Efesios 5:16 - Bible in Tzeltal de Oxchuc y Tenejapa

¹⁶ Na'aic me stuuntesel te jujun c'aale, te melel ay amen ya xc'ax te jujun c'aale.

Nuevo Testamento Tzeltal de Amatenango

¹⁶ Tuuntesaik lek te tiempoe. Porke te jujun kꞌaale ay me tut ma lekuk a.

Bible in Tzeltal Bachajón

¹⁶ na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

Efesios 5:16 Referans Kwoze

Colosenses 4:5

Ya sc'an te ayuc sp'ijil awo'tanic te ya x'ainex ta yolil te mach'atic ma ba xch'uunejic te Diose. Ayuc me swentail te ya xc'ax c'aal awu'unic spisil ora.

Amós 5:13

Ja' yu'un te mach'a p'ije ma xju' yu'un te ya xc'opoje, melel bolobenix te q'uinale.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Efesios 6:13

Jich yu'un ya sc'an ya awich'ic spisil amajq'uilic yu'un te Diose, swenta yu'un jich me ya xju' awu'unic stsalel te bi c'aalil te ay awocolic yu'une. Jich ta patil te c'alal chapalexix ae, jich me ay yip awo'tanic ta lec.

Gálatas 6:10

Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Gálatas 1:4

Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

1 Corintios 7:26

Jich yu'un ya cal te jo'one, ja' lec te manchuc ya xnujbinexe, ta scaj te ay swocolil te cuxinel ta q'uinale.

Salmos 37:19

Teme bolob balumilal, teme tal wi'nal, ma ba ya staic q'uexlal, melel ts'acal me ya sta swe'el stuquelic.

Efesios 6:15

Lapaic me te axanabique, ja' te chapalex yu'un xcholel te lec yach'il c'op te ya xlamaj q'uinal yu'une.

Eclesiastés 11:2

Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

Génesis 29:7

La yal te Jacob: —Olil to nax c'aal, ma to yorailuc te ya sc'an ya yich' tsobel tel te chijetique. Ac'beya yuch' ja' te chijetic, patil ya awiq'uic bael ta we'el ta aquiltic —la yut.

Daniel 2:8

La yal te muc' ajwalil: —Ya jna' te ja' nax ya aleic te bit'il ya xc'ax te orae, yu'un awaiyojic te bila chapalix cu'une.

San Mateo 25:17

Ja' nanix jich uuc te mach'a la yich' cheb talento-taq'uine, jolon cheb talento yu'un uuc.