Efesios 5:8 - Bible in Tzeltal de Oxchuc y Tenejapa

⁸ Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

Nuevo Testamento Tzeltal de Amatenango

⁸ Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

Bible in Tzeltal Bachajón

⁸ Como ta nahil to ha'ex yihc'al q'uinalex, pero ta ora ini ha'ex sacal q'uinalex ta scuenta Cajwaltic; hich me ac'a ayinuquex te bin ut'il yal-snich'nab te sacal q'uinale,

Efesios 5:8 Referans Kwoze

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

San Juan 12:46

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

Efesios 4:18

Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

San Juan 12:36

Te bit'il ayex to ta bay te saquil q'uinal, ch'uunaic me, swenta yu'un ja' yal-snich'an ya xc'oex te saquil q'uinale —xi' te Jesuse. C'alal laj yo'tan ta yalel in to te Jesuse, ba snac' sba ta q'uejel.

Isaías 9:2

Te lum te ay ta beel ta ijc' q'uinal a, la yilix muc'ul saquil q'uinal; xojobajix luz ta stojol te mach'atic ayic ta ijc' q'uinale.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

San Lucas 16:8

“C'alal la yaiy stojol te yajwal te bila la spas te mayordomo te ma lecuc te yo'tane, la yal: “Mero yan sba te winique. Ay sp'ijil”, xi' yu'un. “Melel te mach'atic ayic ta swenta in balumilal to, c'ax jich ay sp'ijilic te ya sna'ic wenta stuquelic te bit'il ay sp'ijilic te mach'atic ayic ta swenta te saquil q'uinale.

Isaías 2:5

Ya xbootic, lum yu'un Jacob, beenucotic ta saquil q'uinal yu'un te Cajwaltique.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

San Lucas 1:79

swenta yu'un ya me yac' sacubuc q'uinal ta stojol te mach'atic ayic ta sc'ubulil te ijc' q'uinale soc ta bay yaxinal te lajele, soc ya me stojtesotic bael ta sbelal te lamal q'uinale —xi' te Zacariase.

2 Corintios 6:14

Ma me junuc yugo ya xc'oex soc te mach'atic ma ba xch'uunejic te cuxul Diose. ¿Ya bal snujp'in sba soc toj-o'tanil te bila ma stojiluque? ¿Ya bal sjoin sba soc saquil q'uinal te ijc' q'uinale?

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Romanos 2:19

Soc jich ay ta awo'tan te ya xju' awu'un stojobtesel te ma'site, soc te ya awac' sacubuc q'uinal ta stojolic te mach'atic ayic ta ijc' q'uinale.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Mateo 4:16

te ants-winiquetic te ayic ta ijc' q'uinale, tilemix muc'ul luz ta stojolic. Sacubenix q'uinal ta stojol te mach'atic ayic ta yaxinal te lajele”, te xie.

Isaías 49:9

Swenta yu'un ya yich' albeyel te mach'atic ayic ta chuquele: “Loc'anic ta libre”, xi' me sc'oplalic; soc ya yich' albeyel te mach'atic ayic ta ijc' q'uinale: “Loc'anic ta saquil q'uinal”, ya x'utot. Ta xch'ixil bael te beetic, ya me sta aquiltic tey a, soc ta bayuc ay te witstiquil te t'axale, ay me swe'el xchamsbalamic tey a.

Gálatas 5:25

Jich yu'un teme cuxulotiquix ta swenta te Espiritue, ja' yacotiquix ta beel soc spisil ora te Espiritue.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Hechos 17:30

Te Diose, ma'yuc bila la yal yu'un te jich yipal c'aal ayiquix tel te ants-winiquetic te bit'il ma la sna'ic stojole. Yan ta ora to, ya spasix ta mandal spisil ants-winiquetic ta bayuc te ya sujt'es yo'tanique.

Salmos 74:20

Ma me xach'ay ta awo'tan te bila trato apasoj; melel te q'uinal nojel ta ixta-o'tanetic c'alal mero slajibal sti'il.

Isaías 50:10

Ja'ex te ya awich'ic ta muc' te Cajwaltique soc te ya awaiybeyic stojol sc'op te yabate, teme ya xbeenex ta ijc' q'uinale, teme ma'yuc bay sacuben te q'uinale, ac'a smuc'ul awo'tan ta stojol te Cajwaltique; ipajanic me ta stojol te Dios awu'unique.

San Mateo 3:8

Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Colosenses 1:12

Soc sbujts' awo'tanic ya me awalbeyic wocol ta stojol te Jtatic Diose. Ja' la xchapanotic swenta yu'un ya quich'tic te bila ya yac'botic te jayebotic te ch'ul lumotic yu'un Dios te ayotic ta bay te saquil q'uinale.