Efesios 5:9 - Bible in Tzeltal de Oxchuc y Tenejapa

⁹ Melel te sit ya yac' te Espiritue ja' te yutsil co'tantique, soc te bila toje soc te bila melele.

Nuevo Testamento Tzeltal de Amatenango

⁹ Yuꞌun te sakil kꞌinale jaꞌ ya yakꞌ xlokꞌ spisil te ay slekil-oꞌtanile sok tut stojil aye sok te tut batsꞌi jiche.

Bible in Tzeltal Bachajón

⁹ (como te sit ya yac' te Espíritu, ha te lec-o'tanil, spasel bin toj, soc smelelil c'op)

Efesios 5:9 Referans Kwoze

3 Juan 1:11

Te ja'at te c'uxat ta co'tane, ma me xac'ain te bila amene. Ja' me xapas a te bila leque. Te mach'a ya spas te bila leque, ja' me yu'un Dios abi. Yan te mach'a ya spas te bila amene, yu'un nanix ma yilojuc a te Diose.

Romanos 15:14

Quermanotac, te jo'one jna'oj stojol te ay bayal yutsil awo'tanique, soc te ay bayal sp'ijil awo'tanique, soc te ya xju' awu'unic te talel c'axel ya ajechtac'uy abaique.

Efesios 6:14

Jich yu'un chapaluquex me ta lec: Chuca me ach'ujt'ic a te bila smelelile. C'u'inaic me te smajq'uil awo'tanique, ja' te toj-o'tanile.

1 Timoteo 6:11

Ja'uc me to, te ja'at te swinicat te Diose, xi'a me spisil te bila la calixe. Ja' me xbajt' ta awo'tan te toj ya x'ainate soc te jun awo'tan ta stojol te Diose, soc te ayuc lec xch'uunjel awo'tan soc xc'uxul awo'tan soc yip awo'tan, soc te peq'ueluc ya awac' aba spisil ora.

Filipenses 1:11

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

Hebreos 11:33

Ta swenta xch'uunjel yo'tanic ju' yu'unic stsalel bayal ta jchajp lum, soc lec ju' yu'unic chajbanwanej, soc ju' yu'unic yich'el te bila yaloj Dios te ya x'ac'botic yu'une, soc ju' yu'unic smaquel yeic te león-chojetique,

Efesios 4:15

Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

San Juan 1:47

Te Jesús la yil te Natanael te yac ta talel ta stojole. Jich la yal: —Ja' mero israel-winic in to, te ma'yuc lo'laywanej ta yo'tane —xi' sc'oplal yu'un.

San Mateo 3:8

Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.

Colosenses 3:18

Antsetic te nujbinemexe, ich'aic ta muc' te amamlalique, jich te bit'il ya sc'an te Cajwaltique.