Efesios 5:21 - Bible in Tzeltal de Oxchuc y Tenejapa

²¹ Jech ich'a abaic ta muc' ta swenta bit'il awich'ojic ta muc' ta melel te Cristoe.

Nuevo Testamento Tzeltal de Amatenango

²¹ Chꞌuunbeya aba amantalik ta juju-tul te tutꞌil axiꞌojik te Diose.

Bible in Tzeltal Bachajón

²¹ Talel c'axel me xawich' abahic ta cuenta, ta scuenta yich'el ta muc' te Cristo.

Efesios 5:21 Referans Kwoze

Filipenses 2:3

Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

Efesios 5:24

Jich bit'il te jch'uunjeletique, ya xch'uunbey smandal te Cristoe, ja' nix jich uuc te antsetic te nujbineme, ac'a me xch'uunbeyic spisil smandal te smamlalique.

Efesios 5:22

Te antsetic te nujbinemique, ac'a me yich' ta muc' te smamlalique, jich bit'il ya sc'an te Cajwaltique.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Hebreos 13:17

Ch'uunbeyaic smandal te mach'atic yacalic ta at'el ta atojolique, soc ich'aic ta muc'. Melel ja'ic te ya scanantaybeyex ach'ulelique, soc quechelic ta yalel ta stojol Dios te yat'elique. Ac'beya me sbujts' yo'tanic ta at'el, ma me xawac'bey smel yo'tanic, melel teme ya awac'bey smel yo'tanique, amen ya xc'oex yu'un.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

1 Timoteo 3:4

Ya sc'an te lec ya xmandalaj ta sna, soc te ya sna' spasel ta mandal te snich'nabique te jich ya x'ich'ot ta muc' yu'un te ya xch'uunbot smandal yu'unique.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

1 Timoteo 2:11

Te antsetique ac'a slaman sbaic ta yaiyel stojol te p'ijubtesele, soc ac'a xch'uunic mandal.

1 Corintios 16:16

Ya calbeyex wocol te yacuc awich'ic ta muc' te mach'atic pajal yo'tanic soque, soc spisil mach'atic ya xcoltaywanic, soc te ya yac' sbaic ta abatinele.

Proverbios 24:21

Jnich'an, ich'a ta muc' te Diose, soc ich'a ta muc' te muc' ajwalile; ma me xat'un te scontrotaque.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

2 Crónicas 19:7

Ja' yu'un, ich'aic ta muc' te Cajwaltic, soc tsajtaya me abaic yu'un te bila ya apasique, melel te Cajwaltic Dios cu'untic ma me smulan te bay ma lequil chajbaneluque, soc te bay tsabil nax awu'une, soc teme ya awaiy chajbanwanej ta swenta taq'uin —xi' te Josafat.

1 Pedro 2:13

Ta swenta te Cajwaltic, ich'aic ta muc' te mach'a yich'oj yat'elic li' ta balumilal to, jich bit'il te muc' ajwalil te cajal yat'ele,

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Nehemías 5:9

Ja' yu'un jich la cal xan: —Te bila yacalex ta spasele, ma ba lec. Ya sc'an ya awaq'uic ta ilel te awich'ojic ta muc' te Dios cu'untique. Jich ma ba ya slabanotic a te mach'atic ma ja'uc xch'uunejic te cuxul Diose, te ja'ic te scontroinejotic stuquelique.

1 Crónicas 29:24

Spisil te jtsobwanejetic soc te soldadoetic, soc ta spisil te snich'nab te muc' ajwalil David, la xch'uunbeyic smandal te muc' ajwalil Salomón.

Génesis 16:9

Albot yu'un te ch'ul abat yu'un te Cajwaltique: —Sujt'an bael ta stojol awajwal, ch'uuna mandal ta stojol —la yut.

2 Corintios 5:11

Jna'ojtic stojol te bit'il xi'bantic sba te Cajwaltique, jich ya cat'elintic te ya cac'beytic c'otuc ta yo'tanic te ants-winiquetique. Ja'uc me to, Dios ya sna'botic ta lec te bi yilel te co'tantique, soc te ja'exe ya cal te ya ana'botic uuc te bi yilel te co'tantique.