Efesios 5:23 - Bible in Tzeltal de Oxchuc y Tenejapa

²³ Melel ja' sjolinejic te smamlalique; jich bit'il te Cristoe, ja' jolol yu'un te jch'uunjeletique, te ja' sbaq'uetal, soc ja' Jcoltaywanej yu'unic.

Nuevo Testamento Tzeltal de Amatenango

²³ Porke te mamlalile jaꞌ jolol yuꞌun te yiname jich tutꞌil te Cristo jaꞌ jolol yuꞌun te juju-tijkꞌ hermanoetike. Te Cristoe jaꞌ jkoltawanej yuꞌun te juju-tijkꞌ hermanoetike, te jaꞌ stiꞌbalul kꞌoeme.

Bible in Tzeltal Bachajón

²³ como ha jolal yu'un ants te smamalal, hich te bin ut'il te Cristo ha jolal yu'un te iglesia, te ha sbaq'uetal soc ha Jcoltaywanej yu'un.

Efesios 5:23 Referans Kwoze

Colosenses 1:18

Te Cristoe ja' jolol yu'un te jch'uunjeletique te ja' sbaq'uetal c'oeme. Ja' xjajch'ibal ay stuquel. Ja' sbabial te cha'cux tel ta bay te animaetique, swenta yu'un jich me c'ax jich ich'bil ta muc' ya xc'ot yu'un spisil te bitic aye.

Efesios 4:15

Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

1 Corintios 6:13

Jich nix ay xan ta alel: “Te we'elile, ja' ta swenta te jch'ujt'ique; in te jch'ujt'ique, ja' swenta te we'elile”, xi'. Ja'uc me to, ya me slajinbey sc'oplal ta xchebal te Diose. Yan te jbaq'uetaltique ma swentauc yalel ta mulil; melel te jbaq'uetaltique, ja' yu'un te Cajwaltique.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Efesios 5:24

Jich bit'il te jch'uunjeletique, ya xch'uunbey smandal te Cristoe, ja' nix jich uuc te antsetic te nujbineme, ac'a me xch'uunbeyic spisil smandal te smamlalique.

Apocalipsis 19:7

Ac'a me bujts'najuc co'tantic yu'un soc yacuc me ta tse'ej te co'tantique, soc ac'a calbeytic yutsilal te Diose, melel c'otix yorail te nujbinel yu'un te Alalchije. Xchajbanejix sba te yiname.