Efesios 6:21 - Bible in Tzeltal de Oxchuc y Tenejapa

²¹ Te quermanotic Tíquico te bayal c'ux ta co'tantique, te jun yo'tan yac'oj sba ta coltaywanej ta swenta te Cajwaltique, ja' me ya yalbeyex awaiyic spisil te bi quilel ayon li'to soc te bila yacon ta spasele.

Nuevo Testamento Tzeltal de Amatenango

²¹ Te jTiquico, te hermano ben kꞌux ta koꞌtane y ben jun yoꞌtan te ya xkoltawan ta yaꞌtel te Kajwaltike, ya yichꞌ bael spisil te kꞌopetik te tutꞌ ayone sok te tut yipalon ta spasele.

Bible in Tzeltal Bachajón

²¹ Te quermanotic Tíquico te c'ux ta co'tantic soc te jun yo'tan yac'oj sba ta a'batinel yu'un te Cajwaltic, ya me xc'oht yalbeyex awa'iyic spisil bin ut'il ayon soc te bin yac jpasbele.

Efesios 6:21 Referans Kwoze

Hechos 20:4

Ja' la sjoin bael te Sópater te snich'an Pirro te talem ta Berea, soc Aristarco soc Segundo te talemic ta Tesalónica, soc Gayo te talem ta Derbe, soc Timoteo soc uuc te Tíquico soc Trófimo te talemic ta smaquen-q'uinal Asia.

2 Timoteo 4:12

Te Tíquico la jticunix bael ta lum Éfeso.

Tito 3:12

Te c'alal ya jticunbat tel te Artemas, o teme ja' te Tíquico, teme c'ote, talan me ta ora. Tey me ya xc'o jta jbajtic ta bay lum Nicópolis. Yu'un jnopoj te tey ya xc'ax cu'un a te inviernoe.

2 Pedro 3:15

Na'aic me stojol te ay swentail te jal c'aal smaliyejotic te Cajwaltique, yu'un ya sc'an yo'tan te ya scoltayotique. Jich nix la sts'ibubeyex uuc te quermanotic Pablo, te bayal c'ux ta co'tantique. Ta swenta sp'ijil yo'tan ac'bil yu'un Dios te la yale.

1 Pedro 5:12

Te quermanotic Silvano te jun yo'tan xch'uunej ya quil te Diose, la jmajanbey sc'ab soc yo'tan ta spasel in jun to. Tey la jtac'uyex a soc la cac'beyex ana'ic stojol te bit'il ay yutsil yo'tan ta mero melel te Diose. Jc'axel ainanic ta bay te xc'uxul yo'tane.

Filemón 1:16

Ma jichuquix te bit'il amosoe, yu'un yan xan lec c'oemix ta ora to: Ja' awermanoix ta stojol Dios te bayal c'ux ta awo'tane. Te jo'one bayal c'ux ta co'tan ya caiy. In te ja'ate, ya sc'an te c'ax to xan jich c'ux ya awaiy ta awo'tan atuquel. Melel ma ja'uc nax awabat te winique, ja' awermanoix ta stojol te Cajwaltique.

1 Timoteo 4:6

Teme jich ya awac'bey snop te quermanotactique, lequil abatat ya xc'oat yu'un te Jesucristoe, soc ya me yipin awo'tan te sc'op Dios te ach'uuneje soc te lequil nopjibal awantayeje.

Colosenses 1:7

Ja' la yac'beyex anopic te quermanotic Epafras, te joy jba soc ta at'el te bayal c'ux ta co'tane, soc te lequil abat yu'un Cristo ta atojolique.

1 Corintios 4:17

Ja' swentail te la jticunbeyex tel te Timoteo, te jun yo'tan ta stojol te Cajwaltique. Jich c'oem ta co'tan te bit'il jnich'an te c'ux ta co'tane. Ja' me ya yac'beyex juluc ta awo'tanic te bila la cac' ta nopel soc te bit'il at'ejone. Yu'un yiloj spisil te bit'il ya caiy p'ijubteswanej ta bay spisil te jch'uunjeletique.

Filipenses 1:12

Quermanotac, ya jc'an te ya ana'ic stojol te bila pasbilon ta ora to. Ja'uc me to, ja' ya scoltayon xan ta yalel te lec yach'il c'ope.