Efesios 6:13 - Bible in Tzeltal de Oxchuc y Tenejapa

¹³ Jich yu'un ya sc'an ya awich'ic spisil amajq'uilic yu'un te Diose, swenta yu'un jich me ya xju' awu'unic stsalel te bi c'aalil te ay awocolic yu'une. Jich ta patil te c'alal chapalexix ae, jich me ay yip awo'tanic ta lec.

Nuevo Testamento Tzeltal de Amatenango

¹³ Jaꞌ yuꞌun, ichꞌaik spisil te amajkilik te yakꞌojbeyex te Diose, yuꞌun jich me ya xjuꞌ awuꞌunik te ya akoltay aba te tut kꞌaalil te ma lekuke. sok jich ya xjuꞌ awuꞌunik te tulan ya atejkꞌan abaik, yuꞌun te chapalex ta leke.

Bible in Tzeltal Bachajón

¹³ Ha yu'un ich'ahic spisil te a'tejibaletic yu'un Dios, scuenta yu'un hich ya xcuhch awu'unic ta yorahil a te bin chopol, soc teme hu' awu'unic spisil, hich jun awo'tanic c'alal slajibal.

Efesios 6:13 Referans Kwoze

2 Corintios 10:4

Yu'un te cat'ejibtic ta guerra ma swentauc ch'ich'-baq'uet. Te cat'ejibtic te jo'otique, ja' te yip yu'el te Diose te ya xju' ya jwuytic a te tulan ts'ajq'ue.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Efesios 5:16

Na'aic me stuuntesel te jujun c'aale, te melel ay amen ya xc'ax te jujun c'aale.

San Lucas 8:13

Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

Efesios 5:6

Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

Apocalipsis 6:17

Yu'un c'otix sc'aalelal te yilimbae. ¿Mach'a c'an cujch'uc yu'un?”, xiic ta aw.

Amós 6:3

Te ja'exe ma x'ac'anic te ya sta yorail te bila amene; ja'uc me to, ja' ya amulanic te ya xmandalajic te j'uts'inwanejetique.

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Santiago 4:7

Jich yu'un, ac'a abaic ta sc'ab te Diose. Pasaic ta contro te pucuje, jich me ya yijq'uitayat jilel.

1 Pedro 4:1

Jich yu'un, te bit'il c'ax swocol ta sbaq'uetal ta jwentatic te Cristoe, ja' ya sc'an te jichuc co'tantic uuc te bit'il yo'tan stuquele. Yu'un te mach'a c'axix swocol ta sbaq'uetale, jich la stsalix te mulile.