Efesios 6:1 - Bible in Tzeltal de Oxchuc y Tenejapa

¹ Alnich'anetic, ch'uunbeya smandal te ame'-atatic te bit'il ach'uunejic te Cajwaltique, te melel ja' stojil te jich ya apasique.

Nuevo Testamento Tzeltal de Amatenango

¹ Alnichꞌanetik, chꞌuunbeyaik me smantal te ameꞌ-atatike ta skuenta slekil yoꞌtan te Kajwaltike, porke jaꞌ lek te jich ya apasike.

Bible in Tzeltal Bachajón

¹ Al-nich'anetic, ch'uhumbeyahic smandar te ame'atatic ta scuenta te Cajwaltic, como ha stojil ta pasel ini.

Efesios 6:1 Referans Kwoze

Proverbios 23:22

Aiybeya awaiy sc'op te atat te la snich'antayate; ma me x'awilay te ame' te c'alal me'elix a.

Proverbios 6:20

Jnich'an, spisil me ora xaq'uej ta ajol te mandaliletic soc te p'ijubtesel yu'un te ame'-atate.

Proverbios 1:8

Jnich'an, aiybon me awaiy te p'ijubtesel cu'un te atatone, soc ma me xach'aybey te tojtesel yu'un te ame'e.

Deuteronomio 21:18

“Teme ay mach'a ay squerem-nich'an te jc'axintayej-c'op, soc mero tulan ya yac' sbae, te ma'yuc sc'oplal ta yo'tan te bila ya x'albot yu'un te sme'-state, manchuc me la yac'beyix castigo pero ma xch'uunbot sc'opic yu'un,

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

1 Timoteo 5:4

Ja'uc me to, teme ay me'ba ants te ay yalatac, o teme ay smamataque, ja' me neel ay ta swentaic te alnich'anetic te bit'il ya sc'an ya yich' wentainel yu'unic ta stojol Dios, swenta yu'un tey sujt'esbil yu'unic ya xc'ot sjelol swocol te me'il-tatile. Melel ja' lec ta pasel, soc ja' bin nax yo'tan Dios yu'un.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Proverbios 30:17

Te mach'a ya yilay stat soc te ya slaban sme' te me'elixe, ja' lec te yacuc xloq'uesbot sit yu'un joj, soc te ja'uc ya xti'bot sbaq'uetal yu'un te xuleme.

Romanos 7:12

Jich yu'un te mandalile, ch'ultesbil ta melel stuquel, toj ay soc buen lec stuquel.

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

Job 33:27

Jich me ya yal ta c'ayoj: “La jta jmul, la jpas te bila ma stojiluc, pero Dios ma ba la sc'an la yac'bon castigo yu'un stuquel;

1 Pedro 2:13

Ta swenta te Cajwaltic, ich'aic ta muc' te mach'a yich'oj yat'elic li' ta balumilal to, jich bit'il te muc' ajwalil te cajal yat'ele,

Oseas 14:9

Te mach'atic ay sp'ijilic soc te ya sna'ic stojole, ac'a me yaiyic stojol te bila ya cale: Te beetic yu'un te Cajwaltic toj ay stuquel. Te mach'atic toj yo'tanic, ja' me ya st'unic; yan te mach'atic amenic, ya me sc'ojch'in sbaic tey a.

Proverbios 30:11

Ay mach'atic ya sbolc'optay static, soc ma xyalbeyic lec sc'oplal te sme'ique.

Génesis 28:7

Soc la yil bit'il la xch'uunbey sc'op sme'-stat te Jacob.

Salmos 19:8

Te mandaliletic yu'un Cajwaltic toj ay stuquelic, melel ya yac'botic yutsil co'tantic. Te smandal Cajwaltic ma'yuc bila capal soc, ya xchicnaj yutsilal ta jsit-quelawtic.

Ester 2:20

Jich te bit'il albot yu'un te Mardoqueo te Ester, jich nix la spas a: Ma ba la yal te banti slumal soc te mach'a sme'-state. Jich la xch'uun spasel te bit'il albot yu'un te Mardoqueo, jich c'oem ta yo'tan te bit'il wentainbil to yu'une.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

Romanos 16:2

Ic'bonic me ta atojolic ta swenta sbiil te Cajwaltique, jich te bit'il ay ta pasel yu'unic te quermanotactic te ay xch'uunjel yo'tanique. Soc ya me acoltaybonic teme ay to sc'an te bila ya xtuun yu'une, yu'un ay tsobol te mach'atic la scoltayixe, soc la scoltayonix uuc te jo'one.

Salmos 119:75

Cajwal, ya jna' te mandaliletic awu'un te toj aye, soc te ay swentail c'alal ya awac' xwoclajone.

Génesis 37:13

Te Israel la yalbey te José: —Baemic ta jcanan-chij ta Siquem te abanquiltaque. Ya jticunat bael, baan ilawil —la yut. —Lec ay —xi' te José.

Jeremías 35:14

Te sts'umbal Jonadab snich'an Recab, c'oem ta pasel ta ch'uunel yu'unic te smandal la yac'bey te ma xyuch' vino, soc asta c'alal ora yo'tic ma ba ya yuch'ic, melel xch'uunejbeyic smandal te antiguo sme'-statique. Jo'on uuc cac'ojbeyex mandalil bayal buelta; ja'uc me to, ma ba ach'uunejic.

Nehemías 9:13

“Ta patil coat bael ta wits Sinaí. La ac'opon c'alal ta ch'ulchan. La awac'bey chajbanbil c'opetic te mero stojil aye, mero smelelil nopjibaletic, soc buen lec mandaliletic soc tojtesjibaletic.

1 Samuel 17:20

C'alal sacub, buen sab jajch' te David. La yac'bey jilel ta swenta yan winic te chijetic, bajt' stuquel, yich'oj bael te we'eliletic ac'bot yu'un te Isaí. C'alal c'ot ta scampamento te soldadoetic, yacal xchajbanbel sbaic, yacalic ta aw swenta yu'un ya xbajt'iquix ta guerra.

Salmos 119:128

Jich yu'un ja' jtojteswanej cu'un te mandaliletic awu'un; ya quilay spisil te lotil at'elile.

Rut 3:5

La sjac' te Rute: —Ya jpas spisil te bitic la awalbone —xi'.

Jeremías 35:8

Te jo'otic jch'uunejbeytic spisil smandal te Jonadab te antiguo jme'-jtatique, jich yu'un ma xcuch'tic vino te jo'otic, soc te quinamtic, soc te jnich'nabtique,

Jeremías 35:18

Te Jeremías la yalbey xan ta yan buelta te recabitaetique: —Te Cajwaltic te Spisil ya xju' yu'une, te Dios yu'un Israel, ya yal: “Ja' yu'un te bit'il ach'uunejbey mandaliletic yu'un te Jonadad te ja' antiguo ame'-atatique, soc la ana'iquix te p'ijubtesel yu'une, soc c'oemix ta pasel awu'un spisil te bila la yalbeyex ta mandale,

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

Génesis 50:12

Jich nix la spasic te snich'nab anima Israel te bit'il la spas jilel ta mandale.