Efesios 5:5 - Bible in Tzeltal de Oxchuc y Tenejapa

⁵ Melel ana'ojic stojol te bit'il ya xc'ot te mach'a ya xyal ta mulile, soc spisil ta jchajp chijil-o'tanil soc te bic'tal-o'tanil yu'un taq'uin te ja' pajal soc te xch'uunel loc'ombaetique. Ma xju' te ya xc'o ainuquic tey a ta banti ay ta ajwalinel te Cristoe soc te Diose.

Nuevo Testamento Tzeltal de Amatenango

⁵ Yuꞌun anaꞌojikix te machꞌa ya spas te antsiwejele o ya spas te tutik skuenta balmilale, o te tut ya skꞌupin-oꞌtanile, te jaꞌ pajal sok te xchꞌuunel te lotil diosetike, ma xjuꞌ ya xkꞌot te ba ay ta ajwalil te Cristoe y sok te Diose.

Bible in Tzeltal Bachajón

⁵ Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Efesios 5:5 Referans Kwoze

Gálatas 5:21

jbic'tal-o'tanetic, jmilawaletic, jyacubeletic, jpas-q'uinetic, soc ay to xan yan te pajal soc te bila ya spasique. Ya jtac'uyex jich bit'il te la calbeyex ta neelale: Te mach'atic jich yat'elique, ma ba ya xc'o ainuquic tey a ta banti ay ta ajwalinel te Diose.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Colosenses 3:5

Jich yu'un, ac'aic ta lajel spisil te bitic ya ana'ic spasel ta swenta nax in balumilal to: Ja' te yalel ta mulile, te chijil-o'tanile, te sbic'tal asit ta mulanwaneje, soc spisil te bic'tal-o'tanile, soc teme yu'uninejbeyex awo'tanic te c'ulejalile te ja' pajal soc te xch'uunel loc'ombaetique.

Efesios 5:3

Te bit'il ch'ul lumex yu'un te Diose, ma snujp'in te ya awaanic te mulweje soc spisil ta jchajp te chijil-o'tanile soc te bic'tal-o'tanil yu'un te taq'uine.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Gálatas 5:19

Jamal chican ta ilel te yat'el te ch'ich'-baq'uete, ja'ic in to: mulwej, yalel ta mulil, te bila ilaybil sbae, xchijilil baq'uet,

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

1 Timoteo 6:10

Melel te bic'tal-o'tanil yu'un te taq'uine, ja' mero yisim yu'un spisil ta jchajp te bila amene. Ay mach'atic te scaj sbic'tal yo'tanic yu'un taq'uin te ch'ayix xch'uunjel yo'tanic yu'une. Jich la staiquix bayal swocolic ta c'axem to xan yu'un.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Éxodo 20:17

“Ma me xbic'taj awo'tan yu'un sna te apat-axujq'ue: Ma me xbic'taj awo'tan yu'un yinam, yabat, scriada, swacax, sburro soc te bitic ay yu'une —xi' te Diose.

Josué 7:21

Ta yolil te biluquetic la jtatic ta Jericó, la quil t'ujbil c'u'il talem ta Babilonia, soc ay lajunwinic (200) ta sejp plata, soc ay jpejch' oro te c'axem ta olil kilo yalal. Ja' la jmulan ta lec te biluquetique, jich yu'un la quich' jilel. Tey mucajtic cu'un ta jnailpac', te taq'uine ay ta yet'al —xi'.

Hechos 8:21

Te ja'ate xujt' ma'yuc ta awenta spasel in to, melel ma tojuc awo'tan ta stojol te Diose.

Hechos 20:32

“Ta ora to, quermanotac, ya caq'uex jilel ta canantayel yu'un te Diose soc te sc'op Dios te ayotic ta c'uxtayel yu'une. Ja' ay yip yu'el te ya xmuc'ubex yu'un ta swenta te Diose, soc ya me yac'beyex spisil bendición te yaloj te ya yac'bey te mach'atic ch'ultesbilique.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.