Efesios 4:2 - Bible in Tzeltal de Oxchuc y Tenejapa

² Peq'uel me xawac' abaic, soc ayuc me yutsil awo'tanic. Ac'a cujch'uc awu'unic teme ay bila ma lecuc ya awaiy ta awo'tanique. Jech ts'icbeya abaic ta swenta te xc'uxul awo'tanique.

Nuevo Testamento Tzeltal de Amatenango

² Mansoukex me y lekuk me ya awila abaik. Yauk me stsꞌijk awuꞌunik y talel bael ya xkujch awuꞌunik sok skꞌuxul awoꞌtanik.

Bible in Tzeltal Bachajón

² Peq'ueluc me xawac' abahic, lamaluc me awo'tanic, talel c'axel cuhchuc awu'unic ta scuenta sc'uxul awo'tanic,

Efesios 4:2 Referans Kwoze

1 Corintios 13:7

Spisil ya xcujch' yu'un, spisil ya xch'uun, spisil ya smaliy, soc spisil ya sts'ijc' yu'un.

Romanos 15:1

Te jo'otic te ayix quiptic ta swenta xch'uunjel co'tantique, ya sc'an ya jna'beytic yo'bolil sbaic uuc te mach'atic ma to ayuc yipique. Ma me ja'uc nax ya jle jtuqueltic te bila ya jmulantique.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

1 Timoteo 6:11

Ja'uc me to, te ja'at te swinicat te Diose, xi'a me spisil te bila la calixe. Ja' me xbajt' ta awo'tan te toj ya x'ainate soc te jun awo'tan ta stojol te Diose, soc te ayuc lec xch'uunjel awo'tan soc xc'uxul awo'tan soc yip awo'tan, soc te peq'ueluc ya awac' aba spisil ora.

Proverbios 3:34

Ya me xlabanotic yu'un Cajwaltic te mach'atic jlabanwanejetique; pero bayal me yutsil yo'tan ta stojol stuquelic te mach'atic peq'uel ya yac' sbaique.

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

Salmos 138:6

Manchuc me mero toyol te banti ay te Cajwaltique, pero ya yil te mach'a peq'uel yac'oj sba, soc ya sna'bey sba ta c'ubul te mach'a jtoyba-o'tane.

1 Pedro 3:15

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

Gálatas 6:2

Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

Sofonías 2:3

Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Hechos 20:19

Spisil ora peq'uel la cac' jba te bit'il ayon ta abatinel yu'un te Cajwaltique. Bayal bi la coq'uetay jba yu'un, soc c'ax jwocol ta ilel co'tan yu'un te bila c'an spasbonic te judioetique.

Proverbios 16:19

Ja' lec pajal peq'uel ya cac' jbajtic soc te mach'atic me'baetique; ma lecuc teme ya jpucbey jbajtic spojbil c'ulejalil te mach'atic jtoybaetique.

San Marcos 9:19

La yal te Jesuse: —¿Bit'il ayex a ja'ex te jlam alnich'anex te ma'yuc xch'uunjel awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —la yut.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Salmos 45:4

Ta swenta smuc'ul awutsilal beenan ta tsalaw. Ja' ay ta awo'tan te bila melele; ja' ay ta awo'tan te bila stojil ya yich'ic pasbeyel te mach'atic peq'uele. Te awa'elc'abe ya me spas bitic xiweltic sba ta ilel.

Santiago 1:21

Jich yu'un ijq'uitayaic te bila ilaybile soc spisil ta jchajp te bila amen ta pasele. Peq'ueluc me xawac' abaic ta yaiyel stojol te sc'op Dios te ya yich' ts'unel ta awo'tanic soc te ya xcol ach'ulelic yu'une.

Eclesiastés 7:8

Ja' lec ta aiyel te c'alal ju'ix ta chapel a te c'ope; ma ja'uc lec ta aiyel te c'alal ya yich' jachele. Ja' lec teme jun awo'tan ya xc'ax awocole; ma ja'uc lec teme toyba ayate.

Colosenses 1:11

Soc ya jc'anbeytic te Diose te yacuc yac'beyex yip awo'tanic ta swenta te yutsil yu'ele, jich me ya xcujch' awu'unic soc ya sts'ijc' awu'unic spisil ta swenta yip awo'tanic.

1 Pedro 3:8

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.