Efesios 4:24 - Bible in Tzeltal de Oxchuc y Tenejapa

²⁴ C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Nuevo Testamento Tzeltal de Amatenango

²⁴ Ichꞌaik te yachꞌil akuxlejalik te la xchiknates te Diose sok te pajal yilel soke. Y jich me ya xchiknaj te toj te akuxlejalik sok te ma tut kapal ae, te ipꞌajem yuꞌun te tut batsꞌi jiche.

Bible in Tzeltal Bachajón

²⁴ soc lapahic me te yach'il cuxlejal, te hich pasbil te bin ut'il ay te Diose, te toj bin ya spas soc te ch'ultesbil ta smelelil.

Efesios 4:24 Referans Kwoze

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Efesios 6:11

C'u'inaic me spisil te amajq'uilic yu'un te Diose, swenta yu'un jich me ma jtebuc ataelic ta lo'layel yu'un sp'ijil te pucuje.

Romanos 6:4

Melel te bit'il la quich'tic ja'e, tey la join jbatic ta muquel c'oem soc a. Jich nix te bit'il la yich' cha'cuxesel te Cristo ta bay te animaetic ta swenta yutsil yu'el te Jtatic Diose, jich me ya quich'tic yach'il jcuxlejaltic uuc.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

2 Corintios 4:16

Ja' swentail te ma xpejc'aj te co'tantique. Manchuc teme yanyan ta lajel te jbaq'uetaltique, ja'uc me to, yanyan ta ach'ubel jujun c'aal te co'tantique.

Romanos 13:12

Te ajc'ubale nopol xc'axix bael. Ja' nopol ya sacubix tel te q'uinale. Jich yu'un, ya sc'an ya quijq'uitaytic jilel ta pasel te bila swenta te ijc' q'uinale. Ya sc'an te ya c'u'intiquix te cat'ejibtic ta swenta te saquil q'uinale.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.

Romanos 8:29

Melel te mach'atic namey to na'bil sbaic yu'un te Diose, xjajch'ibal to tel chapal sc'oplalic yu'un Dios te bit'il pajal yilelic ya xc'ot soc te Snich'ane, swenta yu'un ja' sbabial ya xc'ot ta yolil te tsobol yijts'inabe.

San Juan 17:17

Ac'a u'uninbotuc yo'tanic yu'un te bila melele. Te bila melele ja' te ac'ope.

Gálatas 6:15

Melel ta swenta Cristo Jesús, ma'yuquix sc'oplal teme quich'ojtic circuncisión, o teme ma ba quich'ojtique. Ja' ay sc'oplal teme ach'ubenotiquixe.

Gálatas 3:27

Melel te jayebex te awich'ojic ja' ta swenta te Cristoe, ja' ac'u'inejiquix te Cristoe.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

1 Corintios 15:53

Yu'un te jbaq'uetaltic te ya xc'a'e, ya me sc'u'in te bila ma xc'a'e. Soc te bila ya xlaje, ya me sc'u'in te bila ma xlaje.

Job 29:14

Te bila stojil soc te toj-o'tanile, jo'onix quich'oj ta co'tan, ja' jc'u'inej c'oem jujun c'aal.

Efesios 2:15

te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.

Isaías 59:17

La spots sba ta tsalaw, jichuc smajq'uil stan; la yac' ta sjol te colel, jichuc spixol-taq'uin. Bayal la yich'bey spacol, la slap c'oem jichuc najt'il c'u'il; soc la spots sba ta yilimba, jich bit'il te pac' te muc' xchiquine.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Génesis 5:1

Jich ay te lista yu'un sts'umbal Adán. C'alal Dios la spas te ants-winic, pajal yilel soc Dios te la spase.

San Lucas 1:75

Ch'ulajem co'tantic soc toj co'tantic ta stojol te jayeb c'aal cuxulotique.

Romanos 7:6

Yan ta ora to, libre ayotiquix ta swenta te mandalil, te bit'il lajemotic ta swentae. Jich yu'un ya me cac' jbatic ta abatinel yu'un te yach'il mandalil yu'un te Espiritue; ma ja'uquix ta swenta te poco mandalil te ts'ibubil jilele.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

2 Pedro 1:4

Ta swenta in to, jelawen yutsil ta c'axem to xan te bila yalojbotic te ya yac'botic ta patile. Swenta yu'un pajal quileltic ya xc'ootic soc te bit'il ay te Diose, soc te libre ya xjilotic yu'un spisil sbolil te bila mulanbil ta pasel ta balumilale.