Efesios 5:14 - Bible in Tzeltal de Oxchuc y Tenejapa

¹⁴ Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Nuevo Testamento Tzeltal de Amatenango

¹⁴ Porke te sakil kꞌinale ya yakꞌ ta ilel spisil. Jaꞌ yuꞌun jich ya xꞌalot: “Kuxa awoꞌtan jaꞌat te wayalate. Jajchan tal te ba ay te animaetike, y Cristo ya yakꞌ sakubuk kꞌinal ta atojol”, xchi me.

Bible in Tzeltal Bachajón

¹⁴ Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

Efesios 5:14 Referans Kwoze

Isaías 60:1

Jajch'an, Jerusalén, xojobajan, melel julix tel te luz awu'un; ya xojobajix yutsilal Cajwaltic ta atojol.

Isaías 26:19

Ja'uc me to, te animaetic awu'une ya xcha'cuxic stuquelic; te sbaq'uetalique ya xcha'cuxic. Te mach'atic wayalic ta lumq'uinal, ya xtijotic jajch'el, soc ya me x'awunic yu'un sbujts' yo'tanic. Melel jich ya aticun tel te luz awu'un ta stojolic, te bit'il ts'ujul ya xyal ta ajc'ubale; jich te animaetic ya me xcha'chicnajic loq'uel ta lum.

1 Tesalonicenses 5:6

Jich yu'un ma me xwayotic jich bit'il wayalic te yantique. Ya sc'an te wiq'uil jsitic soc te cuxul co'tantique.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Colosenses 3:1

Jich yu'un te bit'il cha'cuxemexix soc te Cristoe, ja' me ac'a bajt'uc ta awo'tanic sleel te bila swenta te ch'ulchane, ta banti ay te Cristo te nacal ta swa'el sc'ab Diose.

Isaías 51:17

Wic'a asit, wic'a asit, Jerusalén, jajch'an. Ja'at la awaiybey swocolil yilimba te Cajwaltic, jich me c'oem te mach'a ya yuch' junuc copa, te ya yuch' sjunal ta jyalele, ja' to c'alal ya xyacub jilel.

Romanos 6:13

Ma me xawac' ta tuuntesel yu'un mulil te abaq'uetal ta spasel te bila amene. Jich yu'un ac'a abaic ta sc'ab Dios jich bit'il te mach'a cha'cuxemix tel ta bay te animaetique. Jich yu'un ac'aic ta tuuntesel yu'un Dios te abaq'uetalic ta spasel te bila toje.

San Juan 9:5

Te bit'il ayon to ta balumilale, sacuben q'uinal cu'un ta stojolic te mach'atic ayic ta balumilale —xi'.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

2 Timoteo 1:10

La yac' chicnajuc te yutsil yo'tan ta jtojoltic ta ora to te bit'il xtaluc te Jcoltaywanej cu'untique, ja' te Jesucristoe. Ja' xtaluc slajinbey yu'el te lajele, soc la yac' ta ilel ta swenta te lec yach'il c'op te bit'il ay cuxinel te ma xlaj sbajt'el q'uinale.

2 Timoteo 2:26

Jich me ya xcolic loq'uel ta syac te pucuj te bit'il chucbilic yu'une, swenta ya x'ac'bot spasic yu'un te bila ya sc'an yo'tane.

Hechos 13:47

Melel jich la spasotic ta mandal te Cajwaltique: “Jich la cac'atix ta ilel te bit'il xojobil c'ajc' ta stojol te jyanlumetique, ja'at me ta awenta te ya yich'ic coltayel spisil ants-winiquetic ta bayuc ta spamal balumilal”, te xie —xi' te Pabloe.

San Lucas 1:78

Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

San Lucas 15:24

Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.