Efesios 4:4 - Bible in Tzeltal de Oxchuc y Tenejapa

⁴ Yu'un jun nax jbaq'uetaltic c'oem soc jun nax te Espiritue. Ja' nanix jich jun nax ic'bilotic ta smaliyel te iq'uele.

Nuevo Testamento Tzeltal de Amatenango

⁴ Jun nax atiꞌbalulik y jun nax te Espíritu awikꞌojike, jich tutꞌil te Dios te la yikꞌex te jun nax te tut ya amaliyike.

Bible in Tzeltal Bachajón

⁴ Junax baq'uet soc junax Espíritu, hich te bin ut'il junax te bin smuc'ulinej co'tantic te ha ic'bilex yu'une,

Efesios 4:4 Referans Kwoze

Efesios 2:18

Melel ta swenta Cristo, jcha'chajbaltic ya xju' ya x'ochotic ta stojol te Jtatic Dios ta swenta jun nax Espíritu.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Efesios 1:18

Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,

1 Corintios 12:20

Melel jun nax te jbaq'uetaltic te ay bayal ta jchajp te bila ay tey ae.

Colosenses 1:5

Jun awo'tan amaliyejic te bila q'uejbil yu'un Dios ta ch'ulchane, ja' to jajch'ex ta smaliyel a te c'alal la awaiyic stojol te smelelil c'ope, ja' bi ja' te lec yach'il c'ope.

Efesios 5:30

melel ja' yoc-sc'abotic ta bay te sbaq'uetale. Mero sbaq'uetalotic soc sbaquelotic.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Colosenses 3:15

Te lamal q'uinal yu'un te Diose ac'a swentainbeyex awo'tanic. Melel la yic'otic te Diose te jun nax ya xc'ootic ta jpisiltique, jich te bit'il jun nax ay te jbaq'uetaltique. Soc albeyaic wocol Dios yu'un spisil.

Efesios 2:22

Jich ta swenta nax Cristo te pajal yacalex ta ts'ajc'uyel soc te yantique, swenta yu'un ya xnain tey a te Dios ta swenta te Espíritu yu'une.

Efesios 2:16

Ta swenta bit'il la yac' sba ta lajel ta cruz te Cristo, jich la slajinbey sc'oplal te bit'il contro yiloj sbaic te cha'chajp lume. Soc tey la yac' junajuc yo'tan sbaic soc a te Diose, te bit'il la yac' ta jun naxe.

San Mateo 28:19

Jich yu'un, baanic, soc albeyaic te ya x'ochic ta jnopojel cu'un spisil ta jchajp te nacionetic, soc ac'beya yich'ic ja' ta swenta te Tatile, soc ta swenta te Nich'anile, soc ta swenta te Ch'ul Espiritue.

Jeremías 14:8

Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

1 Timoteo 1:1

Jo'on Pabloon te ayon ta jpuc-c'op yu'un te Jesucristoe ta swenta smandal te Diose, te ja' Coltaywanej cu'untique, soc uuc te Cajwaltic Jesucristo, te ja' smuc'ul co'tantic stuquele.

1 Corintios 10:17

Jich bit'il te pejch' nax waj te comon ya jlajintic ta jpisiltique, jich jun nax c'oemotic ta jpisiltic a.

2 Corintios 11:4

Melel ma wocoluc ya awac' achiquinic ta yaiybel stojol sc'opic te mach'atic ya xtal yalbeyic sc'oplal yan Jesús te ma ja'uc te Jesús te la jcholbeyex sc'oplal awaiyique. Soc ma wocoluc ya ach'uunic yan espíritu te ma ja'uc te Espíritu awic'ojiquixe, soc ma wocoluc ya ach'uunic yan c'op te ma ja'uc te lec yach'il c'op swenta jcoleltic te awaiyojiquix stojole.

Hechos 15:11

Ma jichuc ya sc'an. Ja' jch'uunejtic te bit'il ta swenta nax yutsil yo'tan cu'untic te Cajwaltic Jesús te colemotique, jich te bit'il la yich'iquix coltayel uuc te jyanlumetique —xi' te Pedroe.

Jeremías 17:7

“Ja'uc me to, ay me bendición ta stojol te ants-winiquetic teme jo'on smuc'ulon yo'tanique, teme ja' ay ta yo'tan te bila ya smaliybone.

Romanos 11:29

Melel teme Dios la yal te ya xc'uxtaywane, soc te ay mach'a ya x'ic'ot yu'une, ma ba ya sujt'es sc'op stuquel te Diose.

Salmos 122:8

Ta ora yo'tic, ta swenta te quermanotactic soc yantic te c'ux ya caiy ta co'tan, jich ya cal xan ta stojol Jerusalén: “Lamaluc me q'uinal ta atojol.