Efesios 6:10 - Bible in Tzeltal de Oxchuc y Tenejapa

¹⁰ Lec ay, quermanotac, ich'aic me yip awo'tanic ta swenta te Cajwaltique. Yu'un ja' nax ta swenta yip yu'el te ya xju' cu'untique.

Nuevo Testamento Tzeltal de Amatenango

¹⁰ Y te ora to, kermanotak, tulan xꞌawakꞌ abaik te jun nax ayex sok te Kajwaltike ta skuenta te spuersa spodere.

Bible in Tzeltal Bachajón

¹⁰ Scuenta slajibal, ich'a me yip awo'tanic ta scuenta te Cajwaltic soc te yu'ele.

Efesios 6:10 Referans Kwoze

Filipenses 4:13

Spisil ya xju' cu'un ta swenta Cristo te ya yac'bon yip co'tane.

Isaías 40:31

Yan te mach'atic ya smuc'ulin yo'tanic te Cajwaltique, spisil me ora ya x'ach'ub yipic stuquelic. Jich me ya xju' xwilic c'oem te bit'il águila; ya xju' x'animajic, mero ma xlubic, soc ma xcom yo'tanic te ya xbeenique.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

1 Corintios 16:13

Wiq'uiluc me asitic spisil ora. Junuc me awo'tanic te ya awac' xch'uunjel te awo'tanique. Ayuc me stulanil awo'tanic soc yip awo'tanic.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

Colosenses 1:11

Soc ya jc'anbeytic te Diose te yacuc yac'beyex yip awo'tanic ta swenta te yutsil yu'ele, jich me ya xcujch' awu'unic soc ya sts'ijc' awu'unic spisil ta swenta yip awo'tanic.

Efesios 1:19

soc jich me ya xc'ot ta awo'tanic te bit'il ay yip yu'el ya x'at'ej ta c'axem to xan ta jtojoltic jo'otic te jch'uunejtique. Jich te bit'il at'ejem te yip yu'el ta jtojoltique,

Efesios 3:16

Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Isaías 40:28

¿Yu'un bal ma x'ana'? ¿Ma bal awaiyojuc stojol? Te Cajwaltique, ja' te Dios te sbajt'el q'uinal aye, ja' te la xchicnantes spamal te balumilale, ma'yuc bay ya xcom yo'tan soc ma xlub; te bitic sna'oje, bajt' nax ta jyalel.

2 Timoteo 2:1

Te ja'at Timoteo, te jnich'anat ta co'tane, ich'a me yip awo'tan ta swenta yutsil yo'tan te Jesucristoe.

2 Crónicas 15:7

Yan te ja'exe pasaic me tulan, soc ma me xapejc'an awo'tanic, melel te awat'elic ya me awich' atojolic yu'un —xi' te Azarías.

Hageo 2:4

Pero, ac'a puersa, Zorobabel. Ac'a puersa, Josué, te muc'ul sacerdoteat te awentainej te sacerdoteetique. Ac'aic puersa ta apisilic, ants-winiquetic te li' ayex ta lumq'uinale. At'ejanic me, jo'on me joinejex. Jo'on Ajwalilon te Spisil ya xju' cu'un ya cal ta jamal.

Salmos 138:3

Te c'alal la jc'oponat, la ajac'bon jc'op; soc la awac'bon esmajuc xan quip.

Filipenses 4:8

Quermanotac, slajibalix ya calbeyex in to: Ja' me xbajt' ta awo'tanic sna'ulayel spisil te bila melele, spisil te bila lec nax ta aiyel stojole, spisil te bila toj ta pasele, spisil te bila ma capaluc ta mulile, spisil te bila ay yutsile soc spisil te bila lec ac'oplal yu'une. Ja' me xbajt' ta awo'tanic sna'el spisil te bila leque soc spisil te bila t'ujbile.

Zacarías 8:13

Jich te ja'ex te yajwalex Judá soc te yajwalex Israel, te boloben ac'oplalic yu'unic te yantic nacionetic, yo'tic ya me jcoltayex; buen lec meix ac'oplalic yu'unic. Ma me xiwex; ac'aic me puersa —xi' te Cajwaltique.

1 Crónicas 28:10

Ma me xach'ay ta awo'tan te ja' stsaojat te Cajwaltic, te ja'at ya apasbey te ch'ul templo yu'une. Binuc nax me awo'tan te ya awac' ac'ab yu'un te at'ele —xi' te David.

1 Samuel 23:16

La sta yorail te bajt' ta ilel yu'un te Jonatán snich'an Saúl te David, te c'alal ay ta Hores. C'o yac'bey yip yo'tan ta swenta Dios,

Zacarías 8:9

Jich la yal xan te Cajwaltic te Spisil ya xju' yu'un: —Ac'aic puersa, ja'ex te ya awaiyic te c'opetic ya yalic te j'alwanejetic yu'un Dios ta ora in to, te ja' to nix jajch' yalic a te bi c'aalil la yich' aq'uel te sbabial yiptajib ta cha'pasel te templo cu'un, te Ajwalilon te Spisil ya xju' cu'une.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

2 Corintios 13:11

Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele.

1 Pedro 3:8

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.

Filipenses 3:1

Jich yu'un quermanotac, ta ora to ayuc me sbujts' awo'tanic ta swenta te Cajwaltique. Ma wocoluc ya caiy te ya jcha'ts'ibubeyex xan te bila calojbeyexe, swenta yu'un ya me xtuun awu'unic.

1 Pedro 4:11

Te mach'a ya sna' lec aiyeje, ja' me ac'a xchol te bila yaloj te Diose. Te mach'a ya sna' abatinele, ac'a me yac' sba ta abatinel soc yip sbaq'uetal te ya x'ac'bot yu'un te Diose. Jich yu'un spisil te bila ya spasique, ja'uc me lec sc'oplal ya xc'ot yu'un te Diose ta swenta te Jesucristoe te sbajt'el q'uinal ay yutsilal soc yu'el ya xmandalaj stuquel. Jichuc.

1 Juan 2:14

Ja'ex te me'il-tatilexe, jich la jts'ibubeyex in to, yu'un na'bilix sba awu'unic te Mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un ay yip awo'tanic soc jc'axel ay ta awo'tanic te sc'op Diose. Jich tsalbilix awu'unic te pucuje.