Efesios 6:19 - Bible in Tzeltal de Oxchuc y Tenejapa

¹⁹ Soc c'oponbonic Dios ta jwenta uuc, swenta yu'un ya me scoltayon ta c'op te c'alal ya cal te sc'op Diose, soc ma me xiw co'tan te ya cac' ta na'el te lec yach'il c'op te muquen ay ta neelal toe.

Nuevo Testamento Tzeltal de Amatenango

¹⁹ Y kꞌoponbonik me Diose euk, yuꞌun Dios me ya yaꞌbon te kꞌopetik ya skꞌan ya kale. Yuꞌun jich me ya xjuꞌ yuꞌun yalel sok yip koꞌtan te skꞌoplal kolel, y jich ya kakꞌ ta naꞌel te tut mukul ay ta nail toe.

Bible in Tzeltal Bachajón

¹⁹ Soc ha nix hichon, c'opombonic Dios scuenta yu'un te c'alal ya xc'opojon ya x'a'boton bin ya cal, scuenta yu'un ma ba ya xiwon ta yaq'uel ta nopel te lec yach'il c'op te mayuc ta na'el ta nahil to,

Efesios 6:19 Referans Kwoze

Colosenses 4:3

C'oponbotic me Dios uuc te jo'otique, swenta yu'un Dios me ya sjambotic be te ya jcholtic te sc'ope, soc te ya xju' ya caltic te muquen c'op yu'un te Cristoe. Ja' swentail te ayon ta chuquel yu'une.

Hechos 4:29

Ta ora to, Cajwal, ya me awilbotic te bila yalojbotic ta tulan mandale, soc ya me awac'botic stulanil co'tantic, jo'otic te awabatotic, te manchuc ya xiwotic ta yalel te ac'ope.

2 Tesalonicenses 3:1

Quermanotac, slajibalix ya calbeyex in to: C'oponbotic me Dios te ya me xpujc' ta ora ta bayuc te sc'op te Cajwaltique, soc te ya me x'ich'ot ta muc' yu'un te ants-winiquetique, jich nix te bit'il c'ot ta pasel ta awolilic te ja'exe.

1 Tesalonicenses 5:25

Quermanotac, c'oponbotic me Dios spisil ora ta jtojoltic.

Hebreos 13:18

C'oponbotic me Dios ta jtojoltic, melel jun co'tantic ya caiytic ta stojol te Diose, yu'un ya jc'antic te tojuc ya xbeenotique.

Hechos 4:31

Te c'alal laj yo'tanic ta sc'oponel te Diose, nijc' la yaiyic te banti na stsoboj sbaique, soc noj ta yo'tanic ta spisilic te Ch'ul Espiritue. Jich ma ba xiwic ta yalel te sc'op Diose.

1 Tesalonicenses 2:2

Jich bit'il awaiyojic stojol te ach' to nax c'ax jwocol ta jowil uts'inel ta bay lum Filipos, ja'uc me to, te Diose la yac'bon yip co'tan ta xcholel ta atojolic te lec yach'il c'op ta bay yolilal te controinele.

2 Corintios 8:7

Jich yu'un te ja'exe, c'ax jich ju'emix awu'unic te bit'il yantique. C'ax jich ay xch'uunjel awo'tanic, soc c'ax jich ya ana'ic c'op, soc p'ijubenex ta lec, soc c'ax jich toyol awo'tanic, soc c'ax jich c'uxotic ta awo'tanic. Jich yu'un ya sc'an te c'ax jich ya atsobic te coltayel te bit'il te yantique.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

1 Corintios 4:1

Te ja'exe, jichuc me c'oemotic ta awo'tanic te bit'il yaj-at'elotic nax te Cristoe, te ay ta jwentatic yaq'uel ta nopel te muquen c'op chapal yu'un te Diose.

Hechos 28:31

Jamal la xcholbey yaiyic te bit'il ay ta ajwalinel te Diose, soc la yac'bey snopic te bit'il ay sc'oplal te Cajwaltic Jesucristoe. Jtul ma'yuc mach'a comot ta yalel yu'un.

Hechos 19:8

Te Pablo och ta sinagoga, ma ba xiw ta yaanel soc te judioetic te bit'il ay ta ajwalinel te Diose. Oxeb u jich la spas, ja' to te ay mach'atic c'ot ta yo'tanique.

