Efesios 5:18 - Bible in Tzeltal de Oxchuc y Tenejapa

¹⁸ Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Nuevo Testamento Tzeltal de Amatenango

¹⁸ Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

Bible in Tzeltal Bachajón

¹⁸ Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

Efesios 5:18 Referans Kwoze

Proverbios 20:1

Te vino yu'un yac'ubel, ya yac' jajch'uc c'op, te tulan uch'balil, ya yac' jajch'uc majtomba; te mach'a ya xbolob yu'une, ma'yuc sp'ijil yu'un te bila ya spase.

Romanos 13:13

Toj me ac'a beenucotic te bit'il ayotic ta c'aaleltique. Ma me ja'uc nax ya xbajt' ta awo'tanic we'el, yacubel, chijil-o'tanil, antsiwej, jach-c'op soc jex-o'tantaywanej.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

Isaías 5:22

¡Ya me awil awocolic, ja'ex te ya stsalwanex ta yuch'el vino, soc te ma'yuc mach'a ya spajat ta xchajbanel te tragoe!

1 Corintios 5:11

Te bit'il jich la jts'ibubeyexe, ja' la calbeyex te ma me xajoin abaic soc te mach'atic quermanotic ta sc'opic te yalemic ta mulile, te jbic'tal-o'tanetic, soc te xch'uunejic to te loc'ombaetique, te j'ixta-c'opetique, te jyacubeletique, soc te j'eleq'uetique. Ja'ic in to, ma me xajoin abaic ta we'el soc.

Hechos 11:24

Melel te Bernabé lec nax yo'tan soc nojel ta yo'tan te Ch'ul Espiritue soc ay bayal xch'uunjel yo'tan ta stojol te Cajwaltique. Jich ay tsobol mach'a la xch'uunic Cajwaltic ta swenta.

1 Tesalonicenses 5:7

Yu'un te mach'a ya xwaye, ajc'ubal ya xway, soc te mach'a ya xyacube, ajc'ubal ya xyacub.

San Lucas 12:45

Yan teme ya xcaj yal ta yo'tane: “Te Cajwal ma xtal ta ora”, teme xie, soc teme ya xjajch' yuts'in te abatetic soc te criadaetique, soc teme ya xjajch' ta we'el-uch'ajel soc ta yacubel,

San Lucas 11:13

Melel te ja'exe, manchuc teme amen te awo'tanique, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey te Ch'ul Espíritu te mach'a ya sc'anbeye —xi' te Jesuse.

Tito 1:6

Te mach'a ya xju' ya yich' yat'el ta ancianoile, ja' me te mach'a ma'yuc bi quechel ta swentae, soc te jtul nax ants nujbinem ta q'uinal soque, soc te xch'uunejic Dios uuc te snich'nabe, soc te ma'yuc banti jchijil-joletic soc jch'ay-mandaletic xi' sc'oplal te snich'nabe.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Isaías 55:1

Te Cajwaltic ya yal: —Ja'ex te taquin awo'tanique, la'ic, la' uch'aic ja'; ja'ex te ma'yuc ataq'uinique, la'ic, leaic trigo ta majt'anil, soc we'anic; leaic vino soc leche, ni ma'yuc ta tojel.

Deuteronomio 21:20

Jich me ya xc'o yalic: “Te cal-jnich'ane ma xch'uun c'op, mero tulan ya yac' sba. Jc'axel ma xch'uun c'op, mero amen yo'tan, soc mero bayal ya xyacub”, xiic me.

1 Corintios 11:21

Melel te c'alal ya xwe'exe, juju-jtul ya xneelaj ta stuuntesel te swe'elique. Jich ay ta wi'nal ya xjil te yane, soc ay ta yacubel ya xc'ot te yane.

Cantares 1:4

Ic'awon bael ta ora, ic'awon bael ta ana. Muc' ajwalil, ic'awon bael ta banti nainemat. Bin nax me co'tantic ya x'ainotic ta atojol; ya me jna'tic spisil ora te bujts'iyel awu'une, c'ax me jich sbujts' a te bit'il vino. Ja' yu'un ya smulanat te antsetique.

Génesis 9:21

Ta patil la yuch' te vino. Yacub yu'un, t'uxaj ta lum soc la st'anan sba ta yutil snailpac'.

San Mateo 23:25

¡Ya me awil awocolic jts'ibojometic, fariseoetic te cha'lam awo'tanique! Melel te ja'exe, ja' nax ya asapbeyic spat te vasoe soc te platoe, ja'uc me to, te yutile nojel tey a te eleq'ue soc te bila ma tojuc ta pasele.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Salmos 69:12

Talel c'axel ya ya'anonic; te jyacubeletique ya sc'ajintayonic.

San Mateo 24:49

Soc ya xjajch' smaj te sjo'tac ta abatile, soc ya xcaj sjoin ta we'el-uch'bajel te yacubeletique.

Cantares 7:9

te yutil awe, pajal soc buen lequil vino te buen c'un nax soc bayal sbujts' ya caiy ta que.

Levítico 10:9

—Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

San Juan 2:10

Jich la yalbey: —Spisil ants-winiquetic c'aemic a te ja' neel ya yich' puquel te lequil vinoe. Te c'alal la yuch'iquix bayal a te mach'atic ic'bilique, patil ya yich' puquel ts'iin te ma'yuc sbujts'e. Yan te ja'ate aq'uejoj te lequil vinoe. Ja' to nax la awac' ta ilel ta ora to —la yut.