Efesios 4:26 - Bible in Tzeltal de Oxchuc y Tenejapa

²⁶ Teme ya x'ilinexe, ma me teyuc ya ata amulic a. Ma me smaleluc c'aal te yaquex ta ilimbae.

Nuevo Testamento Tzeltal de Amatenango

²⁶ Teme ya xꞌilinexe, ma me mulawananik, sok ma me spꞌejeluk kꞌaal te ya xꞌilinexe.

Bible in Tzeltal Bachajón

²⁶ Teme ya x'ilinex, ma me xata amulic yu'un; ma me yaleluc stibiltayel yaquex ta ilimba,

Efesios 4:26 Referans Kwoze

Santiago 1:19

Jich yu'un quermanotac te bayal c'uxex ta co'tane, chapaluquex me ya awaiyic stojol te bila ya yich' alele. Ma me xc'opojex ta ora, soc ma me x'ilinex ta ora.

Salmos 4:4

Nijc'uc me awo'tanic, ma me xaleic xan amulic. Te c'alal ayex ta awayibic, te senelix q'uinal ae, tsajtaya awaiyic te awo'tanique.

Salmos 37:8

Ijq'uitaya te ilimba, ma me xc'ajc'ubix awo'tan; ma me x'ilinat, melel ya me ata awocol yu'un.

Eclesiastés 7:9

Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.

Proverbios 14:29

Teme ya xcujch' cu'untic te wocole, ya me cac'tic ta ilel a te bayal sp'ijil co'tantic; yan teme ma xcujch' cu'untique, ja' ya cac'tic ta ilel a te smuc'ul sbolil co'tantique.

Proverbios 19:11

Te mach'a ay sp'ijile, ya scom sba ta ilimba; soc ya x'ich'ot ta muc' teme ma'yuc sc'oplal ta yo'tan te ixtac'optayele.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

San Marcos 3:5

Te Jesús la yil ta sjoyobal te ants-winiquetic. Ilin yu'un soc la smel yo'tan yu'un te bit'il tulan te yo'tanique. La yalbey ts'iin te winique: —Toya jajch'el te ac'abe —la yut. La stoy jajch'el sc'ab te winique. Jich lecub te sc'abe.

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

San Marcos 10:14

C'alal la yil te Jesuse, ma lecuc la yaiy. Jich la yal: —Ac'a taluc ta jtojol te alaletique. Ma me x'acomic, melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

Proverbios 25:23

Teme ya xtal ta norte te iq'ue, jich ya xtal te ja'ale; ja' nix jich te bol c'opetic ya xloc' ta quejtic, ya xchicnaj ta quelawtic.

Éxodo 11:8

Te ajo'tac ta ajwalile ya laj me xtal squejan sbaic ta jtojol ta sc'anel te ya quic' loq'uel ta ora spisil te jlumale. Ja' to me ya xboon abi —xi' te Moisese. Bayal ilinem loq'uel Moisés ta stojol faraón.

Deuteronomio 24:15

Tojbeyaic me te yat'elic ta yorail nix te bi c'aalil ya x'at'ejic ta atojolique. Ma me xamaliyic yijc'ubel q'uinal, melel yu'un sme'bail te at'eje. Ya me xtuun yu'un te taq'uin yu'un ya sman bila ya xtuun yu'un a. Teme ma jichuc ya apasique, ya me sc'an parte ta stojol te Cajwaltic, jich me ya ata amulic yu'un.

Santiago 1:20

Melel te yilimba te ants-winique, ma ja'uc ya spas te bila ya sc'an te Diose.

1 Samuel 20:34

Jich mero ilinem yo'tan loc' jajch'el ta mesa te Jonatán. Ma ba och ta we'el ta swenta xchebal c'aal yu'un te q'uine, scaj te mero bayal la smel yo'tan yu'un te bi la yal te stat ta stojol David, soc nix te bit'il amen bila albot yu'un te state.