Efesios 6:2 - Bible in Tzeltal de Oxchuc y Tenejapa

² Te sbabial mandal te ya yal te ay bila ya quich'tic yu'une, ja' in to: “Ich'a ta muc' te ame'-atate,

Nuevo Testamento Tzeltal de Amatenango

² Te primero mantalil te ya yalbeyex te ay tut ya awichꞌik yuꞌune, jaꞌ to: “Akꞌa ta jkuenta te ameꞌ-atatike,

Bible in Tzeltal Bachajón

² Ich'a ta muc' te atat soc anan —te ha primer mandaril te banti ay bin ya yal ta jamal te ay bin ya x'a'bot yu'un a—

Efesios 6:2 Referans Kwoze

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Deuteronomio 27:16

“Boloben me sc'oplal ta jyalel te mach'a ma xyich' ta muc' te sme'e o te state”. “Jichuc”, xiic me ta spisil te lume.

Proverbios 20:20

Te mach'a ya sbolc'optay te state, o ja' te sme'e, xiweltic me sba ya xbajt' ta lajel ta ijc' q'uinal.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Jeremías 35:18

Te Jeremías la yalbey xan ta yan buelta te recabitaetique: —Te Cajwaltic te Spisil ya xju' yu'une, te Dios yu'un Israel, ya yal: “Ja' yu'un te bit'il ach'uunejbey mandaliletic yu'un te Jonadad te ja' antiguo ame'-atatique, soc la ana'iquix te p'ijubtesel yu'une, soc c'oemix ta pasel awu'un spisil te bila la yalbeyex ta mandale,

Romanos 13:7

Tojbeya spisil te mach'a ay abet yu'une: Teme ja' te patan taq'uine, ac'a me. Teme ja' te spatanul biluque, ac'a me. Te mach'a ay ta ich'el ta muq'ue, ich'a me ta muc'; te mach'a ay ta xi'ele, xi'a me.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Jeremías 35:7

Soc ma la sc'an te ya jpastic jnatic, ni ts'unbajel ta q'uinal, soc ni sts'unel ts'usubiltic. La yalbotic mandal te ac'a jnaintic nailpac' te jayeb c'aal cuxulotic, swenta yu'un ya me xcuxinotic bayal c'aal ta lumq'uinal, ta bay c'axel nax ayotic jichuc jyanlumetique.

Efesios 6:3

swenta yu'un lec me ya xc'oex, soc ya xnajt'aj aworailic yu'un ta balumilal”, te xie.

1 Timoteo 5:4

Ja'uc me to, teme ay me'ba ants te ay yalatac, o teme ay smamataque, ja' me neel ay ta swentaic te alnich'anetic te bit'il ya sc'an ya yich' wentainel yu'unic ta stojol Dios, swenta yu'un tey sujt'esbil yu'unic ya xc'ot sjelol swocol te me'il-tatile. Melel ja' lec ta pasel, soc ja' bin nax yo'tan Dios yu'un.