Efesios 4:25 - Bible in Tzeltal de Oxchuc y Tenejapa

²⁵ Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Nuevo Testamento Tzeltal de Amatenango

²⁵ Jaꞌ yuꞌun jilesaik me te le-lote. Jaꞌ lek te jaꞌ ya awalik ta juju-tulex te tut batsꞌi jich ta stojol te ajoy ta genteile. Porke jpisiltik jun nax ayotik.

Bible in Tzeltal Bachajón

²⁵ Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

Efesios 4:25 Referans Kwoze

Colosenses 3:9

Ma me xapas abaic ta lot juju-jtulex. Ijq'uitaya me te apocol acuxlejalique soc spisil te bila c'aemex ta spasel ta swentae.

Zacarías 8:16

Pero ya calbeyex te bila spisil ora ya sc'an ya apasique: Mero meleluc me te ac'opic te ya awalbey abaique, mero stojil me te ya xchajbanwanex, bayaluc me sc'oplal ta awo'tanic te ya xlamaj q'uinal awu'unic ta swenta chajbanwanej awu'unique.

Proverbios 12:22

Te Cajwaltic ya yilay te mach'atic ya spasic lot; pero bin nax yo'tan yu'un te mach'atic toj ya x'at'ejique.

Romanos 12:5

Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique.

Efesios 4:15

Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

Proverbios 12:17

Te mach'a testigo ta melel, ya yal ta jamal te bila melele; yan te lotil testigoe, ya spas lot stuquel.

Proverbios 8:7

Te bila ya calbeyexe, mero smelelil; jo'on ma jmulan yalel lot.

Proverbios 12:19

Te mach'a melel ya xc'opoje, stalel ya x'ain sbajt'el q'uinal; yan te mach'a ma meleluc ya xc'opoje, ajc' nax ay ta q'uinal stuquel.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

1 Timoteo 4:2

Soc ya me xjajch' yantaybeyic sc'op te mach'atic cheb yo'tanique, te puro lotil c'op ya yalique, te jc'axel pimuben yo'tanic. Ma'yuc bila ya xc'otix ta yo'tanic xujt'uc.

Levítico 19:11

“Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

2 Corintios 7:14

La calbey te Titoe te mero lec te awo'tanique. Ma la jta q'uexlal yu'un te bila la calbeye. Jich bit'il smelelil te bila la calbeyexe, jich ma lotiluc spisil te bila la calbey te Titoe, te bin nax co'tan awu'unique.

Tito 1:12

Jich bit'il te la yalbey sc'oplal slumal te jtul j'alwanej yu'un te cretaetique: “Ta spisil te cretaetique stalel jpas-lotetic, bol chambalametic. Mero ch'ajetic, soc ja' nax ya xwe'-x'uch'ajic”, te xi' sc'oplalic yu'un.

1 Corintios 10:17

Jich bit'il te pejch' nax waj te comon ya jlajintic ta jpisiltique, jich jun nax c'oemotic ta jpisiltic a.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Zacarías 8:19

—Scomel we'eliletic ta swenta xchanebal u, yo'ebal u, sjuquebal u soc te slajunebal u, ya me xc'atp'uj ta swenta yutsil q'uinal yaiyic, soc ta buen t'ujbil q'uinetic yu'un te patil alnich'anetic yu'un Judá. Ja' me xamulanic jiche te bila smelelil, soc te lamal q'uinal awu'unique —xi' te Cajwaltique.

Oseas 4:2

Ja' nax esmajem ta alel sbiil Dios te tojol xanix, soc te lotil c'ope, milaw soc elec'. Ya yaiyic mulwej soc ya yuts'inic spat-xujc', jich ya xmilawanic ta jujun buelta.

Isaías 63:8

Ja' la yal: “Ja'ic me lum cu'une, te ma spasic lote”, xi'. Jich yu'un la scoltay

Isaías 9:15

(Te sjole, ja' seña te mamaletic soc te jtsobwanejetique, te sne, ja' seña te j'alwanejetic te ya yaq'uic ta nopel te lotetique.)

Proverbios 21:6

Te c'ulejalil te ya yich' tael ta swenta lo'laywanej ajc' nax ay ta q'uinal, soc ya x'ac'ot ta lajel yu'un.

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Salmos 119:29

Ma xawac'on ta pas-lot; wocoluc, ac'bon me te p'ijubtesel awu'une.

Salmos 52:3

Ja' ya amulan te bila amen, ma ja'uc ya amulan te bila leque; ja' ya amulan te lot, ma ja'uc ya amulan te bila melele.

Efesios 5:30

melel ja' yoc-sc'abotic ta bay te sbaq'uetale. Mero sbaq'uetalotic soc sbaquelotic.

1 Reyes 13:18

Pero te mamal la yac' puersa: —Ja' nix jich j'alwanejon yu'un Dios, jichon te bit'ilate. Ta swenta ch'ul abat yu'un Cajwaltic la spason ta mandal te ya quic'at bael yu'un ya cac'bat awe'el awuch'el —la yut. Ja'uc me to slot te mamale.

Éxodo 23:7

“Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

Salmos 15:2

Ja' nax te mach'a ma'yuc mulil ta yo'tan te ja' nax ya spas te bila leque; ja' te spisil yo'tan ya yal te bila smelelile;

Proverbios 24:28

Ma me xatojol-lebey smul apat-axujc', soc ma me x'ochat ta lotil testigoil.

Efesios 4:22

Ijq'uitayaic me te apocol cuxlejalic jich te bit'il ayex ta neelal toe. Melel spisil boloben te apocol cuxlejalique, yu'un c'aemix abaq'uetalic a te mulile.

Efesios 4:31

Ijq'uitayaic spisil te lab-o'tanile, te c'ajc'ubele, te ilimbae, te utawe, te bol c'ope, soc spisil ta jchajp te ixtajele.

Colosenses 3:8

Yan ta ora to ijq'uitayaic spisil in to: Ja' te ilimbae, te c'ajc'ubele, te bila amene, te toybac'optaywaneje, soc te bol utaw te ya xloc' ta awee.

Hebreos 12:1

Te bit'il joytaybilotic yu'un tsobol ta jtul testigoetic te la yaq'uiquix ta ilel te bit'il ay xch'uunjel yo'tanique, jich yu'un te jo'otique ac'a quijq'uitaytic jilel te bila ya smacotique soc te mulil te ya xchucbotic te cacantique. Junuc me co'tantic ac'a animajucotic bael te banti ya xc'ootic te ay ta jtojoltique.

Santiago 1:21

Jich yu'un ijq'uitayaic te bila ilaybile soc spisil ta jchajp te bila amen ta pasele. Peq'ueluc me xawac' abaic ta yaiyel stojol te sc'op Dios te ya yich' ts'unel ta awo'tanic soc te ya xcol ach'ulelic yu'une.

1 Pedro 2:1

Jich yu'un jc'axel me ac'a jiluc awu'unic spisil ta jchajp te bila amen ta pasele, soc spisil te lo'laywaneje, te cha'lam-o'tanil, te bic'tal-o'tanile, soc jiluc me awu'unic spisil ta jchajp le-mulil.

Jueces 16:11

Te Sansón la sjac': —Teme ya achucon ta yach'il lazoetic te mero ma'yuc bay tuuneme, ya xch'ay te quipe, jich ya xc'oon te bit'il yantic winiquetique —xi'.