yutsil xc'uxul awo'tane.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

1 Crónicas 29:19

Ac'beya te junuc yo'tan te jnich'an Salomón, ts'acal xachajbanbon ta toj te yo'tane, jich me ya xju' yu'un xch'uunel ta spisil te jayeb ta jchajp mandaliletic awu'une. Ayuc bit'il ya sc'otes ta pasel spisil, soc te junuc yo'tan ta atojol, jich me ya xju' ta pasel yu'un te templo te chajbanbilix sbiluquil cu'une —xi' ta sc'oponel Dios te David.

Efesios 6:3

swenta yu'un lec me ya xc'oex, soc ya xnajt'aj aworailic yu'un ta balumilal”, te xie.

Jueces 13:12

Te Manoa la yalbey: —Te c'alal ya xc'ot ta pasel te bi la awalbotique, ¿bit'il ya sc'an jch'ijtestic te quereme? ¿Bila ya sc'an jpastic soc? —xi'.