Efesios 5:11 - Bible in Tzeltal de Oxchuc y Tenejapa

¹¹ Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

Nuevo Testamento Tzeltal de Amatenango

¹¹ Ma me ajoyin abaik ta spasel te tutik lom nax ya spasik te machꞌatik yuꞌun te yijkꞌal kꞌinale. Jaꞌ lek albeyaik ta jamal.

Bible in Tzeltal Bachajón

¹¹ Ma me xajoquinic ta spasel te a'teliletic yu'un te yihc'al q'uinal te mayuc stuc, ha lec xan te yac awaq'uic ta ilel te ay smulic,

Efesios 5:11 Referans Kwoze

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

1 Timoteo 5:20

Te mach'atic ma sc'an scom sbaic ta sleel te smulique, ya me acom ta comonsitil, swenta yu'un jich me ya xi'ic uuc te yantique.

2 Tesalonicenses 3:6

Quermanotac, ya calbeyex xan mandal ta swenta te Cajwaltic Jesucristoe: Ma me xajoin aba soc te quermanotic te chican nax te bila ya spase soc te ma jichuc ya spas te bit'il la cac'beyex anopique.

Romanos 16:17

Quermanotac, ya calbeyex xan wocol: Ila me abaic yu'un te mach'atic ya yaq'uic xatomba soc te ya sc'an ya xyaleswanic soc te ya scontroinic te bila ach'uunejic te ac'botex anopic ta apisilique. Ma me xajoin abaic soc.

Apocalipsis 18:4

Ay yan mach'a c'opoj tel ta ch'ulchan la caiy te jich la yale: “Ja'ex te lumex cu'un, loc'anic tel tey a ta bay te muc'ul lume, swenta yu'un jich ma ba ya ajoinic ta sleel te smulique soc ma ba ya staex te castigo ya yich'e.

Tito 2:15

Ja' me ya awac' ta nopel spisil in to. Aiya me tac'uywanej soc comaw te bit'il tulan awat'el awich'oje. Ma me ayuc mach'a ya sp'ajat ta yo'tan.

2 Tesalonicenses 3:14

Teme ay mach'a ma xch'uun spasel te bila la caltic li' ta carta to, na'beya me sba. Ma me xajoinic stuquel swenta yu'un jich me ya xq'uexaw.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

2 Timoteo 4:2

Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele.

2 Timoteo 3:5

Mero xch'uunejic Dios yilel, ja'uc me to, ta swenta yat'elic, ma xchicnaj ta smelelil te bila xch'uunejique. Ma me xajoin te mach'atic jich yo'tanic in to.

Gálatas 6:8

Melel te mach'a ya sts'un ta swenta baq'uet, ja' nix ya sc'aj ta swenta baq'uet te ya xlaje. Yan te mach'a ja' ya sts'un te bila swenta te Espiritue, ja' nix ya sc'aj ta swenta Espíritu te ay cuxlejal yu'un stuquele.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Proverbios 13:18

Te mach'a ya yilay te tojtesel, me'ba me ya xc'ot soc q'uexlaltic me sba; yan te mach'a ya xch'uun te tojtesele, muc' yutsil ya xc'ot stuquel.

Levítico 19:17

“Ma me xcupetuc slab awo'tan ta stojol awermano. “Tojtesa me te alumal teme tojtesel ya sc'ane, ma me xamulinbey smul, ma me xapaj awo'tan soc.

1 Tesalonicenses 5:7

Yu'un te mach'a ya xwaye, ajc'ubal ya xway, soc te mach'a ya xyacube, ajc'ubal ya xyacub.

San Lucas 3:19

Soc la yalbey ta jamal smul te ajwalil Herodese. Yu'un ja' la yic' yinamin te Herodías te yinam Felipe ja' te yijts'ine. Soc la yalbey xan spisil te bitic amen spasoje.

Efesios 5:7

Jich yu'un ma me xajoin abaic soc ta spasel te bila ya spasique.

Efesios 4:22

Ijq'uitayaic me te apocol cuxlejalic jich te bit'il ayex ta neelal toe. Melel spisil boloben te apocol cuxlejalique, yu'un c'aemix abaq'uetalic a te mulile.

Isaías 29:21

jich nix te mach'atic tojol nax ya yac'beyic scuch bila amen ta pasel yu'un te yantique, soc te ya yaq'uic yaluc te juez, soc te ya xlo'laywanic te jich ya scombeyic chajbanel ta stojol te mach'a ma'yuc smule.

Proverbios 25:12

Jich bit'il ch'ocowil, o ualil, te pasbilic ta t'ujbil oro, jich c'oem te p'ijil comel ta stojol te mach'a ya sna' yich'ele.

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Génesis 20:16

Soc jich la yalbey te Sara: —La cac'beyix jmil ta jsejp plata te axi'lele, jich yu'un ja' me smajq'uil aq'uexlal ya xc'ot awu'un ta sit spisil yantic ajoinej. Ma me ayuc mach'a amen sc'op ta atojol —la yut.

Proverbios 19:25

Te c'alal ya yich' castigo te j'ixta-o'tan, jich ya snop a te mach'a ma sna' q'uinale; yan te mach'a ay sp'ijilile, tic' ya snop a ta swenta te tojtesele.

Proverbios 15:12

Te mach'a toyba nax aye, ma lecuc yo'tan yu'un te comele; ma sc'an sjoin te mach'atic ay sp'ijilique.

San Mateo 18:15

“Soc teme ay bila amen la spasbat te awermanoe, baan, chapa soc. Ac'beya sna' te bila amen spasoje. Teme la yaiybat stojol te ac'ope, jich lec ayatix soc awermano abi.

Jeremías 15:17

Jo'on ma ba sc'anoj co'tan ta sjoinel te mach'atic ja' nax ya xbajt' ta yo'tanic spasel sbujts' q'uinal yaiyic. Ja' to c'alal la awu'uninon, jich cuxinon tel ta jtuquel nax, melel la awac' te ma la smulan co'tan te bila ay ta pasel.

Proverbios 1:31

C'ux obol me abaic yu'un swocolil te awat'elique; tsobol me ya xjil ta atojolic te bila amen la anop ta awo'tanique.

1 Timoteo 6:5

Soc ya yut sbaic yu'un te bit'il boloben yo'tanique, yu'un ch'ayix ta yo'tanic te smelelil c'ope. Ja' nax ya sc'an ya sta sc'ulejalic a te bila xch'uunejique. Ma me xajoin aba soc te mach'atic jich yo'tanique.

Proverbios 1:10

Jnich'an, teme ya sc'an ya slo'layat te jmulawiletic, ma me xawac' slo'layat.

Proverbios 28:4

Te mach'atic ma xch'uunic te mandalile, lec sc'oplal yu'unic te mach'a amen yo'tane; yan te mach'atic xch'uunejique, ya xcontroinot yu'un te mach'a amene.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Efesios 5:12

Melel q'uexlaltic sba ta alel te bila ya spasic ta muquene,

Colosenses 1:12

Soc sbujts' awo'tanic ya me awalbeyic wocol ta stojol te Jtatic Diose. Ja' la xchapanotic swenta yu'un ya quich'tic te bila ya yac'botic te jayebotic te ch'ul lumotic yu'un Dios te ayotic ta bay te saquil q'uinale.

1 Timoteo 5:22

Soc xan, ma me mach'auc nax ya acajanbey ac'ab ta sjol ta ora nax. Soc ma me xacoltay ta c'op yu'un smul te yane. Tsajtaya me aba yu'un jiche. Ma me xawac' staat te bila amene.