Efesios 4:23 - Bible in Tzeltal de Oxchuc y Tenejapa

²³ Te ja'exe ya sc'an ya x'ach'ub te awo'tanique.

Nuevo Testamento Tzeltal de Amatenango

²³ Te jaꞌexe ya skꞌan xꞌachꞌubex sok te apensarike y sok awoꞌtanik.

Bible in Tzeltal Bachajón

²³ ach'ubenuc me apensaric,

Efesios 4:23 Referans Kwoze

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Romanos 8:6

Melel teme ja' nax ya xbajt' ta o'tanil te bila ya sc'an te baq'uete, ja' ya x'ac'awan ta lajel yu'un. Yan teme ya xbajt' ta o'tanil te bila ya sc'an te Espiritue, ja' ya yac' cuxinel soc lamal q'uinal.

Salmos 51:10

Dios cu'un, pocbon ta lec te co'tane. Ac'bon xan yach'il sbujts' co'tan te toj ya x'ainon yu'une.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

Ezequiel 36:26

Ya me cac'beyex yach'il awo'tanic, ya me cac'beyex yach'il acuxlejalic. Ya me jloq'uesbeyex te awo'tanic te pajal soc tulanil ton, ya me cac'beyex awo'taninic c'unil-o'tanil.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Ezequiel 11:19

Jo'on me ya jloq'uesbey ta yo'tanic te bila tulan jichuc ton. Ya me cac'bey yach'il yo'tanic soc yach'il xcuxlejalic.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Romanos 6:4

Melel te bit'il la quich'tic ja'e, tey la join jbatic ta muquel c'oem soc a. Jich nix te bit'il la yich' cha'cuxesel te Cristo ta bay te animaetic ta swenta yutsil yu'el te Jtatic Diose, jich me ya quich'tic yach'il jcuxlejaltic uuc.