Efesios 5:4 - Bible in Tzeltal de Oxchuc y Tenejapa

⁴ Ma me xawalic bol c'op, soc te jowil c'ope, soc te bila ma ich'biluc swentail ta alele. Ja' lec bajt'uc me ta awo'tanic yalel wocol ta stojol te Diose.

Nuevo Testamento Tzeltal de Amatenango

⁴ Sok ma xꞌawalikix te bol kꞌopetike sok te tut puru lote te ma xtuune. Mas jaꞌ lek albeyaik kola yal te Diose.

Bible in Tzeltal Bachajón

⁴ Soc ma me xawalic c'opetic te ma stojiluc, o loca-c'op, lomlom-c'op, te ma hichuc ya sc'an halel, ha lec yac awo'tantayic yalbeyel wocol te Diose.

Efesios 5:4 Referans Kwoze

Colosenses 3:8

Yan ta ora to ijq'uitayaic spisil in to: Ja' te ilimbae, te c'ajc'ubele, te bila amene, te toybac'optaywaneje, soc te bol utaw te ya xloc' ta awee.

Efesios 4:29

Ma me xawalic bol c'op ta aweic. Ja' nax me xloc' ta aweic te lequil c'ope, swenta yu'un ya xmuc'ubic a soc ya staic bendición a te mach'atic ya yaiybeyex stojol te ac'ope.

1 Tesalonicenses 5:18

Albeyaic wocol Dios yu'un te bila ya xc'ot ta awentaique, melel ja' sc'anjel yo'tan Dios ta atojolic ta swenta te Cristo Jesuse.

Proverbios 15:2

Te mach'atic ay sp'ijil yo'tanic, ya xloc' tel p'ijil c'op ta yeic; yan te mach'atic ma sna'ic q'uinale, ja' ya yal stuquelic te bol c'ope.

Eclesiastés 10:13

Melel puro amen c'opetic ya xjajch' ta yalel; soc ja' slajibal sc'op ya xc'ot te bitic mero amen nax sbae.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

Hebreos 13:15

Jich yu'un ya sc'an te spisil ora ya calbeytic yutsilal Dios ta swenta te Jesucristoe. Ja' milbil smajt'an Dios cu'untic te ya caltic ta jti'tic te yutsil sbiile.

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

Judas 1:10

Yan in winiquetic to, ya yixta-c'optayic te bitic ma sna'beyic sbae. In te bitic ya sna'beyic sbae, tey ya sboltes sbaic a, jich bit'il chambalametic te ma sna'ic q'uinale.

2 Corintios 9:15

¡Wocol yalbotic te Diose, melel yac'ojbotic buen muc' jmajt'antic te ma jna'tic xcholel te bit'il aye!

San Marcos 7:22

te bic'tal-o'tanile, te uts'inwaneje, te lo'laywaneje, soc te bila amen ta pasel te mulanbil sbae, te jex-o'tanil, soc ayantaywanej, soc toybail, soc bol-o'tanil.

Salmos 92:1

Cajwal, te mero Toyolat, lec ya caiy te ya x'albotat awutsilal, soc te ya yich' c'ajintayel c'ayoj ta swenta awich'el ta muq'ue.

Judas 1:13

Pajalic soc sbul mar te bayal sbolilal te q'uexlaltic sba te bila ya spasique. Pajalic soc eq'uetic te jowejemic ta beele te chapal sc'oplalic te ya xba ainuquic sbajt'el q'uinal ta bay mero ijc' nax te q'uinale.

2 Corintios 1:11

soc ya me acoltayonic ta sc'oponel te Diose. Yu'un teme ay mach'a tsobol te ya sc'oponbotic Dios ta jtojoltique, ja' nix jich ay me tsobol mach'atic ya yalic wocol ta stojol Dios yu'un te bendición la yac'botique.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Proverbios 12:23

Te mach'a ay sp'ijil yo'tane, ma xyac' sba ta ich'el ta muc' yu'un te bila ya sna'e; yan te mach'a ma sna' q'uinale, bin nax yo'tan yu'un te sbolile.

2 Pedro 2:7

Ja'uc me to, Dios la scoltay loq'uel te Lote te toj ta winiquile. Bayal la smel yo'tan yu'un te bit'il la yil te amen te bila la spasic te mach'atic ixta yo'tanique.

Salmos 33:1

Awunanic soc sbujts' awo'tanic ta stojol Cajwaltic, ja'ex te lec awo'tanique; t'ujbil sc'opic mach'atic te lec yo'tanique, t'ujbil yutsil ya yalbey sc'oplal Cajwaltic.

Filemón 1:8

Jich yu'un ay bi ya jc'an te ya calbat wocol yu'un te ya apasbone. Ta swenta Cristo ya xju' ya calbat mandal te bila ya sc'an ya apase,

1 Tesalonicenses 3:9

¿Bit'il ya sc'an ya caltic wocol ta stojol Dios yu'un te bit'il c'axem to xan bujts'najem co'tantic awu'unic ta stojol te Diose?

Efesios 1:16

Ja' swentail te spisil ora ya me calbey wocol Dios ta awentaic, soc ya me jna'ex a te c'alal ya jc'opon te Diose.

San Juan 6:23

Jich ora tal yantic barcoetic te talic ta lum Tiberias. Julic ta loq'uel ta bay nopol la swe'ic waj te la yalbey wocol Dios yu'un te Cajwaltique.

Daniel 6:10

Te c'alal la yaiy te Daniel te la yac' sfirma, bajt' ta sna. La sjam te ventanaetic te banti ya xwaye, te ayic ta stojol bael Jerusalén. La squejan sba ta sc'oponel Dios soc ta yalel yutsilal. Jich la spas oxeb buelta ta jujun c'aal, jich nix te bit'il la spas spisil ora.

Proverbios 26:19

jich c'oem te mach'a ya slo'lay te spat-xujc', soc te ya yalbey te tajimal nax aye.