Efesios 5:6 - Bible in Tzeltal de Oxchuc y Tenejapa

⁶ Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

Nuevo Testamento Tzeltal de Amatenango

⁶ Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Bible in Tzeltal Bachajón

⁶ Ma me ayuc mach'a yac awac' slo'loyex ta tojol-c'opetic, como ta scuenta spasel ini ya xtal te yilimba Dios ta stojol te mach'atic jc'axun-c'opetic.

Efesios 5:6 Referans Kwoze

Romanos 1:18

Melel te yilimba te Diose ya xchicnaj tel c'alal ta ch'ulchan ta stojolic te ants-winiquetic te ma xyich'ic ta muc' te Diose soc te ma stojiluc te bila ya spasique, soc te smacojic a te smelelil c'ope.

San Mateo 24:4

La yal te Jesuse: —Tsajtaya abaic, ma me mach'a ya slo'layex,

Colosenses 2:8

Tsajtaya me abaic jiche, ma me xawac' slo'layex ta swenta sp'ijil sc'op nax ants-winiquetic soc te bila tojol c'op aiyejetic naxe. Ja' nax yich'ojic ta muc' te costumbre yu'un te ants-winiquetique soc te bila jowil nax snopojic ta balumilale, te ma ja'uc ta swenta te Cristoe.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

Colosenses 3:6

Ja' ta swenta in muliletic to te ya x'ac'bot yich'ic tulan castigo yu'un Dios te mach'atic te jch'ay-mandale.

San Marcos 13:5

La yal te Jesuse: —Tsajtaya me abaic, ma me mach'a ya slo'layex.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

1 Pedro 2:8

Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

2 Tesalonicenses 2:3

Ma me ayuc mach'a ya awac' abaic ta lo'layel yu'un. Ma to xcha'tal te Cajwaltique. Ja' neel ya xc'ot ta pasel te ay tsobol ya xch'ay ta jc'axel te xch'uunjel yo'tanique, soc ya xchicnaj uuc te mach'a mero jmulawil winique te yu'un te ch'ayele.

Colosenses 2:4

Spisil in to ya calbeyex awaiyic swenta yu'un ma me ayuc mach'a ya slo'layex ta swenta nax sp'ijil sc'op.

San Marcos 13:22

Melel ay ya xchicnaj lotil cristoetic soc lotil j'alwanejetic. Ya me spasic señailetic soc jchajp at'eliletic. Ya me slo'layic uuc te mach'atic tsabilic yu'un te Diose te yacuc xju' yu'unique.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

Salmos 78:31

yal coel ta sbaic te yilimba Dios. La yac' lajuc te tulan winiquetique; la yac' lajuc te lequil winiquetic ta Israel.

Hebreos 3:19

Tey chican ya quiltic ta jamal a te ma ju' yu'unic te ochic bael tey a scaj te ma la xch'uunique.

Miqueas 3:5

Te lum cu'un jowejem ta be; ja' smul te j'alwanejetic te la slo'layique. Ya yalbeyic sc'oplal lamal q'uinal ta stojol te mach'atic ya x'ac'bot swe'elic yu'une; yan te mach'atic ma'yuc bi ya xnojesbot yeic yu'une, ya yalbeyic sc'oplal guerra. Te Cajwaltic ya yalbey te j'alwanejetic:

Jeremías 29:31

—Ticunbeya ta alel spisil te mach'atic ic'otiquix bael ta mosoil ta Babilonia, te jo'on Ajwalilon ya calbey: “Te Semaías te talem ta Nehelam te la stabon ta alel jbiil, te ma'yuc bay jticunej ni jtebuque, ta yolq'uinal nax la yac'beyex smuc'ul awo'tanic te ja'exe.

2 Reyes 18:20

¿Yu'un bal ya acuy te ya xju' yu'un tsalaw te t'ujbil c'opetique? ¿Yu'un bal ma ba ana'ojic te ja' ya yaiyic tsalaw a te yip te soldadoetic te ya sna'ic guerra ta leque? ¿Mach'a smuc'ulinej awo'tan ta ac'op te la atoy aba ta jtojole?

Jeremías 27:9

“Ja'uc me to, ma me x'awich'beyic ta muc' sc'op te j'alwanejetic awu'unic, soc te mach'atic ya sna'ic syoljoltayel, soc te ya yalic te swaichique, soc te mach'atic ya sna'ic yalel te bila ya xc'ot ta patile, soc te mach'atic ya sna'ic pic-c'abale, te jich ya stac'uyex te ma xawac' abaic ta sc'ab te muc' ajwalil yu'un Babilonia.

Jeremías 37:9

Jo'on Ajwalilon, ya me cac'beyex ana'ic, te ma me xawac' abaic ta lo'layel yu'un. Ma me yu'unuc jc'axel la sq'uej sbaic bael te caldeoetique, ya me xtalic xan.

Hebreos 13:9

Ma me xawac' abaic ta lo'layel ta yaiyel stojol yantic nopjibaletic te ma ja'uc yaloj te Diose. Ja' lec te ja'uc ya yich' stulanil awo'tanic yu'un te bit'il ay yutsil yo'tan ta atojolic te Diose. Ma ta swentauc we'lil te lec ya xc'oex yu'une. Melel ma'yuc bi la staic a te mach'atic la xch'uunic spasele.