Efesios 4:32 - Bible in Tzeltal de Oxchuc y Tenejapa

³² Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

Nuevo Testamento Tzeltal de Amatenango

³² Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

Bible in Tzeltal Bachajón

³² Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

Efesios 4:32 Referans Kwoze

San Marcos 11:25

Te c'alal yacalex ta sc'oponel te Diose, pasbeya perdón neeluc teme ay mach'a ay falta yu'un ta atojole. Jich me ya spasbeyex perdón yu'un amulic uuc te Jtatic te ay ta ch'ulchane. [

2 Corintios 2:10

Teme ay mach'a ya apasbeyic perdón yu'un te bila amen la spase, jich ya jpasbey perdón yu'un uuc te jo'one. Yu'un te mach'a ya jpasbey perdone, teme ay nix bila ya sc'an ya jpasbey perdón yu'une, ja' ya jpasbey perdón ta awentaic ta stojol te Cristoe.

Efesios 5:1

Te bit'il yal-snich'anex Dios te bayal c'uxex ta yo'tane, nopbeyaic me te yo'tane.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

San Lucas 6:37

“Ma me xalebey smul te yane, swenta yu'un jich ma ba ya yich'beyex ac'opic te Diose. Ma me xawac'beyic castigo yu'un smul te yantique, jich ma ba ya yac'beyex castigo yu'un amulic uuc te Diose. Pasaic perdón, jich me ya spasbeyex perdón uuc te Diose.

1 Corintios 13:4

Te mach'a ay xc'uxul yo'tane, spisil ya xcujch' yu'un, soc ay yutsil yo'tan, soc ma spas jex-o'tanil. Ma xyac' sba ta ich'el ta muc', soc ma stoy sba.

San Lucas 17:4

Manchuc teme ya sta smul ta atojol juqueb buelta te jujun c'aale soc teme jujun buelta ya xtal yalbat te ma ba ya spasixe, pasbeya perdón jujun buelta —xi' te Jesuse.

San Mateo 6:12

Pasbotic perdón yu'un te bila amen jpasojtique, jich te bit'il ya jpasbeytic perdón uuc te mach'atic amen bila spasojbotique.

Salmos 145:9

Te Cajwaltic mero lec yo'tan ta jtojoltic ta jpisiltic, buen t'ujbil yo'tan ta scanantayel te yat'ele.

1 Juan 2:12

Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

1 Juan 1:9

Yan teme jamal ya caltic te jmultique, jna'ojtic stojol te jich ya spasbotic perdón te Diose, soc ya spocbotic loq'uel spisil ta jten te sbolil co'tantique. Yu'un toj yo'tan soc jun yo'tan stuquel te Diose.

2 Corintios 2:7

Jich yu'un ta ora to, ja' lec te ya apasbeyiquix perdón soc te ya amuc'tesbey q'uinal yaiye, swenta yu'un ma me xtenot yu'un te mel-o'tane.

Santiago 5:11

Jich ay ta co'tantic te bin nax me yutsilic te mach'atic ya sts'ijc' yu'unic te swocolique. Jich bit'il Job, te awaiyojbeyic stojol sc'oplal te bit'il ts'ijc' yu'un te swocole, soc ana'ojic te bit'il c'ot ta loq'uel yu'un Cajwaltic ta patile. Melel te Cajwaltique bayal xc'uxul yo'tan soc ya sna' yo'bolil jbajtic stuquel.

2 Corintios 6:6

Buen toj ya sc'an x'ainotic, soc ay sp'ijil co'tantic, spisil ya xcujch' cu'untic. Soc ay yutsil co'tantic ta swenta te Ch'ul Espiritue, soc te ay xc'uxul co'tantic ta melele,

San Lucas 11:4

Pasbotic perdón yu'un jmultic, jich nix te bit'il ya jpasbeytic perdón uuc te mach'atic ay smul ta jtojoltique. Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene,” xaex me ta sc'oponel te Diose —xi' te Jesuse.

San Lucas 1:78

Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

Isaías 57:1

Te winiquetic te lec yo'tanic, ya xlajic soc ma'yuc mach'a ya xc'opoj yu'un; te lequil winiquetic ya xch'ayic ta jc'axel. Ma'yuc mach'a c'oem ta yo'tan te ya xjilic ta libre yu'un uts'inel te mach'atic ya xway sbaq'uetalic,

Proverbios 19:22

Te bila ya sc'an co'tantique, ja' te c'ux ya quich'tic aiyel spisil ora; ja' lec stuquel te me'baile, ja' ma lecuc te lote.

Proverbios 12:10

Te mach'a toj yo'tan, ya sna' te ay yo'bolil sba te xchamsbalame; yan te mach'a amen yo'tane, ma'yuc bi ya sna'bey yo'bolil sba.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Rut 2:20

Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

2 Pedro 1:7

Teme la ana'ic spisil ora te Diose, junuc me awo'tan abaic soc te awermanotaque. Teme junaj awo'tanique, c'ux me x'awaiy abaic.

Hechos 28:2

C'axem to xan la xc'uxtayotic te mach'atic ainemic tey a. Melel la snup'ic c'ajc', jich la yic'otic ta sc'atinel ta scaj te ay siquil te q'uinale soc te ja'al te yac ta yalele.

2 Samuel 7:21

Spisil te bila jelawen yutsil la apasixe, jich nix te bit'il la awal ta neelal to te jich la sc'an awo'tane, swenta yu'un jich me ya quil.

Proverbios 19:11

Te mach'a ay sp'ijile, ya scom sba ta ilimba; soc ya x'ich'ot ta muc' teme ma'yuc sc'oplal ta yo'tan te ixtac'optayele.

Jeremías 38:12

jich la yalbey: —Ac'a ta yet'al anejq'uel te pocol paq'uetique, swenta yu'un ma ba ya yejch'entesat te lazoetique —xi'. Te Jeremías jich la spas.