Efesios 5:19 - Bible in Tzeltal de Oxchuc y Tenejapa

¹⁹ Ja' lec tsoba abaic ta yalel salmoetic, soc c'ayojetic ta swenta yich'el ta muc' te Diose, soc c'ayojetic ta swenta Espíritu. C'ajintayaic soc albeyaic yutsilal soc spisil awo'tanic te Cajwaltique.

Nuevo Testamento Tzeltal de Amatenango

¹⁹ Alaik ta juju-tul salmoetik sok kꞌayojetik sok yanetik kꞌayoj ta skuenta Espíritu. Kꞌayojinaik y albeyaik slekilal ta spꞌejel awoꞌtanik te Kajwaltike.

Bible in Tzeltal Bachajón

¹⁹ Talel c'axel xac'opon abahic ta salmohetic, c'ayojetic yu'un Dios, soc ch'ul c'ayojetic; c'ayojtayahic soc halbeyahic yutsilal te Cajwaltic ta awo'tanic,

Efesios 5:19 Referans Kwoze

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

1 Corintios 14:26

Jich yu'un, quermanotac, ya calbeyex ta slajibal aiyej te bila lec ya sc'an ya apasique: Te bi ora ya atsob abaique, lec teme ay bila ya awalic juju-jtulexe. Te jtule ayuc c'ayoj yu'un Dios ya yal, te yane ay bila ya yac' ta nopel, te yane ya me yal te bila ac'bot sna' yu'un te Diose, te yane ya me xc'opoj ta yantic c'opiletic, te yane ya me sc'ases te bila la yich'ix alel ta yantic c'opiletique. Ta spisil in to, swenta yu'un ya me sta xan yip yo'tanic ta stojol Dios a te jch'uunjeletique.

Salmos 95:2

Ochucotic bael ta stojol ta yalel wocol, soc ac'a jc'ajintaytic c'ayojetic ta yich'el ta muc'.

Hechos 16:25

Ja'uc me to, ta olil ajc'ubal te Pablo soc te Silase yacalic ta sc'oponel te Diose soc ta sc'ajintayel, soc yacalic ta yaiyel stojol te yantic jchuqueletique.

Salmos 147:7

Albeya wocol ta c'ayoj te Cajwaltique; te Dios cu'untic c'ajintayaic soc arpa.

Santiago 5:13

Teme ay mach'a ay swocole, ja' me ac'a sc'opon te Diose. Soc teme ay mach'a ay sbujts' yo'tane, ja' me ac'a sc'ajintay te Diose.

Salmos 62:8

Jlumal, ja' ac'a smuc'ulin awo'tanic spisil ora stuquel; albeyaic wocol ta stojol ta mero spisil awo'tanic. Ja' anjibal stuquel te Dios cu'untique.

Isaías 65:14

bin nax yo'tanic ya xc'ajinic ta swenta yutsil yo'tanic, yan te ja'ex ya x'awunex soc ya x'oq'uex ta swenta mel-o'tan soc woclajel.

Salmos 86:12

Cajwal, Dios cu'un, ya me calbat yutsil ac'oplal ta spisil co'tan; soc ya me jtoyesbat yutsilal ac'oplal ta spisil ora.

San Mateo 26:30

Te c'alal laj yo'tanic ta sc'ajintayel te salmoe, bajt'ic ta Wits Olivailtic.

San Mateo 15:8

“Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

1 Corintios 14:15

Jich yu'un, ¿bila ya sc'an ya jpas jiche? Ja' ya sc'an te ya jc'opon Dios soc te jch'ulele soc uuc te sp'ijil co'tane. Soc ya xc'ajinon soc te jch'ulele soc uuc te co'tane.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.