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

Filemón 1:22

Soc ya me achajbanbon uuc te banti ya xc'o ainucon awu'une, melel ay ta co'tan te ya stsacbeyex ac'opic te Dios swenta yu'un ya xtal quilexe.

Colosenses 2:2

Yu'un ya jc'an te ya yich' yip awo'tanic, soc te jc'axel jun awo'tan abaic ya xc'oex yu'un te c'ux ya awaiy abaique. Jich me ya ataic te smuc'ul awo'tanic te bit'il ts'acal ya ana'iquix te bit'il ay te muquen c'op yu'un te Jtatic Diose, te ja' nix te sc'oplal te Cristoe.

2 Corintios 3:12

Te bit'il jich yacotic ta smaliyele, jich jamal co'tantic ta yalel spisil ora.

1 Corintios 1:5

Melel ta swenta Cristo la yac'beyex ac'ulejalinic spisil te bitic aye, soc la yac'beyexix ana'ic spisil te lequil c'ope soc spisil te p'ijilile.

Hechos 14:3

Ja'uc me to, ay bayal c'aal jalajic tey a. Ay yip yo'tanic yu'un te Cajwaltique, jich ju' yu'unic yalel te bit'il ayotic ta c'uxtayel ta jpisiltic yu'un te Cajwaltique. Ja' la yac' ta ilel te bit'il melel te bila la yalic ta swenta bit'il la yac'bey yu'elic ta spasel te jchajp at'eliletique soc te señailetique.

Hechos 9:27

Jich yu'un te Bernabé, la yic' tel te Sauloe, soc la stejc'an ta stojol te jpuc-c'opetique. La xcholbey yaiyic te bit'il la yil ta be te Cajwaltique, soc te bit'il c'oponot yu'une, soc te bit'il tulan la yalbey sc'oplal Jesús ta bay lum Damasco te Sauloe.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

2 Corintios 7:4

Mero jamal co'tan awu'unic soc toyol nax q'uinal ya caiy awu'unic. Bayal muc'uben q'uinal ya caiy awu'unic soc ay bayal sbujts' co'tan, manchuc teme bayal te uts'inele.

2 Corintios 1:11

soc ya me acoltayonic ta sc'oponel te Diose. Yu'un teme ay mach'a tsobol te ya sc'oponbotic Dios ta jtojoltique, ja' nix jich ay me tsobol mach'atic ya yalic wocol ta stojol Dios yu'un te bendición la yac'botique.

1 Corintios 2:7

Ja' ya caltic te sp'ijil sc'op Dios te ma'yuc ta na'el ta nameye, ja' te namey jich chapal sc'oplal yu'un te Dios te c'alal ma to pasbiluc a te balumilale, ta swenta cutsilaltic sbajt'el q'uinal.

Romanos 15:30

Quermanotac, ya calbeyex wocol ta swenta te Cajwaltic Jesucristo soc ta swenta te xc'uxul yo'tan yac'ojbotic te Espiritue: Coltayawonic ta sc'oponel te Diose,

Hechos 18:26

Ma ba xiw ta c'op ta bay te sinagogae. Te Priscila soc te Aquila la yaiyix stojol te bila la yale. Jich la yiq'uic bael ta q'uejel, soc la xcholbey xan yaiy ta jamal te bit'il ay te be yu'un te Diose.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Hechos 2:4

Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

Hechos 9:29

La stsal sbaic ta c'op soc te judioetic te ya xc'opojic ta griego-c'op, ja' swentail te c'an smilique.

Romanos 16:25

Ac'a calbeytic bayal wocol Dios te ya xju' ya stulantesbeyex awo'tanic ta swenta te lec yach'il c'op te yacon ta xcholel ta bayuque, ja' bi, ja' te p'ijubtesel yu'un te Jesucristoe. Ja' in to, la yaq'uix ta na'el stojol te Diose te bila muquen ay ta neelal te la xchap ta yo'tan te c'alal ma to ayuc a te ch'ulchan balumilale.

2 Corintios 6:11

Quermanotac corintoetic, jamal quejtic ta yalel ta atojolic te bila ay ta co'tantique, melel c'uxbajemex ta co'tantic.

Efesios 3:9

Jich yac'ojbon ta jwenta te Diose, te ja' la xchicnantes spisil te bitic aye, te ya cac'bey sna' stojol spisil ants-winiquetic te bit'il ay sc'oplal te bila xchapoj ta yo'tane, te muquen ay ta yo'tan ta namey q'uinal tele.